Ejidala 7:25 - O Mikanda Ikola

²⁵ Eie-phe kiá, Ejidala, mu kuijiia ku uala na-ku, kua Nzambi ié, kuala bhu lukuaku lué, u sola atumini ni afundixi, aia ni kufundisa athu oso ala ku sámbua diodio dia honga ia Ufalate, oso kiá ejiia itumu ia Nzambi ié-eie; o ió uoso ua kambe ku ijiia, mu muʼijidisa na-iu.

Ejidala 7:25 ပူးပေါင်းရင်းမြစ်များ

Dimatekenu 41:38

Falaó anga u ambela akua mbèle iê, uixi: Muthu tu mu sanga kuebhi, u soka ni muenhú, muthu a mu tunga kuala nzumbi ia Nzambi?

Dimatekenu 41:39

Kienhókio Falaó anga u ambela Zuze, uixi: O ki kiedi Nzambi ua ku idikiza ima ioso iii, kana-ku muthu uadimuka uala ni kilunji kala eie.

I Jisobha 3:28

Izalaiele ioso anga evua o kubatula kuku kua batula muenexi, anga a kala ni uoma ua muenexi; kuma a mu mono ni kuijiia kua Nzambi kuala naku, mu kutungula ni kubatula o kidi.

II Jisobha 17:27

Kienhokio o sobha ia Asídia iú ua tumu ku a tangela, uixi: Ambatenu-ku nganga imoxi, ku jiji ja tundu koko, nda muʼie mua kà tunge-nê koko; muene ende ni ku mi longa o kifua ni kikexilu kia Nzambi iaʼxi.

I Malunda 22:12

O Jihova-phe a ku bhane kiá ngoho o unjimu ua kuijiia ni kutongoloka, a ku longese bhu kaẋi ni Izalaiele, kioso ki ukala mu ku a tumina, mbé ubhake o kitumu kia Jihova, Nzambi ié.

I Malunda 23:4

Davidi anga uzuela, uixi: Kua iá ku tunda makuinhi aiadi a midi ia muthu ni midi jiuana, phala kubhanga jinga o kikalakalu kia inzo ia Jihova, ni midi jisamanu ja asoneki, o jifixiiadi ni afundixi.

Ejidala 10:4

Eie-phe balumuka, mukonda uenji iú éʼmuene ua ku tokala, etu tua-ndu kala nʼeie kumoxi. Suína-phe nda u bhange kienhiki.

Ejidala 6:6

Kala kiki-phe, eie Tatenai, nguvulu ia disámbua diodio dia Ufalate, ni Setabozenai ni akuá dingi, afuasakita, muala ku sámbua diodio dia ngiji, sondolokelenu dikanga.

Ejidala 7:10

Kuma Ejidala ua di iudikile muẋima uê, phala ku kuata kitumu kia Jihova ni ku kiʼaluka, mbé o ku longa jinga jingonge ni mabatuilu ma Nzambi iê, mua Izalaiele.

Ejidala 7:14

Mbata eie a ku tumu kuala sobha, ku mbandu iê-Muène, ni ku mbandu ia sambuadi diê dia nganji ja maka, phala kuia mu kuibhudisa kiambote ku mbandu ia Juda ni Jeluzaleme, kala kiambe o kitumu kia Nzambi ié, ki uala nakiu bhu lukuaku lué.

Nehemiia 9:3

Anga kizuua a ki uana mu mbandu jiuana. Ene ki a balumuka bhu kididi bhuemana, a tanga mu divulu dia kitumu kia Ngana Nzambi iâ mu mbandu ia kauana ia kizuua, mbandu ia kauana iamukuá anga a di fisala ni kutukulula o ituxi iâ, ni kubheza Ngana dia Nzambi iâ.

Jisálamu 19:7

Ngonge ia Jihova ia di uabhela, i bhekela muthu muenhu uobhe; umbangi ua Jihova ua kidi, u ijidisa atobho.

Jisabhu 2:6

Kuma Jihova muene u bhana o unjimu; o mu kanu diê muene mu tunda o kuijiia, muene mu tunda o kilunji.

Jisabhu 6:23

Kuma kitumu kandeia, o ngonge mukengeji; o kubazela kua ku ku iukisa, iene o njila ia muenhu.

Malakiia 2:7

Mbata o mizumbu ia jinganga iene i bhaka o unjimu, o ngonge ia kidi athu a i sotela mu kanu diê; mukonda o nganga muene o mukunji ua Jihova dia Ilombo Ieta.

Matesu 13:52

Kuala muène: Uila kiki, mesene ioso u longa o Kitumu, hé u di bhanga xibulu ia Utuminu ua Diulu, u difangana ni tata ua tambula konda ia dibhata, u katula mu dilundilu diê ima ióbhe ni iókulu.

Marku 6:34

Muene kia zubha kutomboka, u sanga kifuẋi kia dikota, anga u a kuatela henda, kuma edi kala jimbudi ja kambe mubidi. Anga u kuata ku a longa ima iavulu.

Matendelelu 16:18

Mu mabhata moso ma-nda ku ku bhana Jihova Nzambi ié, ku ibuka, ibuka, mu ta-mu afundixi ni jifixiiadi, ende ni kufundisa o mundu ni ubatuilu ua tetuluka.

Kolose 1:28

Muène Kristu tuala ku mu kola etu, ku athu oso. Tuedi ni kudimuna athu oso, ni ku a longa ni unjimu uoso, phala ki bhu kale muthu u kamba kutenena bhu pholo ia Kristu, kizuua ki tu mu bheka kua Nzambi.

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.