Ejidala 9:8 - O Mikanda Ikola

⁸ Kiki-phe, mu kakithangana kòfele, kua tu tukulukila kiadi ku mbandu ia Jihova, Nzambi ietu, phala ku tuehela amoxi-mu kusutunuka, ni kutuimika kiambte bhu kididi kiê kikôla, ni ku tu bhana kidimba; phala ku tu muikina o mesu, eie u Nzambi ietu, ni ku tu bhana hanji kamuenhu kòfele mu ubhika uetu.

Ejidala 9:8 ပူးပေါင်းရင်းမြစ်များ

II Jisobha 19:4

Mukonda nga fika muene kuma o Ngana ia Nzambi ié uevu maka oso a tange Labesaki, o muthu ió a mu tumikisa kuala ngana iê, o sobha ia Asídia, phala kulebhula Nzambi ia Muenhu ni ku mu kuatesa sonhi ni maka ió a dʼivila muene Jihova dia Nzambi ié; kiki-phe eie sambela kiá ngoho iá oso a subhuka-ku hanji.

Ejidala 9:9

Mukonda etu tu abhika, maji mu ubhika uetu, eie u Nzambi ietu, ku tu ehelela; inda ua zale jihenda jé ku thandu dietu, etu tua bongo kiadi bhu pholo ia jisobha ja Pélesa, mbé o ku tu bhana dingi muenhu phala kubalumuna dingi o inzu ia Nzambi ietu ni kutunga dingi jingùndu jê, mbé a tu bhane kimbaka kia ku kondamena.

Nehemiia 1:11

Ngana, tata, mátui mé-phe, ma jikukile o musambu ua mubhikʼé, kumoxi ni musambu ua abhikʼé ala kuinda kuxila o dijina dié; mubhikʼé, lelu, anga u mu zediuisa, nʼu mu bhana o kiadi bhu pholo ia muthu iú. Bhenhobho-phe eme ngala ngi mukuati a nganza ia sobha.

Nehemiia 9:31

Maji eie-phe mu kuvula o henda, ku a jimi mbutu mba u a ehelela; mbata eie u Nzambi ua uabhela kuloloka ni ku kuatela henda.

Jobe 33:30

Phala kuzaúla o muenhu uê mu diela, ni ku mu muikina ni mukengeji ua athu ala ku muenhu.

Jisálamu 13:3

Ngi Suue, Ngana, xinganeka, u ngi vutuile, Jihova, Nzambi iami! Muikina mesu mami ni mukengeji ué, phala ki ngiie kilu kia kúfua.

Jisálamu 13:4

Sumba nguma iami uila, uixi: Nga mu lende; a ngi zembe anga a kola kikóue, kia ngi mona kuẋangumuka.

Jisálamu 138:7

Né-mbe ngʼenda mu axaxi ka malamba, eie, Ngana, u ngʼinga, ngi laia muene; kuma u tula lukuaku lué ku jinguma ja ngi kala ni njinda, o lukuaku lué lua kúdia, lu ngi bhulula.

Jisálamu 34:5

Oso a tala kua muene, a benha; jipholo jâ ki ji kala dingi ni jisonhi.

Jisálamu 85:6

Manhi ngué ku tu phaphumuna dingi, phala o povo ié nʼa kale mu sangulukila ko kué?

Jisabhu 29:13

Ni ngadiama ni mukua kutambula avasu, atakana bhuamoxi; maji kiiadi kiâ Jihova muene u a muikina o mesu.

Ndongixi 12:11

O maka ma jinjimu ela kala jisongo, mukua ni jiphèleku jʼòbatele kiambote kuala o jimesene ja tu bhana kuala Ió uene o Kabhila ketu kamoxièlele.

Izaía 1:9

Se o Jihova dia Ilombo Ieta ua kambele ku tu xila tumbalu-mbalu, eji ku tu buikisa kala Sodoma, tueji ku di fuangana ni Ngomola.

Izaía 14:3

Anga kia kà bhita-phe kuila, kizuua kia kèza Nzambi ku ku zumbula ku midimu ié, ni ku ku-ila ximbakata, anga u ku sukununa ubhika ua kabhikolo u a ku talesa na-u o hadi.

Izaía 56:5

Eme ue mʼonzo iami ni mu malumbu mami nga kà a bhana-mu kididi, ni dijina dia tundu o dijina dia ana a mala ni anʼa ahatu; dijina dinanga, diene di ngʼa bhana kala muthu mudiâ; o dienhidi ki dia kà bhua-ku dingi.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 6:13

Maji se mbandu ia kakuinhi i subhuka-mu, a kà i buikisʼé dingi; mukuá ni mukaluvádiu, mba muzinhela, kioso ki i lalumuka mafe, hanji uemanʼé; kiene ue, o mbutu ikôla.

Jelemiia 42:2

Anga ambela polofeta Jelemiia, exi: Kudionda kuetu ku sonokene kindala bhu pholo ié, u tu diondele kua Jihova, Nzambi ié, ku ene osuʼá subhuka, mbata ku nzungule i tua kexile, tua subhuka tua tolo kiá, kala ki ua mu di muena éʼmuène ni mesu mé.

Jelemiia 44:14

Katé ki mua kà moneka muthu u bhulaka hé u subhuka ku mbandu ia masubhu a Juda, a bokona mʼoxi ia Ijitu phala kunhunganena momo, hé u vutuka mʼoxi ia Juda, kala ki kia a kexile kinéne muene ku muẋima, o kuvutuka phala kutunga dingi mʼoxi ia Juda; maji kiki-phe ka kà vutuka, kikale kiá ngoho oso a kà bhulaka.

Izekiiele 14:22

Maji, tala-ze, amoximu a-nda kusubhuka muene muenhomo, hé a kâ ambata ku kanga, kixi anʼa mala mba anʼa ahatu; talesa-ze ene a kʼeza kokuʼenu, enu hé mua kà mona o njila iá ni ibhangelu iâ; anga kia kà mi konda malamba a kuiibha kuoso ku nga bheka ku thandu dia Jeluzaleme, ni ima ioso kiá i nga bheka ku thandu diê.

Hozeia 6:2

Bhu bhita izuua iiadi, o ki i bhua u tu bhana dingi muenhu; mu kizuua kia katatu u tu fukununa, anga tu kala jinga kiá bhu pholo iê-muène.

Habakuke 3:2

Jihova ngevu, maka mé mu uazuela, o uoma iu ua ngi kuata! Kikalakalu kié u Jihova, bhana-kiu dingi muenhu ku mivu ioso, o i uazuela enda ni ku i ijidisa dingi ku mivu ni mivu; kioso ki u thathamana jinga lembalala, Ngana, o kulenduka kué!

Sofoniia 3:12

Nga ka xisa muʼaxaxi kê ió oso a di tululula, ka moneka izala mba ukumbu, o jingadiama; ene a kà kala jinga thembu joso mu dielela o dijina dia Jihova.

Zakadiia 10:4

Mua Juda muene hádia mua kà tunda o ditadi dia thungi; muene mua kà tunda o phapha ja balaka, mua kà tunda o mufula ua ita, ni ilôlo ioso ia kà tuamenena ia kà tunda mueneʼomo kumoxi.

Zakadiia 8:12

Mukonda eme nga-nda ku kuua o kutululuka o mbutu ia kà kala ni kuzediua. Muvide ua kà lukula ibundu iê, o ixi ia kà bhana idima, o diulu dia kà bhana dimume diê mu kimene; anga ngi bhangesa kuila, o ima ioso iii ia kà biluka undundu ua ngene ua iá a subhuka ku muiji uenhú.

Zakadiia 8:6

Jihova dia Ilombo Ieta uambe, kiki: Se o kiki kia kà kala kisunji ku mesu ma iá a subhuka ku muiji uenhú, mu izuua ienhoio, kia kà kala ue kisunji ku mesu mami? Kiene kia tange Jihova dia Ilombo Ieta.

Loma 9:27

Ni Izaia ue ua zuela ku mbandu ia Izalaiele, uixi: Né-mbe o mundu ua anʼ a Izalaiele u vula kala kisekele bhu mbanduʼ a kalunga, tumbalu-mbalu tuâ, tuene ngó tua kà bhuluka.

Dijingunuinu 3:12

Uoso u tolola, Eme ngi mu bhanga ngùnji i kuatesa o Tembulu ia Nzambi iami, o muene ka kà tunda-mu dingi. Ngi mu soneka o dijina dia Nzambi iami, ni dijina dia mbanza ia Nzambi iami, o Jeluzaleme ia ubhe, i tuluka ku diulu kua Nzambi iami. Ngi mu soneka ue ni dijina diami eme-muène dia ubhe.

I Samuuele 14:27

Jonata-phe ka kʼivu, kioso tatʼâ kia tendelela o mundu ni muloko; kienhiki mbangala iê ia kuata bhu maku, u i bonda o pondo mu uiki, anga u ta lukuaku ku dikanu; mu mesu anga mu mu zela.

I Samuuele 14:29

Jonata-phe uixi: Tatʼetu ua tatesa oxi: talesenu eme mu mesu mua ngi zele, mukonda eme nga lola-ku ngó o tuuikiʼutu.