Ejidala 9:9 - O Mikanda Ikola

⁹ Mukonda etu tu abhika, maji mu ubhika uetu, eie u Nzambi ietu, ku tu ehelela; inda ua zale jihenda jé ku thandu dietu, etu tua bongo kiadi bhu pholo ia jisobha ja Pélesa, mbé o ku tu bhana dingi muenhu phala kubalumuna dingi o inzu ia Nzambi ietu ni kutunga dingi jingùndu jê, mbé a tu bhane kimbaka kia ku kondamena.

Ejidala 9:9 ပူးပေါင်းရင်းမြစ်များ

Ejidala 2:68

Amoxi-mu ku jitata ja mabhata, mu kuiza mʼonzo ia Johova, iala mu Jeluzaleme, a bhana mu vondadi iâ, maujitu phala inzu ia Nzambi, phala a i tunge dingi bhu kididi kiê.

Ejidala 7:6

Ejidale muenhú anga u banda, ua tundu ku Babilónia. Muene anga u kala musoneki ua di longo kiavulu mu kitumu kia Mozé kia bhele Jihova, Nzambi ia Izalaiele. Muene-phe ue, mukonda dia lukuaku lua mbote, lua Jihova Nzambi iê, lua mu kexile ku thandu diê, sobha ua mu bhana ioso muene ia mu bhingile.

Ejidala 7:8

O mu mbeji ia katanu, ia muvu ua kasambuadi ua sobha muenʼiú, iene ia bhixila na-iu Ejidala mu Jeluzaleme.

Ejidala 9:10

Kindala-phe, Nzambi ietu tuanda kuzuela kiebhi ima iala kiki! Kuma tua xisa ijila ié, i ua tu tendelela ku abhikʼé, o jinganga, uexi:

Nehemiia 2:17

Bhenhobho-phe anga ngʼa tangela kiua, ngixi: Enu mua mono kiambote o uíndua mu tuala, kuma Jeluzaleme ua budijika, ni mabhitu mê ma jikata kuma a mʼoha mu túbhia; ndokuenu-phe tu tunge dingi imbaka ia Jeluzaleme, ki tu xikame kiki mu dilebhu.

Nehemiia 9:17

Anga a dituna muene ku kuívua, o madiuanu mé u ua a bhangela, ku a xinganeka kana; anga a kolokotesa o xingu iâ mu kuxikana, o mu huka kuâ anga a zangula mutumini hé a mu ta ku pholo iâ, mu kusota kuvutukila mu ubhika uâ mu Ijitu; Maji eie-phe, eie u Nzambi ia muloloki, ia kutululuka ni henda, ua kokoloka mu kutema, uene ni unéne mu kubhanga o mbote, ku a ehelela.

Jisálamu 109:12

Ki bhu kale muthu u mu kuatela henda; mba bhu kala muthu u xinganeka anʼê ala mu uhukunhu.

Jisálamu 138:7

Né-mbe ngʼenda mu axaxi ka malamba, eie, Ngana, u ngʼinga, ngi laia muene; kuma u tula lukuaku lué ku jinguma ja ngi kala ni njinda, o lukuaku lué lua kúdia, lu ngi bhulula.

Izaía 14:3

Anga kia kà bhita-phe kuila, kizuua kia kèza Nzambi ku ku zumbula ku midimu ié, ni ku ku-ila ximbakata, anga u ku sukununa ubhika ua kabhikolo u a ku talesa na-u o hadi.

Izaía 5:2

Ua di kondoluesa kikanzo, matadi ua ma sengulula-mu, iú ua phaphe-mu mivide ia mbutu iambote; o muʼaxaxi ka díbhia dia muvide ua tungu-mu inzu ia matala, iú ua iudika-mu ue ditangi dia kuketela vinhu; iú uene kudielela kuila muvide uima ji-uva jauabha, maji uene ua bhana ikola-kola.

Izaía 5:5

Ngi mʼijidise-phe kindala kioso ki nga kane kubhanga o díbhia diami dia muvide: Kikanzo kiê ngi ki muanga, nda di kale kiá dikêla dia ibhaku; o kipena kiê ngi ki lundumuna, nda a ki titidile.

Izaía 61:4

Ene a kà tunga jingùndu jòkulu, a kà bhetula dingi ididi ia diangele kusenguluka, madiembu a sekala a kà a bhangulula dingi, ni jingùndu jòkulu jòsengulule ku muiji ni muiji.

Izekiiele 11:16

Uila kiki, zuela: Jihova, o Ngana, uambe kiki: Sumbale nga a takuila makanga mu ifuẋi; sumbala nga a muangena mu jixi, maji né kienhókio, hanji nga-nda ku di-bhanga ngi dibhezelu diâ, mu kakithangana kòfele ku jixi kuoso kua di tela.

Daniiele 9:25

Eie tuma-phe ku kʼijiia: tunde bhu tubhukila o ngonge phala kubhetula dingi Jeluzaleme ni ku mu tunga, katé bhua kéjiia Mexiia, o Mʼona Ngana, bhuala sambuadi dia semana, ni makuinhi asamanu ni kiiadi kia jisemana; a kà tunga dingi o jinzunga ni imbaka, maji a kà ji tungila mu thembu ia hadi ni mbùnda.

Ajeu 1:9

Muendi ima iavulu, maji mua kuata ngoho ia tolo; o ia tolo iii-phe, kioso ki mueza na-iu mʼonzo, eme ue nga i bhusué. Mukonda diahi? Jihova dia Ifuẋi, uixi: Mukonda dia inzu iami i mudielela, enu-phe mudienu kala muthu u lengela mu kulanga kiambote onzo iê.

Zakadiia 2:5

O Eme-phe, nga kà mu kala ngi kimbaka kia túbhia mu jimbandu; o fuma iê, Eme-muène-muene nga kà kala mu kaxi kê, kiene kia tange Jihova.