Estere 3:2 - O Mikanda Ikola

² Akua mbèle ia muenexi oso, ene kukala bhu muelu uê, anga a kala mu fukama ni kudiundila Hamane; kuma muenexi ua a tumu uixi kiene ki mu mu bhangela jinga. Moledekai-phe nguaié kufukama, ka xikina ku mu diundila.

Estere 3:2 ပူးပေါင်းရင်းမြစ်များ

Dimatekenu 41:43

U mu ambela kusambela mu dikalu dia kaiadi, dia bhabhelela ku dikalu diê-muène; o muala kuijiia, mundu uoso a dikola: Fukamenu! Kienhiki ua mu te ku ungana ua kutumina ixi ioso ia Ijitu.

Estere 2:19

Kioso thembu iamukuá ia kaiadi kia bhongolola ana ilumba, Moledekai ua xikama hanji bhu muelu ua muenexi.

Estere 2:21

Mu izuua ienhoio Moledekai kia xikama bhu muelu ua muenexi, bhu kala ngolambole jiiadi ja muenexi, Bingitana ni Telexi, ene ku mu ingila bhu dibhitu diê, a luualela muenexi Asuuelu, anga a mu kanena ku mu jibha.

Estere 2:5

Mu mbonge ia Suzana-phe mua kexile judé imoxi, dijina diê Moledekai monʼa Jaíle, monʼa Ximeii, monʼa Kiji, mukua muiji ua Bejamí.

Estere 3:1

Kia zubha kubhita imʼiii, muenexi Asuuelu u zangeleka Hamane, monʼa Hamedata, mukua Akaki, anga u mu ta ku pholo ia enhoso; ditala diê dia mu bhake di kala kota, o jifixiiadi joso, o ilamba ni akuá, ndenge.

Estere 3:3

Bhenhobho-phe akua mbèle ia muenexi, ene kukala bhu muelu uê, a mu ambela, exi: Eie Moledekai, phalaʼhi ua xibhaka kitumu kia muenexi?

Estere 3:5

Hamane kia zubha ku ki mona kuila Moledekai nguaié ku mu fukamena, guaié ku mu diundila, njinda bhenhobho i mu kuata.

Estere 5:9

Kizuua kienhókio Hamane u tunda ni kusanguluka, mukonda ku muẋima kua mu zele. Maji kia zubha-phe kumona Moledekai bhu muelu ua mbanza, iu ua mu mono kuila ka xikina ku mu imanena, mba ngó ku mu kala ni uoma kioso ki ala kubhita, u luuala dingi kiavulu anga ukala ni njinda ia Moledekai.

Jisálamu 15:4

Muthu uala kifusa muene u mu mona kusekala, maji u ẋila-phe oso akua uoma ua Jihova; o muthu ió ua bhingi, se ua loka kiá, kʼaluluka dingi bhu dimi, né ua di fumbu;

Makatukilu 17:14

Jihova anga u ambela Mozé, uixi: Kiki soneka-kiu, ki kale musêndu mu divulu, u ki jimbuile ue mu mátui ma Josuué; kuma Amaleke ngi mu jimisa o mbutu, bhoxi a diulu u bhua-bhu.

Makatukilu 17:16

anga u amba, uixi: Mukonda Jihova ua loka, Jihova u kala ni mvunda ni Amaleke ku tunda muiji kuiza muiji.

Daniiele 2:49

Maji Daniiele ua bhingi kua sobha, iú ualumbu Sadalake, ni Mizake ni Abedeneko mu kuendesa o ikalakalu ioso ia sengo ia Babilónia; o Daniiele muene u kala mu xikama jinga ku mbanza bhu muelu ua sobha.

Matendelelu 25:19

O kioso-phe Jihova Nzambi ié kia-nda ku ku bhana I kiá o dinhohenu, ku jimbandu kuene kuoso nguma jé joso jabhu-ku, mʼoxi ia-nda ku ku bhana Jihova Nzambi ié mu ubhinganu, phala ku iʼvua, Amaleke mu jime muene o mbutu bhoxi dia diuluʼ ʼabha. Kana kujimba-ku.

Filipe 2:10

Uila kiki, mu kujingisa o dijina dia Jezú, ene oso a di fukamena, kixi ió ala mu diulu, kixi ala mu ngongo, kixi ala koxi a mavu mu ʼalunga.

I Samuuele 15:3

Kiki-phe ndeie, ua kà bete Amaleke, nda ua kà buikise ioso iala na-iu, sé ngó ku a lendukila. Ua kà jibha ni mala ni ahatu, ni tuana tua ndenge, ni tuana tua uisu ku mele, ngombe ni mbudi, kamelu ni bûlu, ki ku subhuka kima.