Ejidala 7:21 - O Mikanda Ikola

²¹ Eme-muene-muène, sobha Artaxexe, nga bhana ngonge ku alundi a jimbongo ja sobha, ene oso ala ku sámbua diodio dia honga ia Ufalate, kuila: Ioso i mi bhinga nganga Ejidala, musoneki ua kitumu kia Nzambi ia diulu, a ki bhange lusolo,

Ejidala 7:21 ပူးပေါင်းရင်းမြစ်များ

Ejidala 4:16

Etu-phe tua ku tangela-kiu muene ni kulomboloka kuoso, eie sobha, kuila: O mbonge ioio, se a i tunga dingi lua mukuá, o imbaka iê hé i vutuka dingi bhu kididi kiê bhu ia kexile, eie-phe, ku mbandu ia sámbua didi, dia kunu, dia ngiji ia Ufalate, kua-nda ku kala-ku dingi ni dikanda dié. Mahezu.

Ejidala 4:20

Mʼukulu ue kua kexile jisobha ja nguzu mu Jeluzaleme, o ku sámbua diodio dia ngiji a tumina jinga mu ididi ioso anga aia muene ni ku a bhana ima ia tokala kufuta, ni madijimu, ni mibhaku.

Ejidala 6:6

Kala kiki-phe, eie Tatenai, nguvulu ia disámbua diodio dia Ufalate, ni Setabozenai ni akuá dingi, afuasakita, muala ku sámbua diodio dia ngiji, sondolokelenu dikanga.

Ejidala 7:1

Kia zubha kubhita ima iii, mu utuminu ua Artaxexe, sobha ia Pélesa, Ejidala monʼa Selaia, monʼa Azadiia, monʼa Ilikiia,

Ejidala 7:22

katé ki ki tena kusoka hama ia talendu ja phalata, katé hama ia jikolo ja tiliku, katé hama ia jibatu ja vinhu, katé hama ia jibatu ja maji; o môngua uoso kiá ua mu solo o muẋima.

Ejidala 7:6

Ejidale muenhú anga u banda, ua tundu ku Babilónia. Muene anga u kala musoneki ua di longo kiavulu mu kitumu kia Mozé kia bhele Jihova, Nzambi ia Izalaiele. Muene-phe ue, mukonda dia lukuaku lua mbote, lua Jihova Nzambi iê, lua mu kexile ku thandu diê, sobha ua mu bhana ioso muene ia mu bhingile.

Ejidala 8:36

Ngonge ia Sobha-phe anga a i bhana ku anʼa jinganga ni jinguvulu ja sámbua dia Ufalate, ene anga a kuatekesa kifuxi ni inzu ia Nzambi.

Nehemiia 2:7

Ngi tangela dingi sobha, ngixi: Sobha, se kia ku uabhela, a ngi bhane mikanda ia jinguvulu ku sámbua dia ngiji, sembele a ngʼehele kuzáuka, katé ki ngi bhixila mu Juda.

Jisálamu 119:4

Eie ua tu bhana o phangu ni ndongo phala tu kuate muanu mu ku i aiuka.

Daniiele 6:26

Eme nga bhana ngonge, kuila, oso a tokala mu jixi ja usobha uami, ende ni kuteketa ni kuxila o Nzambi ia Daniiele; mbata muene o Nzambi ia muenhu u xialelà-ku, o utuminu uê kene ku u jima, o ungana uê ua kalʼê katé ku dizubhilu.