Estere 4:8 - O Mikanda Ikola

⁸ Anga u mu bhana ue o kópia ia ngonge ia soneka, ia tubhula mu mbonge ia Suzana ia ku a buikisa, phala ku i idikiza Estere, ni ku mu jimbuila maka oso; ni ku mu tendelela kuila a bhiẋile kua muenexi mu kuzuelela muiji uâ ni ku a diondela.

Estere 4:8 ပူးပေါင်းရင်းမြစ်များ

Estere 2:20

Kuma Estere kiluua a di tanga muiji uê ni jindandu jê, mukonda Moledekai kiene kia mu tendelela; kuma hanji u evua jinga kioso ki mu ambela Moledekai, mukuâ ni kia kexile-nê ku mu sasa.

Estere 4:9

Hatake anga u iza kua Estere, u mu kunda maka moso ma mu tangela Moledekai.

Estere 8:6

Mukonda ki ngalʼiki, ngi tena kiebhi o kumona muiji uami a u bhanga o phulu ioso iii, ia a xindila? Ngi tena kiebhi o kumona ndandu jami joso, a buila?

Jobe 9:15

Kua muene, né-mbe hanji eme ngala ni kulúnga, ki ngejʼu tena ku mu vutuila; inda ngi bhinga ku ngi kuatela henda kua Mufundixi uami.

Jisálamu 122:6

Sambenu phala Jeluzaleme a kale ni kutululuka; oso a ku zola, Jeluzaleme, a bonga kuzediua.

Jisabhu 21:1

Muẋima ua sobha, bhu lukuaku lua Jihova, mukuâ ni milombo ia menha; kuoso kua solo muene, kuene kua u lungisa.

Ndongixi 10:4

O njinda ia nguvulu se ia ku lungulukila, eie-phe bhu kididi kié, ku tunde-bhu; mbata o kutululuka ni kudivisa, iene o milongo i batamesa ndumba dia ikuma.

Jipoxolo 12:20

Helode muene-phe ua luualela kiavulu akua Tilu ni Sidonha. Ene anga a di kasa, eza kumoxi kibuka kia muvimba phala ku mu hindula. A dianga-phe ku kuata ukamba ni Balaxtu dikota dia mukalakadi ua sobha, ua tambula konda ia hâma iê. Anga aia kiua katé kua soba Helode, hé a mu dionda kuditambulula-nâ ku paze, mukonda o ku makudia, oxi iâ ia bhindumukina ku oxi ia sobha.

I Timote 6:13

O kiki nga ku tendelela bhu mesu ma Nzambi, u bhana ima ioso kukala ni muenhu, ni bhu mesu ma Jezú Kristu, ua fisalele umbangi uambote bhu pholo ia Pônsio Pilatu, kuila:

I Timote 6:17

Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.