Ejidala 8:22 - O Mikanda Ikola

²² Mukonda sonhi ja ngi kuatele, ja ku bhinga kua sobha, kifuxi kia masoladi ni ilolo i tu bhângela ku jinguma mu njila, mbata sobha tua muambelele, tuexi: Lukuaku lua Nzambi ietu luala ku thandu dia ió oso a mu sota muene, phala ku a bhanga mbote; maji o nguzu iê ni njinda iê, i lungulukila ku thandu dia ió oso a mu xia.

Ejidala 8:22 ပူးပေါင်းရင်းမြစ်များ

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

II Malunda 15:2

Muenʼiú anga u tunda, uia mu kutakana ni Aza, u muʼambela, uixi: Enu Aza, ni Juda dioso ni Bejamí ngʼivienu! O Jihova uala ni enu, kiosuʼiki enu muala ni muene; se mu mu sota, mua-nda ku mu sanga; o ki muʼila mu mu xa, muene ue ua-nda ku mi xa.

II Malunda 16:9

Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

Ejidala 7:28

Iu ua ngi zalela o jihenda jê bhu pholo ia sobha ni ndongixi jê, ni bhu pholo ia ilamba ioso iala ni kutena ku mbanza ia sobha. Kienhiki-phe, ki kia ngi bhekela kúbhua uoma, kala kiá kia ngi tula o lukuaku lua mbote lua Jihova, Nzambi iami, ku thandu, eme nga bhongolola mua Izalaiele, amoxi-mu ku adiakimi phala kubanda nʼeme ni tuʼiii ku Jeluzaleme.

Ejidala 7:6

Ejidale muenhú anga u banda, ua tundu ku Babilónia. Muene anga u kala musoneki ua di longo kiavulu mu kitumu kia Mozé kia bhele Jihova, Nzambi ia Izalaiele. Muene-phe ue, mukonda dia lukuaku lua mbote, lua Jihova Nzambi iê, lua mu kexile ku thandu diê, sobha ua mu bhana ioso muene ia mu bhingile.

Ejidala 7:9

Mbata ku kizuua kia dianga kia mbeji ia dianga kiene muene kia katuka ni kubanda mu kutunda mu Babilónia; iu ua bhixila mu Jeluzaleme mu kizuua kia dianga kia mbeji ia katatu, kala kia mu xindi lukuaku lua mbote, lua Nzambi iê, lua mu kala ku thandu diê.

Ejidala 8:31

Anga tu katuka bhu ngiji ia Ahava, mu kizuua kia kuinhi ni kiiadi ku mbeji ia dianga, phala kuia ku Jeluzaleme; o lukuaku lua mbote lua Nzambi ietu lua kexile ku thandu dietu, lua tu kudila ku lukuaku lua jinguma ni kua iá a kexile mu ku tuʼolekela mibhetu mu njila.

Nehemiia 2:9

Bhenhobho ngʼeza ku jinguvulu ja sámbua dia ngiji ia Ufalate, anga ngʼa bhana mikanda ia sobha; sobha muene ua tumukisine ue atumini a kifuxi ni makuenze ku jikabalu ejiie kumoxi ni eme phala ku ngi xinjikila.

Jisálamu 20:8

Ene a bulukuta, a dibhale; etu-phe tua bhetuka, tuemana nzanza.

Jisálamu 34:22

Jihova-phe u tambula konda ia muenhu ua jiselevende jê; kana muthu u sekala ua mu dielela muene.

Jisálamu 90:11

Nanhi-phe ua te muẋima mu kuijiia kuila njinda ié i nema? o kuluuala kué nʼa ku kala ni uôma kala kia tokala?

Kuditenda 3:25

Jihova muthu ua mbote phala ió oso a mu nhenganana muene, mbé o muthu uoso u mu bhindamena.

Loma 8:28

Kuma tua kʼ ijiia kuila mu ima ioso Nzambi u kalakala mu kubhanga o mbote kua iá oso a mu zola, oso kiá a exana mu vondadi ia muène.

I Kolindo 9:15

Maji eme-phe ima ioso iii ki ngi jijila ku i bhanga; ni kiki, ki ngi ki sonekena phala enu ni mu ngi bhange kienʼ iki. Kuma inda nga-fu, ki ngʼindi kubhanga kiki! Mbata ki ngʼ ehela muthu ku ngi bhuisa o thate iami mu kubhanga kiki.

II Kolindo 7:14

Mbata eme nga mu telele thathe ienu kua muène, ia ku mi zuela kiambote, o enu ue-phe ki mua ngi kuatesa jisonhi. Etu ima ioso i tuene ku mi tangela, ia kidi. Kiene ue ni thathe i tua tele bhu pholo ia Tito, ia ku mi ximana enu, a i mono kuma ia kidi.

Jihebeleu 10:38

O mundu uami-phe uaiuka, ua kà bhulukila mu kuxikana. Maji uoso ualuluka ku dima, muẋima uami ki u mu kala dingi ni vondadi.

Josuué 22:16

Kionge kioso kia Jihova azuela kiki, exi: Kituxi kiosuʼiki kiahi ki mu tondala na-kiu, hé mu ta mulonga kua Nzambi ia Izalaiele, anga mu ta kíá dikunda kua Jihova leluʼidi, hé mu di tungila kiá kalatódio kenu mu ku kitukila Jihova anga mu zoka-nê muene?

Josuué 23:16

Kioso ki mu matuka o kikutu kia Jihova Nzambi ienu, kia mi tendelela, anga muia, mu kuata kubheza nzambi jengi, ni ku ji fukamena, kiene kia kà mi uamena o njinda ia Jihova ku thandu dienu, anga mu tukumuka mua jimi o mbutu, o ixi ia uabha ia mi bhele mua i xi.

I Phetele 3:12

Kuma mesu ma Ngana ma lungu kua iá aiuka, ki a dikola, u ta-ku matui ku misambu iâ. Maji o pholo ia Ngana-phe ia luualela oso a bhanga o phulu.