Estere 4:16 - O Mikanda Ikola

¹⁶ Ndeie, ua kà bhongolole o jijudé joso ala mu mbonge ia Suzana, mu jejuuale mukonda diami, mu fule kúdia ni kúnua mu izuua itatu, ni mu muanha ni mu usuku. Eme uami ni ilumba iami tu jejuuala kiene kimoxi, o ki ki bhua ku ki bhanga kiene kiua ki ngi bhixila kua muenexi, sumbala kima a ki kidika ku ki bhanga; se ki ngi bhinga kubuila-phe, kuabhu, ngi kana kubuila.

Estere 4:16 ပူးပေါင်းရင်းမြစ်များ

Dimatekenu 18:19

Mbata eme nga mu ijiia, kuila muene ua-ndu tumina anʼê ni dibhata diê dioso hádia di mu bhingana, phala ende ni kukaiejela mu jinjila ja Jihova, mbé ende ni kubhanga ima ia kilunji ni kuiuka, phala Jihova a kumbidile ioso ia tànga muene ku i bhanga kua Mbalahamu.

Dimatekenu 43:14

o Nzambi, Muteni-a-Ioso, a mi bhane kiadi bhu pholo ia diialʼódio, phala a mi ehele kuiza ni phangʼienu iamukuâ, ni Bejamí. Eme kiá se kua ngi bhingi anʼami oso a ngi bua-nâ, kuabhu, ngi bhanga dingi kiebhi.

II Samuuele 10:12

Tu kodienu maku ni mixima, tu bhange undanda mu bhângela o mundu uetu ni mabhata ma Nzambi ietu; o Jihova a tu bhange kioso muene kia mu uabhela ku mesu mê.

II Jisobha 7:4

O ki tuamba, tuixi: Tu bokone mu mbonge, mu mbonge muala nzala, tua-nda kufuila momo: o ki tu kala bhenhabha, tua-nda kufua ue; tuie-nu-phe kindala tua ka di vubule mu kilômbo kia akua Sídia; se a tuʼehela o kukola o muenhu, tu kola o muenhu; o kia tu jibha-phe, kuabhu tua kàfua kiá ngoho.

II Malunda 20:3

Bheneʼobho Jozafate uoma ua mu kuata, hé u di ta mu kusota Jihova, anga u tuma o kujila, mu Juda ioso.

Ejidala 8:21

Bhenhobho anga ngi kola-bhu hanji o mujile ua kujila bhu mbanduʼa honga ia ngiji ia Ahava, mbé o kutoloka bhu pholo ia Nzambi ietu, nda tu mu bhinge njila ia kambe íbhidi phala etu ni anʼetu ni imbamba ioso ia tu tokala.

Estere 4:15

Estere anga u a ambela kutula dingi lekalu kua Moledekai, uixi:

Estere 4:17

Kala kiki, Moledekai u tunda-bhu, uia u bhanga kioso kia mu tendelela Estere.

Estere 4:3

Ni ku jisengu joso, kia tula o kitumu kia muenexʼiki ni ngonge iê, ku kala kudila kuavulu ku jijudé, a ta ndômbe, a fula kúdia hé akala mu jila, kisoxi ki vula, a ta mbûndu, amoximu avulu muene a zeka mu kidinhaji ni utôkua.

Estere 5:1

Kutula mu kizuua kia katatu, Estere u di iudika, u zuata izuatu iê ia ungana, anga u imana mu kithâdi kia moxi, bhua lulama mu sala ia muenexi; o muenexi muene ua xikana bhu kiandu kiê kia ungana, ua bhana pholo ku muelu ua mbalanda.

Estere 9:31

phala kuxikika ni kukumbidisa o izuua ia Phudimi bhu thembu iê, kala kia a tendelela judé Moledekai ni na mvuale Estere, kala ene ue kia xikana kiá o kijila, ene ku ki kumbidila ni ku mululu ni ku mulaula, ni mu kujejuuala mu kudikola kuâ.

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Jelemiia 36:9

Hé ki bhita, mu muvu ua katanu ua Jehoiakí, monʼa Joziia, sobha ia Juda, bhu mbeji ia kavua, kia kola o ku jila kúdia, bhu pholo ia Jihova, ku mundu uoso mu Jeluzaleme ni ku mundu uoso ua kexile mu ku tunda mu jimbanza joso ja Juda ni kuiza mu Jeluzaleme.

Daniiele 2:18

phala a dionde o henda ia Nzambi ia diulu, bhu kaxi ni kijinganu kiki, phala o Daniiele ni akua dianda diê ka fuile kumoxi ni jinjimu joso jene mu Babilónia.

Matesu 12:40

Mbata mukuâ ni kia kexile Jona makumbi ma tatu ni mausuku ma tatu mu mala a kimbiji, ni Monʼa Muthu ue ua kà bhanga makumbi ma tatu ni mausuku ma tatu koxi a mavu.

Luka 9:24

Mukonda uoso uinda u bhulula o muenhu uê, ua-nda ku u texi. Maji uoso-phe u texi o muenhu uê mukonda diami-eme, uanda ku u bhulula.

Nzuá 19:22

Pilatu uixi: Ioso i nga soneka, nga i soneka kiá.

Jipoxolo 10:7

Kia zubha anju ia mu zuelesa kutunda-bhu, muène uexana mala aiadi ku akua mbele, ni disoladi dimoxi. O disoladi iú, mubhezi, muthu ua ujitu kua ió ala ku mu sedivila jinga.

Jipoxolo 20:24

Ki nga suu-phe kima. Né o muenhu uami ki ngʼ u jijila, kabasa ngi zubha o njila ia ngi xindi, ni ukunji ua ngi bhana Ngana Jezú. O ukunji uenʼ iú: O kubhana umbangi ua Njimbu Iambote ia kiadi kia Nzambi.

Jipoxolo 21:13

Kieniokio Phaulu ua kumbulula, uixi: Mu didila-hi kiki, anga mu ngi bhekela lamba diavulu ku muẋima? Kuma eme ngala polondo, ki ku ngi kuta ngó, maji katé ni ku ngi jibha mu Jeluzaleme mukonda dia dijina dia Ngana Jezú.

Jipoxolo 27:33

Kioso ki alu kinga kuila kuma kukia, Phaulu u a dionda kudiaula kakudia, uixi: Lelu uana kizuua ku dikuinhi, hanji ki mua nange ni kujila, ki mu di kama.

Jipoxolo 9:9

Anga u bhanga izuua itatu ku ufofo, o mu izuua ioso iii u jila kudia ni kunua.

Loma 16:4

a bhakuile kiá jixingu jâ ene mu ku ngi kudila o muenhu uami. Nga a sakidila kiavulu muene. Ki eme ngó nga a sakidila, maji ni Jingeleja joso ja akua jixi jengi, ió ki Jijudé.

Filipe 2:30

Kuma o sedivisu ia Kristu, Epafrodito ia mu bhekele mu kukamba ngó kʼofele phala kufua. Muène-phe ua zembe o muenhu uê, mu ku ngi dikila eme, bhu kididi kienu mua kambele-bhu.

Josuué 24:15

Maji-phe, se kia mi ibhila ku mesu menu o kubhikila Jihova, leluʼidi-phe Solenu kiá uoso mua fuama o ku mu bhikila: se muedi mu xingidisa o mahamba a xingidisa jinga o jitata jenu kia kexi mu sámbua dia ngiji ia Ufalate, mba-phe mu xingidisa o mahamba ma akua Mamodi avu o ixi iii mu mua tungʼumu, enu kiá! Maji eme-phe ni dibhata diami, tu bhikila Jihova.

I Samuuele 19:5

Kuma muene muenhu uê ka u suu, kifua ua u ambatele bhu lukuaku, anga u jibha mukua Fidíxia, Jihova iu ua bhesa kikóue kia dikota kua Izalaiele; eie-muène ue u mbangi kuma ua ki muene, anga u kala mu sanguluka; eie ua mu edile: Tanaku! Kiki-phe u tela-hi kituxi kia kuzunza manhinga a kambe mulonga, hé Davidi u mu jibhʼê ngó sé kikuma?