Estere 3:1 - O Mikanda Ikola

¹ Kia zubha kubhita imʼiii, muenexi Asuuelu u zangeleka Hamane, monʼa Hamedata, mukua Akaki, anga u mu ta ku pholo ia enhoso; ditala diê dia mu bhake di kala kota, o jifixiiadi joso, o ilamba ni akuá, ndenge.

Estere 3:1 ပူးပေါင်းရင်းမြစ်များ

Dimatekenu 41:40

Eie muène-muene ua-ndu tambula konda ia dibhata diami; kioso ki u zuela eie, o mundu uami uoso kiene kia tumaka; eme ngi ku tunda ngó mu kuila emi-eme ngi muenexi nga xikama bhu kiandu.

Dimatekenu 41:55

O kia kuata nzala ni mʼoxi ia Ijitu-phe, mundu uoso a dikola kua Falaó, mu bhinga kúdia; Falaó anga u ambela akua Ijitu oso, uixi: Ndenu kua Zuze, o kioso kia mi ambela muene kubhanga, bhangenu-kiu.

Ejidala 7:14

Mbata eie a ku tumu kuala sobha, ku mbandu iê-Muène, ni ku mbandu ia sambuadi diê dia nganji ja maka, phala kuia mu kuibhudisa kiambote ku mbandu ia Juda ni Jeluzaleme, kala kiambe o kitumu kia Nzambi ié, ki uala nakiu bhu lukuaku lué.

Estere 1:14

Ene-phe ilamba a kaiela kua muenexi majina mâ, Kadisena, ni Setala, ni Adimata, ni Talxixi, ni Melese, ni Madisena, ni Memukana, sambuadi dia muthu; ene jitata ja utuminu ua Pélesa ni ua Mediia, a tena jinga kubhiẋila bhu pholo ia muenexi, ni kuxikama bhu mbandu ia kiandu kiê.

Estere 3:10

Bhenhobho Muenexi anga u sunga nela iê mu lukuaku, u i bhana Hamane monʼa Hamedata, mukua Akaki, nguma ia jijudé.

Estere 5:11

Hamane anga u a tangela o fuma iê ia jimbongo jala naju, ni kusokoloka kuê kua kuvuala ana avulu, ni kijingo kioso kia mu bhana muenexi, ni ditala dia mu tula, jifixiiadi joso ndenge ni akua mbèle oso ku mbanza.

Estere 7:6

Kuala Estere: Sai ufe, sai muene nguma ia tu kanena kiki! Kingumba kienhiki muene-phe Hamane. Hamane bhenhobho uoma ua mu kuata kiavulu bhu pholo ia muenexi ni na mvuale.

Estere 8:3

Estere anga u zuela luamukuá bhu pholo ia muenexi, u fukama bhu inama iê u mu dionda ni masoxi, phala a lungulule ufe ua bhange Hamane mukua Akaki, o kikutu kiê kia usuéia kia kanenene na-kiu kubuidisa o jijudé.

Jisálamu 12:8

Mukonda iiala iabhumu ala kunama ku mbandu joso; a sekala ene a a zangeleka kukala ku kijingo.

Jisabhu 29:2

Athu aiuka kia a zangeleka mu kutumina ixi, mundu u sanguluka; maji o kisuéia-phe kia tambula o kutumina ngongo, mundu u kumba!

Ndongixi 10:6

hé o kióua a mu xikika kididi kia di leka, maji o jimvuama a a xikika kididi kia tunuka dingi bhoxi.

Daniiele 6:2

O ku thandu dia enhá iú uatudika-ku ilâmba itatu, umoxi-ku Daniiele, phala mavunda oso enda ni kubhana jikonda kua enhá, phale sobha ka mu nganale.

Dialuilu 24:7

Itabhu iê i subhajaka menha, mbutu iê a i kuua ku menha mavulu, sobha iê u tunda Akake mu kijingu, utuminu uê u zangalala.

I Samuuele 15:33

Samuuele-phe, uixi: Kuma o xibhata ié ia bhangesa ahatu kukamba anʼâ, kiene ue kimoxi mamʼenu ua-ndu kamba ana muʼaxaxi ka akuâ. Samuuele anga u sesa Akake, u mu bhanga ku idiandu-idiandu, bhu pholo ia Jihova bhu Jidingale.

I Samuuele 15:8

Anga u kuata Akake sobha ia akua Amaleke, u mu kuika ni muenhu; maji mundu uoso ua u buikisa ku mazu a xibhata.