Ejidala 7:24 - O Mikanda Ikola

²⁴ Ni ue, tua mʼijidisa na-kiu, ku mbandu ia jinganga joso ni jilevita, ni akua kuimba, ni akua kujikula o mabhitu, ni akua mbèle oso kiá mu dibhata didi dia Nzambi, kuila, kana ku a bhinjika ni kufuta ima ia tokala, mba madijimu mʼokulu mba mibhaku.

Ejidala 7:24 ပူးပေါင်းရင်းမြစ်များ

Dimatekenu 47:22

Kale ngó o mavu a jinganga, mikáu iê ka i sumbu; kuma jinganga ja kexe mu tambula makànda mâ kua Falaó, anga aia ni kudia ku makànda mâ, ma a bhana jinga Falaó; kala kiki mikáu iâ ka i sumbisa.

Dimatekenu 47:26

Zuze muene ua xikisa o ngonge iii mʼoxi ia Ijitu, katé ni lelu ʼidi, kuma Falaó a mu bhane o mbandu ia katanu; mavu a jinganga ene ngó a xala, a kambe kubiluka a ngene a Falaó.

Ejidala 4:13

Kala kiki-phe, ijiia na-kiu dingi lua mukuá, eie sobha, kuila se o mbonge ioio a i tunga dingi muene lua mukuá, o imbaka iê ioso hé i vutuka bhu kididi kiê kia ukulu, ima ia tokala ku futa, ene ka-nda ku i futa dingi, ni madijimu ni mibhaku; mu ku bhanga kiki, a-nda ku tununa jimbongo ja jisobha.

Ejidala 4:20

Mʼukulu ue kua kexile jisobha ja nguzu mu Jeluzaleme, o ku sámbua diodio dia ngiji a tumina jinga mu ididi ioso anga aia muene ni ku a bhana ima ia tokala kufuta, ni madijimu, ni mibhaku.

Ejidala 7:7

Mu muvu ua kasambuadi, ua sobha Artaxexe, amoxi-mu ku anʼa Izalaiele, a banda mu Jeluzaleme, ni anʼa jinganga, ni a jilevita, ni a jingimbidi, ni anʼa ajikuidi a mabhitu, ni a akua mbèle mu tembulu.

Nehemiia 5:4

Bhu kala ue ni iá amba jinga, exi: Etu ni kufuta ngó o lubhaku lua sobha, tua sobho kitadi kia ngene, bhu kididi kiê etu tua ximbika o jixi jetu ni mivide ietu.

Matesu 9:9

Kutunda bhobho, mu kubhita, Jezú u mona muthu a mu ixana Matesu, ua xikama bhu kididi kia kutambuila lubhaku. Anga u mu ambela, uixi: Ngi kaiele.