Ejidala 7:13 - O Mikanda Ikola

¹³ Kia tundu kokuami, o ngonge ia kuila, o ió uoso ua tokala ku Kifuxi kia Izalaiele, ni ku jinganga jê, ni ku jilevita, nʼandala kuia ni eie ku Jeluzaleme, aié.

Ejidala 7:13 ပူးပေါင်းရင်းမြစ်များ

II Malunda 30:5

Anga a ki bhela ngonge kuila a ki boke muene mu Izalaiele ioso tundé bhu Beleseba katé ku Dane, kuila eze mu Jeluzaleme mu kuimununa o Phasu ia Jihova, Nzambi ia Izalaiele; mukonda a vulu muene ka imunuine kala kioso kia i soneka

Ejidala 1:3

Uoso kiá momuenu, ua zuama kua muene mu mundu uê uoso, iú uala ni Nzambi iê a bande ku Jeluzaleme, mbonge iala mua Juda, a tunge inzu ia Jihova, Nzambi ia Izalaiele, kuma muene, Nzambi, ua tunga mu Jeluzaleme.

Ejidala 5:13

Maji-phe ku muvu ua dianga ua Silu, sobha ia Babilónia, sobha Silu muenʼió muene ua bhele ngonge phala kutunga inzu ienʼiii.

Ejidala 6:1

Bhenhobho sobha Ndala ua bhana ngonge, anga a sota mu mabhakelu ma muenexi ua Babilónia, muoso mua bhaka jinga mikanda iòkulu ni umvuama ua jisobha ja Babilónia.

Estere 3:15

Jiphunga ja koleiu anga ji suluka ni lusoilo mu kumbidila kitumu kia muenexi, o ngonge ienʼiii ia tundu mu mbonge ia Suzana kuma iene o mbonge ia dibhata dia muenexi: Ni Muenexi ni Hamane anga a xikama mu kúnua; maji o mundu-phe mu nzunga ia Suzana a tandanganha ni hundu ienhiʼii.

Estere 9:14

Muenexi anga u tuma ku ki bhanga; a ki xikisa ngonge mu Suzana; o kuinhi dia mona a Hamane anga a a nhenga.

Jisálamu 110:3

Makuenze mé ma kà di bheka muene mu vondadi iâ, bhu kizuua ki u katula o kilômbo; ni kukemba kuazele, anʼé a kà tomboloka kala dimume dia lelu mu kimene.

Jisálamu 148:6

Iene ioso ua i te mu ididi iê, katé ku mbambe tulʼé! Anga i kalalà-ku muene katé ku hádia ni hádia, ua a xindila ijila, ka tena ku i somboka.

Daniiele 6:26

Eme nga bhana ngonge, kuila, oso a tokala mu jixi ja usobha uami, ende ni kuteketa ni kuxila o Nzambi ia Daniiele; mbata muene o Nzambi ia muenhu u xialelà-ku, o utuminu uê kene ku u jima, o ungana uê ua kalʼê katé ku dizubhilu.

Filipe 2:13

Kuma Nzambi muène u kalakala moxi dienu, mu ku mi solesa ni ku mi bhangesa kutumaka kioso kia mu kala mu vondadi iê iambote.

Dijingunuinu 22:17

Ni Nzumbi ni Dibhanga, edi: Izá! Uoso ue uívua imʼíii, ele: Izá! Uoso dinhota dia mu kuata, eze. Uoso uandala, a tambule o menha ma muenhu mu ngoho.