Estere 2:9 - O Mikanda Ikola

⁹ Kilumba kiki anga ki mu uabhela, u kala mu ngalasa iê; anga u lenguluka mu ku mu bhana imbamba iê ia ku di uabhesa, ni mákudia ma tokala, ni sambuadi dia ilumba oso a fuama kukala-nê a tundu mʼonzo ia muenexi; ni muene ni ilumba iê u a katula kididi kioso kiala, hé u a bhana kididi kia beta kuuabha mʼonzo ia ahatu.

Estere 2:9 ပူးပေါင်းရင်းမြစ်များ

Dimatekenu 39:21

Jihova-phe anga u kala ni Zuze, u mu bhanga henda, u mu sangesa ngalasa ku mesu a kasalelu ua tambula konda ia kaleia.

Dimatekenu 39:4

Zuze anga u bonga kiadi ku mesu mê, u kala mu ku mu sedivila; muene anga u mu bhana kutambula konda ia dibhata dié dioso, iene ioso iala-naiu ua i bhakula bhu makuʼê.

I Jisobha 8:50

anga u loloka o kifuxi kié, kia ku tela o kituxi, ni kubhuma kuâ kuoso kua ku bhumina na-ku, anga eie u a bhanga henda bhu pholo ia ió ala ku a bhikisa, ene ue sembele a a kuatele henda.

Ejidala 7:6

Ejidale muenhú anga u banda, ua tundu ku Babilónia. Muene anga u kala musoneki ua di longo kiavulu mu kitumu kia Mozé kia bhele Jihova, Nzambi ia Izalaiele. Muene-phe ue, mukonda dia lukuaku lua mbote, lua Jihova Nzambi iê, lua mu kexile ku thandu diê, sobha ua mu bhana ioso muene ia mu bhingile.

Nehemiia 2:8

A ngi bhane ne mukanda ua Asafe, o kimbadi ua mu langa o míkáu ia sobha, phala a ngi bhane miẋi ia kuiudika na-iu o mabhitu ma dizemba dia sobha, ni kimbaka kia sanzala, ni ma inzo mu nga kà bokona. Sobha anga u ngi bhana-iu, kala kia ngi xindi o lukuaku lua mbote lua Nzambi lua ngi tudile ku thandu.

Estere 2:12

Kala kilumba-phe kia tula bhu kizuua kiê kia kubiẋila kua sobha Asuuelu, kia zubha kiá o kubhanga o kuinhi dia mbeji ni jiiadi mu ku di iudika ni ku di uabhesa mu kífua kiâ kia ahatu, kuma a bhanga mbeji jisamanu ni ku di uesa ni maji a mirra, ni mbeji jisamanu ni ku di uesa ni madizumba engi auabha kiambote mbé o ku di zelesa kala kiene kubhanga o kifua kia ahatu oso.

Estere 2:3

Nda u sote jifixiiadi mu sengu joso ja utuminu ué, a ku bhongoluele ana ilumba oso auabha kiambote, a tula muene jithalu, a a bheke kunu mu mbonge ia Suzana, mʼonzo ia ahatu, a kale bhoxi dia lukuaku lua Henge, ngolambole ia muenexi, mukua kutambula konda ia ahatu; a a bhane ioso ia tokala ia ku di uesa ni ku di uabhesa na-iu.

Estere 5:2

Anga ki bhita bhenhobho, kuila, muenexi kia mono Estere uemana mu kithâdi, henda i mu kuata; muenexi anga u mu zengela o mbasá iê ia ulu iala na-iu bhu lukuaku. Estere anga u bhixila, u babata ku mútue ua mbasá.

Jisálamu 106:46

U bhangesa kuila ni ió oso a a kutu, a ambata ku a balakala, a a kala ni henda ku jinguma jâ.

Jisabhu 16:7

Mauendelu ma mathu se ma uabhela Jihova, muene-phe u mu bhangesa kuila katé ni jinguma jê, atunganê ku paze.

Daniiele 1:9

Kienhiki Ngana Nzambi ua bongesa Daniiele kiadi ni henda bhu pholo ia kota dia jingolambole.

Jipoxolo 7:10

Hé u mu kudila mu malamba mê moso. O Zuze kia tukuluka kua Falaó, Nzambi u mu muesa ujitu ni unjimu bhu pholo ia Falaó sobha ia Ijitu. O Falaó anga u mu bhanga nguvulu ia Ijitu, ni ia ku tumina dibhata diê dioso.