Estere 2:12 - O Mikanda Ikola

¹² Kala kilumba-phe kia tula bhu kizuua kiê kia kubiẋila kua sobha Asuuelu, kia zubha kiá o kubhanga o kuinhi dia mbeji ni jiiadi mu ku di iudika ni ku di uabhesa mu kífua kiâ kia ahatu, kuma a bhanga mbeji jisamanu ni ku di uesa ni maji a mirra, ni mbeji jisamanu ni ku di uesa ni madizumba engi auabha kiambote mbé o ku di zelesa kala kiene kubhanga o kifua kia ahatu oso.

Estere 2:12 ပူးပေါင်းရင်းမြစ်များ

Estere 2:11

Moledekai anga u kala mu kuimajana izuua ioso bhu kanga dia lumbu lua inzo ia ahatu, phala kuijiia mba Estere uala kiebhi, mba kima kiahi kia-nda ku mu bhita.

Estere 2:13

O kioso kiza kilumba mu kubhikila kua muenexi a mu bhanga kienhiki: Kioso kia sola mʼonzo ia ahatu kia kuia na-kiu mʼonzo ia muenexi a mu bhana-kiu.

Estere 2:3

Nda u sote jifixiiadi mu sengu joso ja utuminu ué, a ku bhongoluele ana ilumba oso auabha kiambote, a tula muene jithalu, a a bheke kunu mu mbonge ia Suzana, mʼonzo ia ahatu, a kale bhoxi dia lukuaku lua Henge, ngolambole ia muenexi, mukua kutambula konda ia ahatu; a a bhane ioso ia tokala ia ku di uesa ni ku di uabhesa na-iu.

Estere 2:9

Kilumba kiki anga ki mu uabhela, u kala mu ngalasa iê; anga u lenguluka mu ku mu bhana imbamba iê ia ku di uabhesa, ni mákudia ma tokala, ni sambuadi dia ilumba oso a fuama kukala-nê a tundu mʼonzo ia muenexi; ni muene ni ilumba iê u a katula kididi kioso kiala, hé u a bhana kididi kia beta kuuabha mʼonzo ia ahatu.

Jisabhu 7:17

Hama ioso muene eme nga i sangela ni uasu ua dizumba, ni uxila, ni kanela.

Mukumbi ua Mikumbi 3:6

Kiki kima kiahʼiki, ki tundila mu kikangalakata kala mufundangala ua dixi, diezala ni uasu ua dizumba, ni ua sumuna ni ua libana ni fufuta ioso i bhana dizumba dia mbote iene mu funa o jingenji?

Izaía 3:24

Kieneʼokio, o bhua kexe dizumba dia uabha, bhua kà bhingana kibuzu; bhu kididi kia phonda, mukolo kiá; bhu kididi kia kuinda kindemba, kuiza kiá dibhala; bhu kididi kia kizuatu kia dixala, bhu kala kiá ku di-suikika kidinhaji; bhu kididi kia kuuabha o pholo, a kà kituluka kala a jokota mu túbhia.

Izaía 57:9

Anga uia ku dihamba dia Mulôko ni maji, o ima ia mazumba u i vudisa; u tuma jiphunga ku makanga, anga u di-tununa katé muʼalunga.