Ejidala 8:16 - O Mikanda Ikola

¹⁶ Nga tumikisa Eliiazale, Adiiele, Semaia, Elenatane, Jadibe, Elenatane, Natane, Zakadiia ni Mezulane, o asonguedi, eme nga te-ku dingi Nzuadibe ni Elenatane, athu a kexile ni kuijiia kuavulu.

Ejidala 8:16 ပူးပေါင်းရင်းမြစ်များ

I Jisobha 3:11

Ngana Nzambi anga u mu ambela, uixi: Mukonda eie ua bhingi kima kiki, kua bhingi muenhu ué kulaia izuua iavulu, kua bhingi jimbongo phala eie, kua bhingi o kalunga ka jinguma jé, maji ua bhingi o kutongoloka kua kutungula o kidi;

I Malunda 12:32

O ku ana a Isakale, aditungula mu uijidilu ua kuijiia kiambote o ithangana, phala kutongolola ioso Izalaiele iafuama kubhanga, hama jiiadi ja atumini-â, o jiphange jâ joso a kala mu kaiejela o kizuelu kiâ.

I Malunda 26:14

O hasa ia dibhitu dia mutundila-kumbi ia buila Selemiia; o monʼê Zakadiia, njimu ionéne, uejiia kiavulu, Sorte iê ia mu buila ku dibhitu dialeia ku Suku.

II Malunda 2:12

Anga Hilamu uamba dingi, uixi: A tane-ku! Jihova Nzambi ia Izalaiele! Ua bhaanga o diulu ni ixi; Muene ua bhana kua Davidi mona uejiia; njimu iònene, ua xitunuka kiavulu mu thulu, a tunge inzu phala Jihova ni inzu ia utuminu uê muene-muène.

Ejidala 10:21

Ku anʼa Hadimi: Mahaséia, ni Elija, ni Semaia, ni Jiiele ni Uziia.

Ejidala 10:39

Selamiia, Natane, Adaia,

Ejidala 8:13

Ku anʼa Adonikane, ene kiá a sukidila-ku mu ku bhixila, majina má eneʼiá; Elifelete, Jiiele ni Semaia, kokuê kua di te makuinhi asamanu a muthu.

Ejidala 8:15

Anga ngʼa bhongoluela bhu mbanduʼa ngiji iala mu ku kungulukila ku Ahava, anga tu ta kibangu bhenhobho, mu izuua itatu. Bhenhobho ngi tonginina mu Kifuxi ni mu jinganga, ki nga tale-mu, ku anʼa Levi, ní muthu umoxi ngó ki ngi mu monʼomo.

Ejidala 8:17

Anga ngʼa tumikisa kua Idu, muadiakime ua kexile mu Kazifiia, hé ngʼa longesa muene maka a fuama kutangela Idu phange iâ, ni akua mbèle mu-tembulu, jiphange já mu Kazifiia, kuila a tu bhekele akunji, phala inzu ia Nzambi ietu.

Ejidala 8:18

Anga a tu bhekela muene, kala kia tu zediuisa o lukuaku lua mbote lua Nzambi ku thandu dietu, muthu ua xitunuka mu thulu (uejiia kinéne), ua tokala ku anʼa Makidi, monʼa Levi, monʼa Izalaiele; muenʼiú jina diê Selabiia. Ni anʼê ni jiphange jê kumoxi, a tena kuinhi dia muthu ni nake;

Jisabhu 2:6

Kuma Jihova muene u bhana o unjimu; o mu kanu diê muene mu tunda o kuijiia, muene mu tunda o kilunji.

Jisabhu 20:5

O ixinganeku mu muẋima ua muthu, ia zonga kala menha; maji o muthu ua tetuluka-phe, iene ioso uia ni ku i tubhula ku kanga.

Jisabhu 28:2

O ixi, mukonda dia ikuma iâ, utuminu uê u vula jingana; maji kioso-phe ki uiza bhu maku ma muthu umoxi uadimuka, uala ni kilunji, utuminu uê u nangenena.

Daniiele 2:21

Muene u sondolola o jithembu ni ithangana; muene mukua kutulula o jisobha ku ungana mba u a tudika-ku; muene mukua kuila jinjimu u a bhana unjimu, akua kilunji u a bhana o kuijiia ni uhete.

II Timote 2:7

Xinganeka kioso ki nga mu zuela, mukonda Ngana uanda ku ku bhana kilunji mu ima ioso.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.