Estere 5:4 - O Mikanda Ikola

⁴ Kuala Estere: Se kia ku uabhela ngana, u muenexi, lelu izé hanji ni Hamane ku fesa i nga ku bhangela.

Estere 5:4 ပူးပေါင်းရင်းမြစ်များ

Dimatekenu 27:25

Uixi: Beka kunu, ngi die ku xitu ia monʼami ia unhanga, phala ngi ku bhane o dibesá dia muxima. Anga u mu bhekela bhua zukama, u kuata kúdia; u mu bhekela ue ni vinhu, u nua.

Dimatekenu 32:20

mua kèla kuma: Muene selevende ié Jakobo, iú uiza ku dima kuenhuku. Kuma uambe, uixi: Ngi mu luulula hanji ni ujitu ua tuamena, ngi mone kiua o pholo iê; imoxi u ngi tambulula.

Estere 1:9

Na mvale Váxiti, anga u bhanga ue fesa ia ahatu, mu sala ia palaxu ia muenexi Asuuelu.

Estere 3:15

Jiphunga ja koleiu anga ji suluka ni lusoilo mu kumbidila kitumu kia muenexi, o ngonge ienʼiii ia tundu mu mbonge ia Suzana kuma iene o mbonge ia dibhata dia muenexi: Ni Muenexi ni Hamane anga a xikama mu kúnua; maji o mundu-phe mu nzunga ia Suzana a tandanganha ni hundu ienhiʼii.

Estere 5:3

Muenexi anga u mu ambela, uixi: Kiebhi-ze na mvuale, Estere? Ihi ki u ngi bhinga? Zuela, ngi ku bhane-kiu, né kia ngi bhingi kuila o utuminu uami tu u uanetu ngó.

Estere 5:5

Muenxi anga u zuela, uixi: lenu Hamane a lenguluke, lelu tu ki bhange kioso kiandala Estere. Kala kiki, ni muenexi ni Hamane anga eza ku fesa iaiudika Estere.

Estere 5:8

Se nga sange ngalasa ku mesu mé u muenexi, se uambe ku ngi bhana kioso ki ngi bhinga, kioso ki ngi sola, o kuila muenexi eze dingi luamukuá ni Hamane ku fesa i ngi iudika mungu, ngʼijiie kiua kuzuela, ngana, kioso ki ua ngʼibhula, nda bhange kioso ki ua ngi tumu.

Jisálamu 112:5

U mona mbote, muthu u kala mukua kiadi, u bhandulula akuá; imbamba iê ioso u i endesa ni kutetuluka.

Jisabhu 29:11

Dilaji, njinda iê ioso u i aneka; maji o njimu-phe, uximbakata anga o njinda iê u i kondeka.

I Kolindo 14:20

Jiphange, kana kuxinganeka kala mu anandenge. Mu iaiibha mu kala mu ana auisu, maji-phe mu kuxinganeka mu kala mu adiakimi.