Ejidala 7:6 - O Mikanda Ikola

⁶ Ejidale muenhú anga u banda, ua tundu ku Babilónia. Muene anga u kala musoneki ua di longo kiavulu mu kitumu kia Mozé kia bhele Jihova, Nzambi ia Izalaiele. Muene-phe ue, mukonda dia lukuaku lua mbote, lua Jihova Nzambi iê, lua mu kexile ku thandu diê, sobha ua mu bhana ioso muene ia mu bhingile.

Ejidala 7:6 ပူးပေါင်းရင်းမြစ်များ

Dimatekenu 32:28

Uixi dingi: Dijina dié ki di kala dingi Jakobo, di kala kia Izalaiele; kuma ua bhânge ni Nzambi, ua bhânge ni athu, ene oso ua a lende.

Ejidala 5:5

Né kienhokio-phe, mesu ma Nzambi ma kexile ku thandu dia ikulakaji ia Juda, katé ki ki ẋikinine ku a fudisa ku bhanga kikalakalu, katé kia bhixila maka eneʼá kua Ndala, anga muene u vutula kizuelu mu mukanda ku ima ienhiʼii.

Ejidala 6:22

O fesa ia jimbolo jʼòsusu, anga a i bhanga mu sambuadi dia kizuua, ni kusanguluka, mbata Nzambi ua lungulula muẋima ua sobha ia Asídia iú ua u te ku mbandu iâ ene, phala ku a suinisa maku mu kikalakalu kia inzu ia Nzambi, muene Nzambi ia Izalaiele.

Ejidala 7:21

Eme-muene-muène, sobha Artaxexe, nga bhana ngonge ku alundi a jimbongo ja sobha, ene oso ala ku sámbua diodio dia honga ia Ufalate, kuila: Ioso i mi bhinga nganga Ejidala, musoneki ua kitumu kia Nzambi ia diulu, a ki bhange lusolo,

Ejidala 7:28

Iu ua ngi zalela o jihenda jê bhu pholo ia sobha ni ndongixi jê, ni bhu pholo ia ilamba ioso iala ni kutena ku mbanza ia sobha. Kienhiki-phe, ki kia ngi bhekela kúbhua uoma, kala kiá kia ngi tula o lukuaku lua mbote lua Jihova, Nzambi iami, ku thandu, eme nga bhongolola mua Izalaiele, amoxi-mu ku adiakimi phala kubanda nʼeme ni tuʼiii ku Jeluzaleme.

Ejidala 7:5

monʼa Abisuua, monʼa Fineia, monʼa Eleazale, monʼa Alá, nganga ia dikota, phangeʼa Mozé.

Ejidala 7:9

Mbata ku kizuua kia dianga kia mbeji ia dianga kiene muene kia katuka ni kubanda mu kutunda mu Babilónia; iu ua bhixila mu Jeluzaleme mu kizuua kia dianga kia mbeji ia katatu, kala kia mu xindi lukuaku lua mbote, lua Nzambi iê, lua mu kala ku thandu diê.

Ejidala 8:1

Iá-phe ene o mítue ia mabhata ma jitata, ni miji iâ, oso a bande nʼeme mu kutunda ku Babilónia, mu utuminu ua sobha Artaxexe.

Ejidala 8:18

Anga a tu bhekela muene, kala kia tu zediuisa o lukuaku lua mbote lua Nzambi ku thandu dietu, muthu ua xitunuka mu thulu (uejiia kinéne), ua tokala ku anʼa Makidi, monʼa Levi, monʼa Izalaiele; muenʼiú jina diê Selabiia. Ni anʼê ni jiphange jê kumoxi, a tena kuinhi dia muthu ni nake;

Ejidala 8:22

Mukonda sonhi ja ngi kuatele, ja ku bhinga kua sobha, kifuxi kia masoladi ni ilolo i tu bhângela ku jinguma mu njila, mbata sobha tua muambelele, tuexi: Lukuaku lua Nzambi ietu luala ku thandu dia ió oso a mu sota muene, phala ku a bhanga mbote; maji o nguzu iê ni njinda iê, i lungulukila ku thandu dia ió oso a mu xia.

Ejidala 8:31

Anga tu katuka bhu ngiji ia Ahava, mu kizuua kia kuinhi ni kiiadi ku mbeji ia dianga, phala kuia ku Jeluzaleme; o lukuaku lua mbote lua Nzambi ietu lua kexile ku thandu dietu, lua tu kudila ku lukuaku lua jinguma ni kua iá a kexile mu ku tuʼolekela mibhetu mu njila.

Nehemiia 12:26

Mu izuua ia Joiakime, monʼa Jesuua, dia monʼa Jozadake, mala iá ene a kexile-ku; ene ue a kexile-ku mu izuua ia Nehemiia, dia nguvulu, ni mu izuua ia nganga Ejidala, dia musoneki.

Nehemiia 12:36

ni jiphange jâ, à Semaia, ni Azalaiele, Milalaia, Jilalai, Mahai, Netanaiele, ni Juda, ni Hanani, ni ima ia kuxikila o mimbu ia Davidi, o muthu ua Nzambi; anga o musoneki Ejidala u tuamenena ku pholo iâ.

Nehemiia 2:12

Anga ngi balumuka mʼusuku, eme ni athu ofele nga kexi-nâ, kana muthu nga mu tetuila kia ngi bhake Nzambi iami ku muẋima ku ki bhanga mu Jeluzaleme; ki nga kexile ue ni kiama kioso-kioso, kiama kikale o kiama ngó, ku nga sambelele, kuabhu!

Nehemiia 2:18

Hé nga a jimbuila kiua kia ngi kuatekesele o lukuaku lua henda ia Nzambi iami, nga a tudila ue o maka moso ma sobha, ma ngi tangelele. Kuala ene: Ndokuenu, tu balumuke, phala tu tunge! Anga abhua uoma, hé a kolokotesa maku mâ mu kubhanga kiambote o kikalakalu.

Nehemiia 2:8

A ngi bhane ne mukanda ua Asafe, o kimbadi ua mu langa o míkáu ia sobha, phala a ngi bhane miẋi ia kuiudika na-iu o mabhitu ma dizemba dia sobha, ni kimbaka kia sanzala, ni ma inzo mu nga kà bokona. Sobha anga u ngi bhana-iu, kala kia ngi xindi o lukuaku lua mbote lua Nzambi lua ngi tudile ku thandu.

Nehemiia 4:15

Anga ki bhita-phe kuila, kia kijiia o jinguma jetu, kuma etu tua kijiia kiá, ni kuila ndunge jâ Nzambi ua ji muange, etu oso tu vutuka ku kimbaka, muthu bhu kibatu kiê.

Nehemiia 8:1

Kia bhixila o mbeji ia kasambuadi, kuila anʼa Izalaiele a kala kiá mu sanzala jâ, kifuxi kioso hé ki bhongolokela bhu muhenda, kala muthu umoxi ngó, bhua lulama ni Muelu ua Menha; anga ambela Ejidala, dia musoneki, exi: A bheke o divulu dia kitumu kia Mozé, Ngana kia tumine Izalaiele.

Nehemiia 8:13

Anga ki kuáki, kizuua kia kaiadi, o makota a jitata ja kifuxi kioso, ni jinganga, ni akua Leví, a bhongolokela musoneki, Ejidala, a ki bhangela mbé kudilonga o maka ma kitumu.

Nehemiia 8:4

Anga o Ejidala, dia musoneki, uimana ku thandu dia kitala kia miẋi, kia tungile-bhu; anga a mu imanena bhu mbandu iê, ku lukualu luê lua kúdia, kuala Matitiia, ni Sema, ni Anaia, ni Udiia, ni Hilikiia, ni Mahaseia; ku lukuaku luê lua kiasu, Pedaia, ni Mizaiele, ni Melekiia, ni Hasume, ni Haxibadana, Zakadiia, ni Mezulame.

Nehemiia 8:9

Anga Nehemiia (kuma muene ua kexile nguvulu) ni nganga Ejidala, dia musoneki, ni akua Leví, a kexi mu longa o kifuxi ni ku a lombolouela o maka, hé a tangela o kifuxi kioso, exi: Kiki kizuua kiòlumbile Ngana dia Nzambi ienu, ki mu luuale mba mu dila. Mukonda kifuxi kioso, mu kuívua maka ma kitumu, a kexe mu kudila.

Nehemiia 9:13

Anga u tuluka ku mulundu ua Sinai, hé u a zuelesa tunde ku diulu; anga u a bhana mabatuilu ma iuku, ni itumu ia kidi, ni matendelelu ni ijila iambote.

Jisálamu 109:27

Mbé a ki mone kuma lukuaku lué luene lua kalakala; nʼa kʼijiie kuma eie u Jihova ua ki bhange.

Jisálamu 147:19

Uidikiza o maka mê kua Jakobo, ni ijila ni jiphangu jê kua Izalaiele.

Jisálamu 45:1

Muẋima ua ngi fulujuka ni maka mambote; ngi ta mukumbi uami ua kutanga maka a tokala ni sobha; dimi diami mukuâ ni pena iakuata hete ia kusoneka.

Jisálamu 80:18

Phala, Ngana, ki tu ku xié ni tu vutuke kuema; tu laiese phala tu sambe dingi mu dijina dié.

Jisabhu 3:6

Mu suue muene ngó mu mauendelu mé moso, muene a iukise o njila jé joso.

Izaía 50:2

Mukonda diahi, kioso ki ngeza, ki ku moneka muthu? ngʼexana, ki bhuala muthu uetaia? mbé lukuaku luami lua kotanana kiavulu, lú lua lémbua kukula muthu? Inga momuami kana-mu dingi nguzu ia kubhulula? tala-ze, eme se ngi bazela lumoxi ngó, Musanza ua kalunga u kukuta, jingiji jithothuena kala oxi ia kisèkele, anga jimbiji jê ji nuha kibuzu, kuma se ja lémbua menha ji di-fuila ni dinhota.

Izaía 59:1

Tala-ze, lukuaku lua Jihova ki lua konana kuila lu lémbua kubhulula; dítui diê ue ki di xiluka, kuila u lémbua o kuívua.

Jelemiia 8:8

Muila kiebhi-phe: Etu tua dimuka, o ngonge ia Jihova tuala na-iu? Talesa-ze, o pena ia makutu ia asoneki iala ku tala ngó hadi mu ku kalakala.

Matesu 13:52

Kuala muène: Uila kiki, mesene ioso u longa o Kitumu, hé u di bhanga xibulu ia Utuminu ua Diulu, u difangana ni tata ua tambula konda ia dibhata, u katula mu dilundilu diê ima ióbhe ni iókulu.

Matesu 23:2

O jimesene ja Kitumu ni jifalizeu a xikama bhu kibhuna kia kulombolola o Kitumu kia Mozé.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

I Kolindo 1:20

Mu kienʼ iki, o njimu iú kuebhi? Mba uatongoloka uebhi? O ṗhoxi ja kuzuela mu ngongo mumu, a suku bhebhi? Nzambi uene mù kuidikiza kuila o unjimu ua mu ngongo mumu ua di bhange uoua!

I Kolindo 15:1

Kindalʼ iki-phe, enu jiphange, nga mesena mu lembalala o Njimbu Iambote i nga mi tudilile. O Njimbu ienʼ iii iene i mua tambulula enu, o kuxikana kuenu ku muala na-ku, muene mu kuemanena.

Matendelelu 28:1

Eie-phe se uaẋikina kuívua ni muanu uoso o dízui dia Jihova Nzambi ié, anga o jingonge jê joso ji ngala ku ku tendelela lelu, u ji ta muxima, anga u ji kumbidila muene, Jihova Nzambi ié ua-nda ku ku zangeleka, anga ifuẋi ioso mu ngongo i kala ndenge.

Matendelelu 4:5

Mua mono-ze kuila nga mi longesa o jingonge ni mabatuilu, kala kioso kia ngi lekelela Jihova Nzambi iami; kiene-phe kiá ki mu enda jinga ni kubhanga mu ixi i mua-nda kubhingana.