Estere 3:12 - O Mikanda Ikola

¹² Bhenhobho exana asoneki a muenexi, bhu mbeji ia kamoxi, kizuua kiê kia kakuinhi ni kitatu, anga a soneka kioso kia tumu Hamane ku jisátrapa ja muenexi, ni ku jinguvulu ja jisengu, ni jisobha ja madiembu moso; kala sengu mu letala ia usonekenu uâ, diembu ni diembu mu dimi dia uzuelelu uâ; mikanda a i soneka mu dijina dia muenexi Asuuelu, ia a i te kidimbu ni nela iê ia sineta.

Estere 3:12 ပူးပေါင်းရင်းမြစ်များ

I Jisobha 21:8

Bhenhobho muhatuʼê u soneka mikanda mu dijina dia Akabe, anga u i jika ni kidimbu kia sobha; mikanda anga u i tumikisa ku adiakimi ni ku jingana ja kexile mu sanzala ia kexile Nabote.

Ejidala 8:36

Ngonge ia Sobha-phe anga a i bhana ku anʼa jinganga ni jinguvulu ja sámbua dia Ufalate, ene anga a kuatekesa kifuxi ni inzu ia Nzambi.

Estere 1:22

Kuma u tuma mikanda mu jisengu joso ja tokala mu utuminu uê, kala ua a tumikisa kisoneku mu letala ioso ia usonekenu uâ, kala muiji mu dimi dioso dia uzuelelu uâ, phala enhoso a tene ku i tanga ni ku a tongolokela, kuila: Diiala muene u tumina mʼonzo iê, muene u zuela kioso kia tokala. Ni kuila ue o hundu ienhiʼii a i tange ku mbandu joso phala isambuke, o mundu uoso a ivue.

Estere 3:11

Muenexi anga u ambela Hamane, uixi: Phalata i kale, nga ku bhane-iu eie kumoxi ni muiji uenʼió nga ku bhana-u, u a bhange kioso kia ku zelela ku muẋima ué.

Estere 8:2

Muenexi anga u sunga o nela iê ia tambula dingi kua Hamane, anga u i bhana kua Moledekai. Estere anga u bhana Maludukeu o kutambula konda ia dibhata dia Hamane.

Estere 9:27

jijudé ja xikana o kijila kiki, a di bidikala muene, ni ene ni anʼâ katé ku mululu ni ku mulaúla, ni ene ni oso a di banda kua ene, o jinzuangiza ku mabhata mâ, o kukuata jinga izuua iiadi ienhʼii sé ngó kufula, kala kia i tungula mu mukanda ua Maludukeu, bhu mbeje iê ioso ia tokala, mivu ioso.

Daniiele 3:10

Eie, sobha, Uabhana ngonge, ia kuila muthu uoso kiá uívua o mbimbi ia buzina, ni ia mbèndu, ni ia kakoxi, ni ia mbânza, ni ia kisanji, ni ia ngaieta ia jiphukila, ni maxikile oso a kuxika, kuambe adiunde mu bheza kiteka kiki kia ulu.

Daniiele 6:12

A katuka, a tudila sobha, exi: Abha eie kua di-sinala editale iná mu kuamba, athu oso kikale a bhingila ngó bhu pholo ié-eie, mu makuinhi atatu a izuua oso-á, o ki bhu kala muthu uoso usambela Nzambi iengi, mba muthu uengi, kikale a mu takula mu ngenda ia jihoje? Sobha-phe ukumbulula, uixi: O ngonge ia kidi muene, kioso kia kôlo o kitumu kia Mediia ni kia Pélesa kiene kimoxi, o ku i lungulula ki i ẋikina, lémbue.

Daniiele 6:15

Athu ió-phe anga aia dingi kumoxi kua Muenexi hé a mu ambela, exi: Eie muenexi, uejiia kiambote kuma mu kitumu kia Mediia ni Pelélesa, editale mba ngonge ia muenexi, ka tena ku i lungulula.

Daniiele 6:25

Kienhiki sobha Ndala u sonekena miji ioso, ni ifuẋi ni athu akua madimi moso ma tunga kulu dia mundu kuila: O paze i mi vudile.

Daniiele 6:8

Kiki-phe, muenexi xikisa ngonge, u te dijina dié ku mukanda ua ngonge, phala ki bhu kala dingi ku i lungulula, kala kioso kia kôlo o kitumu kia Mediia ni kia Pélesa, ki ki xikina ku ki lungulula.