Estere 4:3 - O Mikanda Ikola

³ Ni ku jisengu joso, kia tula o kitumu kia muenexʼiki ni ngonge iê, ku kala kudila kuavulu ku jijudé, a ta ndômbe, a fula kúdia hé akala mu jila, kisoxi ki vula, a ta mbûndu, amoximu avulu muene a zeka mu kidinhaji ni utôkua.

Estere 4:3 ပူးပေါင်းရင်းမြစ်များ

Estere 1:1

Maka a bhita mu izuua ia Asuuelu, Asuuelu ió ua kexe mu tumina jinga tunde ku India katé mu Etiópia, o-xi iê ioso anga i kala ni hama ia sengu ni makuinhi aiadi ni sambuadi.

Estere 3:12

Bhenhobho exana asoneki a muenexi, bhu mbeji ia kamoxi, kizuua kiê kia kakuinhi ni kitatu, anga a soneka kioso kia tumu Hamane ku jisátrapa ja muenexi, ni ku jinguvulu ja jisengu, ni jisobha ja madiembu moso; kala sengu mu letala ia usonekenu uâ, diembu ni diembu mu dimi dia uzuelelu uâ; mikanda a i soneka mu dijina dia muenexi Asuuelu, ia a i te kidimbu ni nela iê ia sineta.

Estere 4:16

Ndeie, ua kà bhongolole o jijudé joso ala mu mbonge ia Suzana, mu jejuuale mukonda diami, mu fule kúdia ni kúnua mu izuua itatu, ni mu muanha ni mu usuku. Eme uami ni ilumba iami tu jejuuala kiene kimoxi, o ki ki bhua ku ki bhanga kiene kiua ki ngi bhixila kua muenexi, sumbala kima a ki kidika ku ki bhanga; se ki ngi bhinga kubuila-phe, kuabhu, ngi kana kubuila.

Estere 4:2

Anga u bhixila ngó katé bhu kanga dia muelu ua muenexi; kuma kana muthu u tena kubokona bhu muelu ua muenexi se ua zuata kidinhaji.

Estere 4:4

Ilumba ia Estere ni jingolambole jê, anga eza a mu tangela-kiu; na mvale anga u kala ni lamba diavulu. Anga u tumikisa izuatu kua Moledekai phala a zuate, a di katule kidinhaji; muene-phe ka xikina ku i tambula.

Estere 9:31

phala kuxikika ni kukumbidisa o izuua ia Phudimi bhu thembu iê, kala kia a tendelela judé Moledekai ni na mvuale Estere, kala ene ue kia xikana kiá o kijila, ene ku ki kumbidila ni ku mululu ni ku mulaula, ni mu kujejuuala mu kudikola kuâ.

Jobe 2:8

Jobe anga u xikama mu uthôkua, u katula kituetu kia ditela phala kuia ni ku di aza na-kiu mu italakanha iê.

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Izaía 22:4

Kala kiki, ngixi: Lungenu o pholo kuengi, eme nga-nda kuẋikujuka ni kudila, ki mu tale hadi ia ku ngi dixibhisa, nga bhondalala mukonda dia kibuika kia mona-kilumba, dia mundu uami.

Izaía 58:5

Mbé kuene o kujila ku nginda emeʼuku? ngixi muthu a di huhe muenhu uê kumbi dioso dia kambàmba? o kubheteka mútue kala mbamba, ni ku di-sukika mulàla ua kidinhaji ni ku di-kuua uthôkua, mua fika kuene o kujila, kuambe? o kidi eie u ki kita kujila, uixi kiene o kizuua ki tena kuuabhela Jihova?

Izekiiele 27:30

Hé o dízui diâ a kà dʼivua muene, mu ku ku dila eie ni dijikijiki; anga a kà di takela fufuta mu mítue iâ, a kà di mbolomuena muene mu uthôka.

Daniiele 9:3

Anga ngi lungulukila pholo iami kua Ngana Nzambi, mu ku mu sota ni musambu ni ku mu dionda, bhenhobho nga jidi, ngi di ta kidinhaji, ngi di kuua utókua.

Jona 3:6

Njimbu iii ia bhiẋila kua sobha ia Ninive, muene hé u balumuka ku kiandu kiê kia ungana, u zula izuatu iê ku mukutu, u zuata saku, anga u xikama mu utôkua.

Matesu 13:42

hé a kà a texi mu kitúbhia kia dikota. Muenhomo muene muà kala o kudila ni ku di kokota ku mazu!

Matesu 22:13

Sobha anga uambela jiselevende jê, uixi: Mu kutienu o maku ni inama, mu mu texi ku kanga, kua vunduʼoko; kuene kuà kala o kudila ni ku di kokota ku mazu.

Matesu 25:30

O selevende íii kuma ki ia sedivila kima, mu texienu ku kanga kua vundu. Kuenhoko kuene kuà kala o ku dila ni ku di kokota ku mazu.

Josuué 7:6

Josuué anga u tandula izuatu iê, u di bhala pholo bhoxi, bhu pholo ia álaka ia Jihova, katé mu ngoloxi, ni muene ni adiakimi a Izalaiele; anga a di kuua mavu mu mítue.

I Samuuele 11:4

Jiphunga anga ji tula bhu Ngibeia dia Saúlo, anga a kunda maka enhá mu mátui a mundu, mundu uoso anga a zangula mázui ni kudila.