Estere 10:3 - O Mikanda Ikola

³ Kuma o judé Moledekai muene kaiadi ua kaiela kua muenexi Asuuelu, anga u kala ni kijingo muʼaxaxe ka jijudé, kuma muthu uambote, o mundu ua akuʼâ a di tumu-nê kiambote, u sota jinga muiji uê ku u bhanga mbote hé u kalakela muiji uê, ni aluluʼâ mu ku a xila kutululuka.

Estere 10:3 ပူးပေါင်းရင်းမြစ်များ

Dimatekenu 41:40

Eie muène-muene ua-ndu tambula konda ia dibhata diami; kioso ki u zuela eie, o mundu uami uoso kiene kia tumaka; eme ngi ku tunda ngó mu kuila emi-eme ngi muenexi nga xikama bhu kiandu.

Dimatekenu 45:10

utunge mʼoxi ia Ngozene, u ngi zukame kunu, ni eie ni anʼé ni alaúlʼé, ni jingombe jê, ni ilunga iamukuâ ia ibhaku, ni jimbongo joso kiá ji uala na-ju.

Dimatekenu 45:11

Eme ngi ku dikile muenhomo; kuma hanji kua-nda kukala mivu itanu ia nzala; phala ku tate anga uiza mu uadiama, ni eie, ni dibhata dié dioso ni ioso kiá ia ku tokala.

II Malunda 28:7

O Zukidi, diiala dia dizonda mua Ifalaíme, ua jibha Mahasiia, monʼa sobha, ni Azidikanu, o kimbadi, ni Elekana, muthu ua kaiela kua sobha.

Nehemiia 2:10

Sambalate, mukua Holone ni Tobiia, mukua mbele ku Amone, ki a ibhila muene kiavulu kuívua kuila kueza muthu mu kusota mbote ia anʼa Izalaiele.

Estere 2:5

Mu mbonge ia Suzana-phe mua kexile judé imoxi, dijina diê Moledekai monʼa Jaíle, monʼa Ximeii, monʼa Kiji, mukua muiji ua Bejamí.

Estere 3:2

Akua mbèle ia muenexi oso, ene kukala bhu muelu uê, anga a kala mu fukama ni kudiundila Hamane; kuma muenexi ua a tumu uixi kiene ki mu mu bhangela jinga. Moledekai-phe nguaié kufukama, ka xikina ku mu diundila.

Daniiele 5:16

Eie-phe nga ku ivu fuma kuma eie u mesene ia kubhana majimbuluilu, ni kutetulula jiphata. Kiki-phe, se uatena kutanga o kisoneku kiki, ni ku ngʼijidisa dijimbuluilu diê, a-nda ku ku zuika thanga ikusuka, o mu xingu a-nda ku ku zuika lubhambu lua ulu, nʼa ku bhane kididi kia katatu mu utuminu uaʼxi.

Daniiele 5:29

Belxazale bhenhobho ubhana ngonge, anga Daniiele a mu zuika kizuatu kia kusuka, a mu zuika nzenzela ia ulu mu xingu, iá a mu xikila ngonge, muene u kala kilâmba kia katatu mu utuminu.

Daniiele 6:3

Daniiele anga u di tungula, mu axaxi ka mavunda ni ilâmba; mukonda mua muene mua kexe muẋima uabeta ujitu; Sobha-phe hé ukala mu kuxinganeka ku mu xikika ku thandu dia utuminu uoso.

Loma 10:1

Enu jiphange jami, kia solo o muẋima uami uoso, o kuila muiji uami eme-muene a bhuluke. Eme ngene mu ku a diondela jinga kua Nzambi.

Loma 14:18

Kuma uoso u bhikila Kristu kala kiki, Nzambi u mu uabhela, o athu a mu ximana kuila mukua ujitu.

I Samuuele 18:16

Izalaiele ioso-phe ni Juda anga a zola Davidi; kuma Davidi u kala mu tunda, u kala mu bokona bhu pholo iâ, ni ku a tuamenena kuene kuoso mu ita.

I Samuuele 23:17

anga u mu ambela, uixi: Ku kale ni uoma; kuma lukuaku lua tatʼetu Saúlu lu ku lémbua muene, ki lua-nda kutena ku ku kuata. Hádia eie muene ua kà kala ku ungana ua kutumina Izalaiele, eme-phe ngà bhabhelela kó-kué; kifua mu ungana ué eme kadi. Saúlu, tatʼetu, kienhiki ua kijiia muene kiambote.