Ejidala 6:22 - O Mikanda Ikola

²² O fesa ia jimbolo jʼòsusu, anga a i bhanga mu sambuadi dia kizuua, ni kusanguluka, mbata Nzambi ua lungulula muẋima ua sobha ia Asídia iú ua u te ku mbandu iâ ene, phala ku a suinisa maku mu kikalakalu kia inzu ia Nzambi, muene Nzambi ia Izalaiele.

Ejidala 6:22 ပူးပေါင်းရင်းမြစ်များ

II Jisobha 23:29

Mu izuua ia Joziia, kiene kia bande Falaó dia Neku, sobha ia Ijitu, mu kúlua ni sobha ia Asídia, mu honga ia Ufalate; o sobha Joziia kioso kia tundila Neku mu kúlua-nê bhu Mejido, bhenhobho bhene bhua mu jibhila kuala Neku, kioso ngoho kia di-mon-nê.

II Malunda 23:18

O ima ia tokala kubhanga, mʼonzo ia Jihova, Joiada ua i te mu ididi iê, bhoxi dia lukuaku lua jinganga, o jilevita, a a solele kuala Davidi phala ukunji ua inzu ia Jihova, nʼende ni ku bhana o maujitu ma kubhakula ni túbhia kua Jihova, ni kusanguluka ni kuimba, kala kia ki soneka mu kitumu kia Mozé kala kia ki longo ue Davidi.

II Malunda 29:30

Bheneʼobho sobha Ezekiia, kumoxi ni makota, ambela o jilevita kuila Jihova a mu ximane ni izuelu ia Davidi ni Asafo, o muzambuidi. Anga a mu ximana muene ni kusanguluka kuoso, a bhetama, a mu bheza.

II Malunda 30:21

Anʼa Izalaiele a kexile mu Jeluzaleme, anga emununa o kizokola kia jimbolo ja ususu mu sambuadi dia kizuua ni kusanguluka kua dikota; o jilevita ni jinganga aia ni kuximana Jihova kizuua ni kizuua, ni ima ia kuxikila o mimbu ni dízui dia suína kua Jihova.

II Malunda 33:11

Ki kia bhangesa Jihova kutulula ku thandu diâ o ilamba ia kifuxi kia sobha ia Asídia; ene anga Manasa a mu kuatela mu minha, hé a mu kuta ni malubhambu anga a mu ambata aia-nê ku Babilónia.

II Malunda 35:17

O anʼa Izalaiele a kexile bheneʼobho, anga emununa o Phasu, mu thembu ieneʼoio, ni kizokola kia jimbolo jʼòsusu, mu sambuadi dia izuua.

Ejidala 1:1

Mu muvu ua dianga ua Silu, sobha ia Pélesa phala kizuelu kia Jihova ki tenene kia tange ku dikanu dia Jele miia, Jihova ua tonesa nzumbi ia Silu, sobha ia Pélesa, muene iú ua xikisa ngonge mu ixi ioso ia utuminu uê, ni ku ki soneka mu mikanda, kuila:

Ejidala 6:1

Bhenhobho sobha Ndala ua bhana ngonge, anga a sota mu mabhakelu ma muenexi ua Babilónia, muoso mua bhaka jinga mikanda iòkulu ni umvuama ua jisobha ja Babilónia.

Ejidala 7:27

Jihova, Nzambi ia jitata jetu a tane-ku! Ua lungulula muẋima ua sobha kala kiki! Phala ku kembesa inzu ia Jihova, ia kala mu Jeluzaleme;

Nehemiia 13:6

Kia bhiti-phe ima ioso iii, eme mu Jeluzaleme ki ngʼala-mu; mukonda ku muvu ua makuinhʼatatu nʼiiadi ua Artaxerxe, sobha ia Babilonia, eme ngendele kua sobha muene mu di kunda-nê; o kia bhiti-phe tuizuua, sobha ua ngeha-ke, eme nga vutuka dingi mu Jeluzaleme.

Jisabhu 16:7

Mauendelu ma mathu se ma uabhela Jihova, muene-phe u mu bhangesa kuila katé ni jinguma jê, atunganê ku paze.

Jisabhu 21:1

Muẋima ua sobha, bhu lukuaku lua Jihova, mukuâ ni milombo ia menha; kuoso kua solo muene, kuene kua u lungisa.

Izekiiele 23:23

Ene ana a akua Babilonha, ni akua Kaldeia oso, a tokala mu Pekode, ni mu Soua, ni mu Koua, ni ana oso a Asídia ejila-nâ kumoxi, o minzangala i bheka luimbi, o ilamba ni atumini oso, ni tubhitango ni athu a fuma, ene oso a sambela ku tubalu.

Matesu 26:17

Mu kizuua kia dianga kia Fesa ia Jimbolo ji Kamba Kithûthume, jixibulu jiza kua Jezú, exi: Tu ku iudikila kuebhi, Ngana, ku ua mesena kudila o Phasu?

Nzuá 19:11

Jezú, uixi: Eie kueju kala ni kutena kua ku ngi bhanga kima, se a kambele ku ku bana-ku kuala Nzambi ku diulu. Kienhiki, uoso ua ngi bhakula ko kué, muè uala ni kituxi kia dikota.