Ejidala 9:5 - O Mikanda Ikola

⁵ O kia zukama o kithangana kia Sata ia ngoloxi, nga balumuka mu ku di suuata ni ku di tolesa kuami, kala nga tandula kiá o izuatu iami ni divunga diami, anga ngi fukama, ngi leka maku mami kua Jihova, Nzambi iami, ngixi:

Ejidala 9:5 ပူးပေါင်းရင်းမြစ်များ

I Jisobha 8:22

Anga Solomá uimana ku pholo ia kalatódio ka Jihova, ku pholo ia kionge kioso kia Izalaiele, anga u leka o maku mê ku diulu,

I Jisobha 8:38

Musambu uoso, ni kudionda kuoso, kubhana muthu uoso-uoso mu kifuxi kié kioso kia Izalaiele, muthu ni muthu kia zubha ku di tongolola o kuiibha kua muẋima uê, anga u sunununa o maku mê ku inzo iii,

I Jisobha 8:54

Anga ki bhita-phe kuma, Solomá kia zubha kubhanga o musambu uoso iú ni kudionda kuoso kuku, hanji ku jiphuna kuala ni maku ma leka ku diulu, u fundumuka ku pholo ia kalatódio ka Ngana,

II Malunda 6:13

mukonda Solomá ua iudikile kibaka kia utadi, kia kôvadu jitanu mu kulebha ni kóvadu jitanu mu kuzanza, ni kóvadu jitatu mu kitala, hé u ki tula mu kaẋi ka lumbu, anga uimana kuthandu diê, hé u fukama ku jiphuna bhu mesuʼa kionge kioso kia Izalaiele, anga u leka maku mê ku diulu,

Nehemiia 1:4

Anga ki bhita kuma, eme mu kuívua o maka iá, nga xikama hanji anga ngi dila, anga ngi bhita izuua muene ni dilamba; anga ngi kuata kujila ni kusamba bhu pholo ia Nzambi ia diulu.

Jisálamu 141:2

Musambu uami u bande ko kué, kala uasu ua dizumba; o makuʼami, kia sununuka, a kale kala sata ia ngoloxi.

Jisálamu 143:6

Ngi sunununa o maku mami ko kué, muenhu uami ua ku kala ni dinhota, kala mʼoxi iakukuta. (Selah.)

Jisálamu 95:6

Ndokuenu tu bhetame, phala tu bhezienu, tu fukame bhu pholo ia Jihova ua tu bhanga.

Makatukilu 9:29

Mozé anga u mu ambela, uixi: Ngʼila ngi tunda ngó mu mbonge, ngi leka o maku mami kua Jihova; ua-nda mona-phe inuminu ia batuka, o matadi a bhuê-ku; phala eie u kʼijiie kuma ixi ioso iangene ia Jihova.

Makatukilu 9:33

Mozé anga u tunda mu mbonge, kia zubha kutunda kua Falaó, u sanzumuna maku mê kua Jihova; ni inuminu ni matadi anga a bhua-ku, o mvula i batuka kunoka mu ngongo.

Izaía 1:15

Uila kiki, kioso ki mú sunununa o maku menu mu kusamba, mesu mami, kokuenu, ngi ma sueka; xi, kioso ki mu vudisa o misambu ienu eme ki ngi ivu, mukonda o makuʼenu ezala manhinga.

Daniiele 10:2

Mu izuua ienhoio, eme ngi Daniiele, nga kexe ni mukondo, mu semana jitatu ja muvimba.

Luka 22:41

Anga u axa kadikanga ngó ka kuila ditadi u di takula-bhu. U fukama, anga u kala mù samba, uixi:

Jipoxolo 21:5

Maji o ki tua zubha kubhanga izuuʼ oio, tua katuka dingi o njila ietu. Ene oso ni ahatuʼ â, ni anʼ â, hé a tunda mu mbonge mu ku tu xinjikila, anga tu fukama-nâ ku ndundu, anga tu samba, tu di xalesa.

Efezo 3:14

Mukonda dia kiki, nga fukama jiphuna bhu pholo ia Tata ia Ngana ietu Jezú Kristu,