Ejidala 9:4 - O Mikanda Ikola

⁴ Ene oso a kexile mu ku teketela o maka ma Nzambi ia Izalaiele, mukonda dia kutondala kua iá a tundu mu ubhika anga a ngi bhongolokela, eme-phe, kiene ki nga xikama ni kimbulambulʼiki kiene, katé mu kumbi dia Sata ia ngoloxi.

Ejidala 9:4 ပူးပေါင်းရင်းမြစ်များ

II Malunda 34:27

Kuma o muẋima ué eie ua teketa, eie ua tolokela Nzambi, kioso ki uevu o maka ma tange kubhanga o kididi kiki, ni ió oso a tungu-bhu, eie ua toloka bhu pholo iami, eie ua tandula o izuatu ié, eie ua ngi didila, eme ue nga kuivu, kienhiki kiene kiambe Jihova.

Ejidala 10:3

Kindala-phe muene, tu ta kikutu ni Nzambi ietu, kuila, ahatu oso tu a senga, ni kioso kiòvuale kua ene kala kiambe kaiula ka Jihova, ni ka iá a kuata uoma ua ngonge ia Nzambi ietu, tu bhange kala kiambe o kitumu.

Ejidala 10:9

Bhenhobho-phe, athuʼoso mua Juda ni mua Bejami, mu izuua itatu anga a di bhongoluela mu Jeluzaleme; mbeji ienhoio-phe iene ia kávua, mu kizuua kia makuinhi aiadi ku mbeji; mundu uoso anga a xikama ni kuteketa mu lumbu lua inzu ia Nzambi, ki mukonda ngó dia kima kienhiki maji ni mukonda ue dia mvula ia vudile kinéne.

Jisálamu 119:136

Kisoxi muene kiala ku ngi buabumuka mu mesu kala ngiji, mukonda dia athu kubhumina o ngonge ié.

Makatukilu 29:39

Mbudi imoxi u i sata mu kimene, o mbudi iamuká mu ngoloxi, kuila mixinda ia maku ia jimi kiá.

Makatukilu 29:41

O mbudi iamukuá u i sata mu ngoloxi, kuila mixinda ia maku ia jimi kiá; i kala ni mubhaku ua musa, ni kiamenga kiê, kala mu kimene, dizumba diambote, ujitu ua kubhakula ni túbhia kua Jihova.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Izaía 66:5

Ivenu kizuelu kia Jihova, enu oso muala ni uoma ua kizuelu kiê; jiphange jenu, oso a mi zemba, ia ene ku mi takujula dikanga mukonda dia dijina diamiʼeme, exi: Jihova a mu fumanese; mbebhu tu mone o kusanguluka kuenu, maji eneʼô-phe sonhi ja-nda kua kà a kuata.

Izekiiele 9:4

Ngana hé u mu ambela, uixi: Bhita mu kaxi ka mbonge, muʼaxaxe ka Jeluzaleme, u te kidimbu bhu mabhômo ma athu oso a mu di tula muenhu ni kukema, mukonda dia isunji ioso iaiibha ialuʼia ni kubhanga athu mu kaxi ka mbonge mumu.

Daniiele 10:2

Mu izuua ienhoio, eme ngi Daniiele, nga kexe ni mukondo, mu semana jitatu ja muvimba.

Daniiele 9:21

O ki nga kuata o kuzuela kiki ni kusamba, o dikuenze Ngabidiiele, nga mu muene mu kisuma kiami kia kuandekela, ueza ni kutuka malusolo, bhu kumbi dia sata ia ngoloxi, ua bhiẋila, u ngi kuata lukuaku.

Dialuilu 25:6

Bhenhobho, bhu kala muthu ku anʼa Izalaiele, u bheka muʼaxaxi ka jiphange jê, muhatu mukua Midiiane, ku mesu muene a Mozé ni ku mesu a kilômbo kioso kia anʼa Izalaiele, kioso kiala kudila bhu muelu ua balaka ia kutakanena.

Jipoxolo 3:1

Kiki-phe, mu ola ia katatu ku kièmba, kizuua kimoxi Phetele ni Nzuá a kala mu banda mu Tembulu mu ola ia kusamba.