Estere 2:16 - O Mikanda Ikola

¹⁶ Kienhiki kiambata Estere phala ku mu bheka kua muenexi. O kia zubha kubhiẋila kua muenexi Asuuelu mʼonzo iê, bhu mbeji ia kakuinhi, o mbeje ia Tebete, mu muvu ua kasambuadi ua Asuuelu kukala ku ungana,

Estere 2:16 ပူးပေါင်းရင်းမြစ်များ

Ejidala 4:6

Ku dimatekenu-phe dia utuminu ua Asuuelu, anga a soneka mukanda ua kutatela ni kuxitala akua Juda ni akua Jeluzaleme.

Ejidala 7:8

O mu mbeji ia katanu, ia muvu ua kasambuadi ua sobha muenʼiú, iene ia bhixila na-iu Ejidala mu Jeluzaleme.

Estere 2:1

Kia zubha kubhita imʼiii, muenexi Asuuelu kia mu bhu kiá o njinda, u kala mu xinganeka Váxiti ni kioso kia bhange, ni ngonge ia xikisa ia ku mu katula bhu kididi.

Estere 2:15

Kieza-phe o kizuua kia Estere, monʼa Abihaile, Sekulu a Moledekai kia kubhiẋila kua muenexi, ka solo kima kiengi, u sola ngó kioso kia mu longesa Henge ngolambole ia muenexi, mukua kutambula konda ia ahatu. Estere anga a kala mu ku mu uabhela ku athu oso aia jinga ni ku mu mona mesu.

Estere 2:17

Muenexi u beta kuzola Estere, ahatu oso ndenge. Estere anga u beta kukala mu ngalasa iê ni henda ia ku mu zola, ilumba ioso iamukuá ndenge. Muenexi anga u katula kitundu kia ungana, u mu zuika na-kiu ku mútue, u mu bhanga kukala na mvuale bhu kididi kia Váxiti.

Estere 2:3

Nda u sote jifixiiadi mu sengu joso ja utuminu ué, a ku bhongoluele ana ilumba oso auabha kiambote, a tula muene jithalu, a a bheke kunu mu mbonge ia Suzana, mʼonzo ia ahatu, a kale bhoxi dia lukuaku lua Henge, ngolambole ia muenexi, mukua kutambula konda ia ahatu; a a bhane ioso ia tokala ia ku di uesa ni ku di uabhesa na-iu.

Estere 8:9

Thembu ienhoio anga exana asoneki a muenexi, bhu mbeje ia katatu, iene o mbeji ia Sivani, mu kizuua kiê kia makuinhi aiadi ni kitatu, anga a soneka kioso kia a tumu Moledekai, a sonekena jijudé, ni jisátrapa, ni jinguvulu, ni jisobha mu jisengu joso, tunde mu India katé ku Etiópia, hama ia sengu ni makuinhi aiadi ni sambuadi, sengu ni sengu mu letra ia usonekenu uâ, o muiji ni muiji mu dimi dia uzuelelu uâ, o jijudé-phe ni mu usonekenu uâ ni mu uzuelelu uâ.