Ejidala 7:16 - O Mikanda Ikola

¹⁶ Kumoxi ni phalata ioso kiá ni ulu uoso u u sanga mu Sengu ioso ia Babilónia, ni maujitu oso a bhana ku vondadi kuala o Kifuxi ni jinganga oso a bhana ue mu vondadi iâ, maujitu phala inzu ia Nzambi iala mu Jeluzaleme.

Ejidala 7:16 ပူးပေါင်းရင်းမြစ်များ

I Malunda 29:17

Eme nga kʼ ijiia muene kiambote, Nzambi iami, kuma Eie uene mù lola o mixima, o kia ku uabhela o kidi. Eme ue mu kidi kia muẋima uami, nga ku bhana ni vondadi, o ima ioso iíi. O kiki-phe, nga mono ni kusanguluka kuoso kuila o mundu ué ala bhabha, a ku bhana uâ ni vondadi ioso.

I Malunda 29:6

Bhenhobho-phe, o makota ma jitata, ni ilamba ia miji ia Izalaiele ni jikabhitangu ja jimidi ni ja jihama, katé ni jikabhitangu ja kikalakalu kia sobha, a bhana mukungu mu vondadi iâ.

I Malunda 29:9

O mundu anga a sanguluka ni ima ia bhana mu vondadi iâ, mukonda a i bhana ni vondadi ioso kua Jihova, ni muẋima ua tenena. O sobha Davidi ue kia mu bhekela kusanguluka kuavulu.

II Malunda 31:14

O Kola, monʼa Jimina, o levita, mulangiʼa-bhitu ku mbandu ia mutundila-kumbi, muene a mu bhele o kutambula konda ia maujitu ma ku di fikixila, ma Nzambi, mbé o kuenda ni kuuana o maujitu ma Jihova ni ima i kôla kinéne.

II Malunda 6:2

Maji eme-phe nga ku tungila inzu, mua ku kala, ni kididi ki nangenena phala dibhata diê.

II Malunda 6:5

Tundé mu kizuua ki nga katula mundu uami mu ixi ia Ijitu, ki ngi solo mbonge iengi mu miji ioso ia Izalaiele, phala kutunga-mu inzu mua fuama kukala o dijina diami; ki ngi solo ue muthu uoso-uoso phala nʼa kale mutumini ua mundu uami ua Izalaiele.

II Malunda 6:6

Maji Jeluzaleme muene nga mu solo, mbé o dijina diami di kale mueneʼomo; eme nga solo ue Davidi, phale a kale mu kutumina o kifuẋi kiami kia Izalaiele.

Ejidala 1:4

Uoso kiá ua subhuka mu ididi ia inhunginu iê, mua tungu anʼa Izalaiele, athu aia-nê bhu kididi kienhókio a mu kuatekesa ni phalata ni ulu ni jimbongo joso ja tokala, ni ibhaku; o maujitu a tunda ku muẋima phala inzu ia Jihova, iala mu Jeluzaleme, ió a di kexidila.

Ejidala 1:6

Ene oso a tungile mu jimbandu, a a kuatekesa ni imbamba ia phalata, ni ulu, ni jimbongo, ni ibhaku ni ima dingi ia te muene kiavulu; ima ia mukuá ia bhana ene ku vondadi iâ, ioio ki iala-mu.

Jisálamu 135:21

Jihova a tane-ku, tunde mu Ziione, kuma muene ua tunga mu Jeluzaleme. Haleluia!

II Kolindo 8:12

Kuma se sai muthu uandala kubhana, Nzambi u xikina o ujitu, kala muthu kioso ki ala na-kiu.

II Kolindo 9:7

Kala muthu a bhane uila kia mu kala mu muẋima uê, ka bhane ni kuluuala, mba mu ku mu bhinjika. Mbata Nzambi ua zola mukua kubhana ni ngalasa ioso.