Estere 5:3 - O Mikanda Ikola

³ Muenexi anga u mu ambela, uixi: Kiebhi-ze na mvuale, Estere? Ihi ki u ngi bhinga? Zuela, ngi ku bhane-kiu, né kia ngi bhingi kuila o utuminu uami tu u uanetu ngó.

Estere 5:3 ပူးပေါင်းရင်းမြစ်များ

I Jisobha 2:20

Bhenhobho u mu ambela, uixi: Nga mesena ku ku bhinga kama ngó kamoxi; kana ku ngi dituna-ku. Muenexi anga u mu ambela, uixi: Ngi bhinge, mamʼetu; ki ngi ku ditunu, ni ngi ku sonokesa o pholo.

I Jisobha 3:5

Bhu Ngibiione bhenhobho Jihova anga u tukulukila Solomá, ku nzoji, mu usuku. Nzambi anga u mu ambela, uixi: Bhinga kioso ki uandala ki ngi ku bhana.

Nehemiia 2:4

Anga sobha u ngʼambela, uixi: Kiki phe kima kiahi ki u ngi bhinga; eme bhenhobho ngi sambela Nzambi ia diulu,

Estere 5:4

Kuala Estere: Se kia ku uabhela ngana, u muenexi, lelu izé hanji ni Hamane ku fesa i nga ku bhangela.

Estere 5:6

Muenexi anga u ambela Estere bhu fesa ia vinhu, uixi: Kima kiahi ki u ngi bhinga? Zuela, ngi ku bhane-kiu; kioso ki u sola tu ki bhanga, né ki bhinga o utuminu tu uanetu ngó.

Estere 7:2

Muenexi anga u ambela Estere, kizuua kia kaiadi ku fesa ia vinhu, uixi: Kima kiahi ki u ngi bhinga, na mvuale Estere? Zuela, ngi ku bhane-kiu; kioso ki u sola tu ki bhanga muene, né ki bhinga kuila o utuminu uami tu uanʼetu ngó.

Estere 9:12

Muenexi anga u ambela na mvuale Estere, uixi: Jijudé a jibha ia a buidisa hama jitanu ja mala mu mbanza ngó ia Suzana, kumoxi ni kuinhi dia mona a Hamane; o mu jisengu jamukuá ja muenexi, a bhange kiebhi? Kiki-phe kima kiahi dingi ki u ngi bhinga? A ku bhane-kiu. Mba-phe kima kiahi dingi ki u sola? A ki bhange.

Marku 6:23

Anga u mu lokela, uixi: Kioso ki u bhinga, ngi ku bhane-kiu! Kate ni usobha uami, se eie u u bhinga mbandu, tu u uane mu kaxi!

Luka 18:41

Muène uixi: Ngana, ngandala dingi o kumona!

Jipoxolo 23:19

Komanande anga u mu kuata mu lukuaku, u sondoloka-nê bhu mbandu, hé u mu ibhula ku ubheka, uixi: Maka mahi u uandala ku ngi kundila?