Estere 5:1 - O Mikanda Ikola

¹ Kutula mu kizuua kia katatu, Estere u di iudika, u zuata izuatu iê ia ungana, anga u imana mu kithâdi kia moxi, bhua lulama mu sala ia muenexi; o muenexi muene ua xikana bhu kiandu kiê kia ungana, ua bhana pholo ku muelu ua mbalanda.

Estere 5:1 ပူးပေါင်းရင်းမြစ်များ

Estere 1:11

kuila a takane na mvale Váxiti, a mu bheke bhu pholo ia muenexi, ni kitundu kiê kia ungana ku mútue, phala mala oso ala-bhu ni jifixiiadi jâ a mu mone o kuuabha kuê. Kuma muene ua tula jithalu kiambote, u uabha kiavulu ku mu tala mesu.

Estere 2:5

Mu mbonge ia Suzana-phe mua kexile judé imoxi, dijina diê Moledekai monʼa Jaíle, monʼa Ximeii, monʼa Kiji, mukua muiji ua Bejamí.

Estere 4:11

Akua mbèle ioso ia muenexi, ni mundu uê ku kanga, a kʼijiia kuma uoso-uoso, a kale diiala a kale muhatu, u bhixila kua muenexi mu lumbu lua moxi sé ku mu ixana, kijila kiê kiala ngó kimoxi, a mu jibha muene sé kufula; o kukamba ku mu jibha kikale muenexi u mu zengela mbasá iê ia ulu phala ku mu bhana muenhu. Eme-phe o makuinhi atatu a izuua i tena, ka ngʼixana kuala muenexi.

Estere 4:16

Ndeie, ua kà bhongolole o jijudé joso ala mu mbonge ia Suzana, mu jejuuale mukonda diami, mu fule kúdia ni kúnua mu izuua itatu, ni mu muanha ni mu usuku. Eme uami ni ilumba iami tu jejuuala kiene kimoxi, o ki ki bhua ku ki bhanga kiene kiua ki ngi bhixila kua muenexi, sumbala kima a ki kidika ku ki bhanga; se ki ngi bhinga kubuila-phe, kuabhu, ngi kana kubuila.

Estere 4:17

Kala kiki, Moledekai u tunda-bhu, uia u bhanga kioso kia mu tendelela Estere.

Estere 6:4

Muenexi anga u zuela dingi, uixi: Nanhi-ó uala mu kithâdi? Kuma Hamane ua di meneka, ua bhixila kiá mu kithâdi kia kanga, uala mu kuiza kuzuela ni muenexi phala a nhenge Moledekai ku mukambu ua mu iudikila.

Estere 8:15

Moledekai anga u tunda bhu pholo ia muenexi, ua zuata izuatu ia ungana izela ni ia azulu, ni kijinga kia ulu ku mútue, ni divunga dia linhu ia fina ni purpura; mundu mu nzunga ia Suzana anga a kola, a sanguluka.

Matesu 10:16

Talenu, nga mi tundisa kala mu jimbudi mua di lungu ni jimbinji. Muila-phe ni kudimuka kala mu jinhoka, ni kutobha kala mu mêmbe.

Matesu 11:8

Ihi-phe i muele kulonda? Diiala dia zuata izuatu ia matunda? Talesa, a zuata izuatu ia matunda a kala mu jimbanza ja jisobha.

Matesu 27:64

Kiki-phe tuma kulanga o mbilʼoio ni muanu uoso, katé kizuua kia katatu; phala ki ki bhite kuila jixibulu jê jiia mu usuku hé ji mu nhana, nʼa kà tangele o mundu, exi: Ua fukunuka ku ʼalunga, o makutu à keza-ku ni a kale kota, a diangele-ku ni a kale ndenge.

Luka 22:30

Phala enu uenu mu-die, mu-nue, ku meza mami mu Utuminu uami, hé mua kà xikama ue ku iandu, phala mu fundise o kuinhi dia miji ni iiadi ia Izalaiele.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.