Estere 6:4 - O Mikanda Ikola

⁴ Muenexi anga u zuela dingi, uixi: Nanhi-ó uala mu kithâdi? Kuma Hamane ua di meneka, ua bhixila kiá mu kithâdi kia kanga, uala mu kuiza kuzuela ni muenexi phala a nhenge Moledekai ku mukambu ua mu iudikila.

Estere 6:4 ပူးပေါင်းရင်းမြစ်များ

Estere 4:11

Akua mbèle ioso ia muenexi, ni mundu uê ku kanga, a kʼijiia kuma uoso-uoso, a kale diiala a kale muhatu, u bhixila kua muenexi mu lumbu lua moxi sé ku mu ixana, kijila kiê kiala ngó kimoxi, a mu jibha muene sé kufula; o kukamba ku mu jibha kikale muenexi u mu zengela mbasá iê ia ulu phala ku mu bhana muenhu. Eme-phe o makuinhi atatu a izuua i tena, ka ngʼixana kuala muenexi.

Estere 5:1

Kutula mu kizuua kia katatu, Estere u di iudika, u zuata izuatu iê ia ungana, anga u imana mu kithâdi kia moxi, bhua lulama mu sala ia muenexi; o muenexi muene ua xikana bhu kiandu kiê kia ungana, ua bhana pholo ku muelu ua mbalanda.

Estere 5:14

Bhenhobho ni mukajiʼê Zelexe ni makamba mê moso a mu ambela, exi: Iudika mukambu ua lebha muene, ua kitala kia makuinhi atanu a kóvado, o ki kúkia u zuela ni muenexi phala Moledekai a mu nhenga kuenhuku; ela a zubha ku ki bhanga-phe, eie u ijiie kuia kiua ni kusanguluka ku fesa ni muenexi. Hundu ienhiʼii anga i uabela Hamane, u tuma kuiudika o mukambu.

Estere 6:3

Muenexi anga u ibhula, uixi: Moledekai a mu bhangela ujitu uahi, a mu bhana kijingo kiahi, mukonda dia kubhanga kienhiki? Akua mbèle a mu xibhididla sobha anga a vutuila muenexi, exi: Kà mu bhànga ujitu ua kima.

Estere 6:5

Akua mbèle anga a kumbulula muenexi, exi: Hamane muene uala mu kithâdi kia kanga. Kuala muenexi: A bokone.

Estere 7:9

Hadibona, ngolambole imoxi uala mu xibhidila muenexi kumoxi ni akuâ, u zuela: Talesa mukambu ualebha, ua makuinhi atanu a kóvado, ua iudika Hamane ua kunhenga Moledekai, ua bhanga muenexi o mbote, iú ku bhata dia Hamane. Sobha anga u a ambela, uixi: Mu nhengienu-ku muene, kuenhoko!

Jobe 5:13

Muene, o jingijiie u ji kuatela mu kuijiia kuâ; o kikutu kia isuéia, ka ki ehela.

Jisálamu 2:4

Ió ua xikama ku maúlu ua olela; Ngana anga u a bhanga kasekelu.

Jisálamu 33:19

Ku a langa o muenhu uâ mu kaẋi ka iluezu ia kúfua; ni ku a bhana o kulaia mu thembu ia nzala.

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.