Estere 5:2 - O Mikanda Ikola

² Anga ki bhita bhenhobho, kuila, muenexi kia mono Estere uemana mu kithâdi, henda i mu kuata; muenexi anga u mu zengela o mbasá iê ia ulu iala na-iu bhu lukuaku. Estere anga u bhixila, u babata ku mútue ua mbasá.

Estere 5:2 ပူးပေါင်းရင်းမြစ်များ

Dimatekenu 32:28

Uixi dingi: Dijina dié ki di kala dingi Jakobo, di kala kia Izalaiele; kuma ua bhânge ni Nzambi, ua bhânge ni athu, ene oso ua a lende.

Nehemiia 1:11

Ngana, tata, mátui mé-phe, ma jikukile o musambu ua mubhikʼé, kumoxi ni musambu ua abhikʼé ala kuinda kuxila o dijina dié; mubhikʼé, lelu, anga u mu zediuisa, nʼu mu bhana o kiadi bhu pholo ia muthu iú. Bhenhobho-phe eme ngala ngi mukuati a nganza ia sobha.

Estere 2:9

Kilumba kiki anga ki mu uabhela, u kala mu ngalasa iê; anga u lenguluka mu ku mu bhana imbamba iê ia ku di uabhesa, ni mákudia ma tokala, ni sambuadi dia ilumba oso a fuama kukala-nê a tundu mʼonzo ia muenexi; ni muene ni ilumba iê u a katula kididi kioso kiala, hé u a bhana kididi kia beta kuuabha mʼonzo ia ahatu.

Estere 4:11

Akua mbèle ioso ia muenexi, ni mundu uê ku kanga, a kʼijiia kuma uoso-uoso, a kale diiala a kale muhatu, u bhixila kua muenexi mu lumbu lua moxi sé ku mu ixana, kijila kiê kiala ngó kimoxi, a mu jibha muene sé kufula; o kukamba ku mu jibha kikale muenexi u mu zengela mbasá iê ia ulu phala ku mu bhana muenhu. Eme-phe o makuinhi atatu a izuua i tena, ka ngʼixana kuala muenexi.

Estere 8:4

Muenexi anga u zengela Estere mbasá iê ia ulu. Estere anga u balumuka, u imana bhu pholo ia muenexi.

Jisálamu 116:1

Nga zolo Jihova, mukonda ua ngʼivu dízui diami ni kudionda kuami.

Jisabhu 21:1

Muẋima ua sobha, bhu lukuaku lua Jihova, mukuâ ni milombo ia menha; kuoso kua solo muene, kuene kua u lungisa.

Jipoxolo 10:4

O muène kia mu edi sûi, ni uôma ua mu kuata, uixi: Kiebhi, Ngana! Uixi, Nzambi uevu o misambu ié, ni jimola jé ji uene mu bhana o jingadiama, ja bande kuma dilembalelu bhu pholo ia Nzambi.

Jipoxolo 7:10

Hé u mu kudila mu malamba mê moso. O Zuze kia tukuluka kua Falaó, Nzambi u mu muesa ujitu ni unjimu bhu pholo ia Falaó sobha ia Ijitu. O Falaó anga u mu bhanga nguvulu ia Ijitu, ni ia ku tumina dibhata diê dioso.