Ejidala 8:17 - O Mikanda Ikola

¹⁷ Anga ngʼa tumikisa kua Idu, muadiakime ua kexile mu Kazifiia, hé ngʼa longesa muene maka a fuama kutangela Idu phange iâ, ni akua mbèle mu-tembulu, jiphange já mu Kazifiia, kuila a tu bhekele akunji, phala inzu ia Nzambi ietu.

Ejidala 8:17 ပူးပေါင်းရင်းမြစ်များ

II Samuuele 14:19

Muenexi uixi: Maka osoʼá, ua di endela eie muene, inga lukuaku lua Jouabe lu momo? Muhatu anga u vutula, uixi: Kùku, nga loka kala ki uala eie ku muenhu ué moxi, u ngana iami kuma i ua zuela kana muthu u tena kuabhuka, né ku kúdia né ku kiasu mu muxinda ua kizuelu kié! Mbata mubhikʼé Jouabe muene-muene ua ngi tumu, muene ua ngi longesa o makʼama mu nga ku tela, eme ngi kahatu ké.

II Samuuele 14:3

Phala u bokone kua muenexi, u mu zuelese kala kiki: Jouabe anga u mu longesa maka moso ma kà zuela.

I Malunda 9:2

O akua Izalaiele ni jinganga ni akua Levi, ni aẋangi a jihuinhi ni ateki a menha, ene a dianga o kutunga mu ixi iâ ni mabhata mâ.

Ejidala 2:43

Akua mbèle mu tembulu: Anʼa Ziia, ni anʼa Hasufa, ni anʼa Tabauote,

Ejidala 2:58

Akua mbèle oso a tokala mu tembulu, ni anʼa a abhika a Solomá, a tena hama jitatu ni makuinhiʼvua ni kiiadi.

Ejidala 7:7

Mu muvu ua kasambuadi, ua sobha Artaxexe, amoxi-mu ku anʼa Izalaiele, a banda mu Jeluzaleme, ni anʼa jinganga, ni a jilevita, ni a jingimbidi, ni anʼa ajikuidi a mabhitu, ni a akua mbèle mu tembulu.

Ejidala 8:16

Nga tumikisa Eliiazale, Adiiele, Semaia, Elenatane, Jadibe, Elenatane, Natane, Zakadiia ni Mezulane, o asonguedi, eme nga te-ku dingi Nzuadibe ni Elenatane, athu a kexile ni kuijiia kuavulu.

Makatukilu 4:15

Eie-phe ua kà zuela ni muene, u mu ta maka mu kanu diê; eme-phe ngi kala ni dikanu dié, ni dikanu dia muene, anga ngʼenda ni ku mi longesa ioso i mu bhanga.

Jelemiia 1:9

Jihova iú ua sunununa o lukuaku luê, anga u ngi tuta ku dikanu; anga Jihova u ngambela uixi: Tala, ngi ta maka mami mu kanu dié.

Jelemiia 15:19

Uila kiki: Jihova uambe kuma: Sʼeie ua toloka, eme-phe ngi ku takana dingi, anga u kala jinga bhu pholo iami: eie se u tungula kima kia ujitu, o kia lusebu anga u ki texi, ua-nda ku kala-phe mukuâ ni dikanu diami; ndoko, eha-u ene a ku tolokele eie, eie ku ki sèse ku a tolokela ene.

Dialuilu 18:6

Tala-ze, kuma eme nga katula o jiphange jenu, o jilevita, muʼaxaxe ka ana a Izalaiele; iá a mi bhana-u enu, mu ujitu, kuala Jihova, nʼende ni kubhanga o kikalakalu kia ukunji ua balaka ia kutakanena.

Matendelelu 18:18

Talesa-phe, Eme nga-nda kubalumuna kiá polofeta muʼaxaxi ka phange jé, mukua ni eie, anga ngi mu ta o maka mami mu kanu diê, muene anga u a jimbuila ioso i ngi mu tuma.

Tito 1:5

Mukonda dia kiki, kiene ki nga ku xila mu kikolo kia Keleta, phala u bheke mu uiukilu uê ima ioso ia kambe-ku hanji ku i bhanga. U tumbika adiakimi mu jingeleja joso ku mabhata-mabhata, uila ki nga ku tumu eme.