Ejidala 8:21 - O Mikanda Ikola

²¹ Bhenhobho anga ngi kola-bhu hanji o mujile ua kujila bhu mbanduʼa honga ia ngiji ia Ahava, mbé o kutoloka bhu pholo ia Nzambi ietu, nda tu mu bhinge njila ia kambe íbhidi phala etu ni anʼetu ni imbamba ioso ia tu tokala.

Ejidala 8:21 ပူးပေါင်းရင်းမြစ်များ

II Malunda 20:3

Bheneʼobho Jozafate uoma ua mu kuata, hé u di ta mu kusota Jihova, anga u tuma o kujila, mu Juda ioso.

II Malunda 20:4

Akua Juda oso hé a di bhongolola mu kubhinga dikuatekesu kua Jihova; o mu jimbonge joso ja Juda ue mua tundu athu eza mu kusota Jihova.

Ejidala 8:15

Anga ngʼa bhongoluela bhu mbanduʼa ngiji iala mu ku kungulukila ku Ahava, anga tu ta kibangu bhenhobho, mu izuua itatu. Bhenhobho ngi tonginina mu Kifuxi ni mu jinganga, ki nga tale-mu, ku anʼa Levi, ní muthu umoxi ngó ki ngi mu monʼomo.

Ejidala 8:31

Anga tu katuka bhu ngiji ia Ahava, mu kizuua kia kuinhi ni kiiadi ku mbeji ia dianga, phala kuia ku Jeluzaleme; o lukuaku lua mbote lua Nzambi ietu lua kexile ku thandu dietu, lua tu kudila ku lukuaku lua jinguma ni kua iá a kexile mu ku tuʼolekela mibhetu mu njila.

Nehemiia 9:1

Anga anʼa Izalaiele a di bhongolola mu kizuua kia makuinhi aiadi nʼiuana ni kujila ni makuba ma zuata, ni mavu ma di takela mu mítue.

Estere 4:16

Ndeie, ua kà bhongolole o jijudé joso ala mu mbonge ia Suzana, mu jejuuale mukonda diami, mu fule kúdia ni kúnua mu izuua itatu, ni mu muanha ni mu usuku. Eme uami ni ilumba iami tu jejuuala kiene kimoxi, o ki ki bhua ku ki bhanga kiene kiua ki ngi bhixila kua muenexi, sumbala kima a ki kidika ku ki bhanga; se ki ngi bhinga kubuila-phe, kuabhu, ngi kana kubuila.

Jisálamu 137:1

Bhu mbanduʼa jihonga, ja jingiji mu Babilónha, bhene bhu tua xikama jinga, anga tu kuata kudila, kioso ki tu xinganeka Ziione.

Jisálamu 5:8

Ngendese, u Jihova, mu njila ja uiukilu ué, mukonda dia iá a ngi batamena; njila ié ki i kale ni jihonda bhu pholo iami.

Jisálamu 5:9

Kuma enhó kuzuela kuâ ki kuala ni kukumbidila; miẋima iâ moxi ia di bhange kizakazaka kia usuéia; bhu dikelengu diâ, kina kia kalunga, sumbala a hanza ni dimi diâ.

Jisálamu 8:2

Mu kuzuela ku tunda mu kanu dia anʼauisu, ni tuana hanji bhu maku, eie uidikisa ue nguzu; mukonda dia ió a ku zembe; phala o nguma, ni ió mukua phonzo, a lémbue kia kuvutula.

Jisabhu 3:6

Mu suue muene ngó mu mauendelu mé moso, muene a iukise o njila jé joso.

Izaía 30:21

O mátui mé, mà kévua dízui ku dima dié, di ku fuetela kuila: Iii iene o njila, endelenu muenhumu; kana kuabhukila ku lukuaku lua kúdia mba lua kiasu.

Izaía 35:8

Anga mua kà jikuka o kikoka ni njila, a kà ʼixana Njila Ikôla kifusa ka kà tena ku bhita-mu, maji ia kà kala ngó phala o mundu uê; o jingenji né-mbé kiá ioua, se a i tondala, vondadi iâ.

Izaía 42:16

Anga ngi batesa o ifofo mu njila kiluua a ijiia, nga kà a bhitisa mu njila ia musanu; o kitombe nga kà ki bilula mukengeji bhu pholo iâ, o njila jala matadi nga ji iukisa. O ima ienhiʼii iene i nga-nda ku a bhanga, ki mungu dingi nga ehelela.

Izaía 49:10

Ka kala dingi ni nzala, kà kala dingi ni dinhota, né muzukuta né muanha ki ua kà a kuama dingi; kuma muenhó mukua ku a lendukila, ua kà endesa, anga ua kà a batesa kilendu katé ku jifiẋi ja menha.

Izaía 58:3

Exi-phe: Tua jidilaʼhi ngoho eie-muène ku ki suu? Tua di-taleselaʼhi hadi, manhi eie ku kʼijiia? Talesenu, mu kizuua kia kujila muala kusota ngó kioso kia mi uabhela enu, muexi-phe a tu fute-kiu, o kikalakaluʼiki.

Izaía 58:5

Mbé kuene o kujila ku nginda emeʼuku? ngixi muthu a di huhe muenhu uê kumbi dioso dia kambàmba? o kubheteka mútue kala mbamba, ni ku di-sukika mulàla ua kidinhaji ni ku di-kuua uthôkua, mua fika kuene o kujila, kuambe? o kidi eie u ki kita kujila, uixi kiene o kizuua ki tena kuuabhela Jihova?

Jelemiia 10:23

Jihova, tata, eme ngejiia kuila o njila ienda o muthu ki iene bhu lukuaku lua muthu-muène, mba muthu kienda, muene u tongesa o makanda mê-muène.

Jelemiia 42:3

Phala Jihova, Nzambi ié, a tu longese njila i tua fuama kuendela ni kioso ki tua fuama kubhanga.

Daniiele 9:3

Anga ngi lungulukila pholo iami kua Ngana Nzambi, mu ku mu sota ni musambu ni ku mu dionda, bhenhobho nga jidi, ngi di ta kidinhaji, ngi di kuua utókua.

Jouele 1:14

Bhu kale kujila ku kôla, bhu kale ku kola kizuua kia kionge, bhongololenu ikulakaji ni oso a tungu mu ngongo, eze mʼonzo ia Jihova Nzambi ienu, mu di kole kua Jihova.

Ijila 16:29

O kiki kijila ki xialela katé ku hádia; bhu mbeji ia sambuadi mu kizuua kia kakuinhi ku mbeje, huhenu o mienhu ienu, ikalakalu ehelenu-iu bhoxi enu-oso muene, ni akua-bhata, ni nzuangiza uoso ua tungu momuenu.

Ijila 16:31

Ikale-phe sabhalu ia dinhohenu phala enu; mienhu ienu-phe kibhinga mu i nhohesa; kijila kiki ki xialela katé ku hádia.

Ijila 23:29

Kuma, se bhu kala muthu, bhu kizuua kiókio, ukamba ku di huha, a mu katula muene mu kifuẋi kiê.

Jona 3:5

Akua Ninive anga a xikana Nzambi; anga a kola ngonge ia kujila, hé a zuata jisaku ja kidinhaji, tunde ku dikota katé ku ndenge.

Jona 3:7

Anga u tubhula ngonge, anga a bhana jingolokela mu Ninive, kia tumu sobha ni makota mê, kuila: Né athu, né ibhaku, né jingombe, né jimbudi ka lole kima, ibhaku, ka i bhane iangu, né ngó kúnua menha.

Dialuilu 14:3

Jihova ua tu bhekela-hi kʼoxi kunu, phala ni tu fuile ngó ku xibhata? Ni ahatuʼetu ni anʼetu nʼa di bhange mbole; manhi ki kota tu vutukila mu Ijitu?

Dialuilu 14:31

Inda tuana tuenu-phe, tu mua tangele, muixi: A di bhange mbole, ene nga kà a bokuesa-mu, a kêjiia ixi i mua tènde, enu mua di tunu-iu.

Jipoxolo 2:39

Kuma o kizuelu kiê kia bhana, kia mi tokala enu, ni anʼ enu, ni oso ala ku makanga, oso kiá a kà exana kuala Nzambi, Ngana ietu.

Afundixi 20:26

Bhenhobho ana oso a Izalaiele, mundu uoso, a banda ku Betele, a dila, a xikama bhu pholo ia Jihova, hé a jila kizuua kioso kienhókio, ki bhua kúdia ki bhua kunua katé mu ngoloxi; a bhana ni jisata ja kuoha ni jisata ja paze bhu pholo ia Jihova.

I Samuuele 7:6

Anga a bhongoloka bhu Mixipa, a teka menha, a ma lunduluila bhu pholo ia Jihova, a fula kúdia kizuua kienhókio, a fisala, exi: Tua te ituxi kua Jihova. Samuuele anga u kala mu fundisa anʼa Izalaiele bhu Mixipa.