Ejidala 6:20 - O Mikanda Ikola

²⁰ mbata ni jinganga ni jilevita a di zelesele kumoxi kala muthu umoxi ngó, ene oso anga a zela muene. Hé a jibha Kambudi ka Phasu phala ene oso a tundu mu ubhika, ni jiphange jâ, o jinganga, ni enemuène.

Ejidala 6:20 ပူးပေါင်းရင်းမြစ်များ

II Malunda 29:34

O jinganga-phe a kexile òfele muene kiavulu; o ku katula ibha ku jisata joso, kia a bhonzele; kí kia bhingile o kua a kuatekesa kuala o jiphange jâ, o jilevita, katé kiabhu o kikalakalu, kifua katé kioso kia di zelesa dingi o jinganga ja mukuá; mukonda o jilevita a betele o kuiuka muẋima mu ku di zelesa o jinganga, ndenge.

II Malunda 35:11

Anga a jibhila kiá o Phasu; o jinganga a kuala o kusangela o manhinga oso a kexile mu kutambula bhu maku ma jilevita, a kexile mu kuenda ni kutàla o ibhaku.

II Malunda 35:14

Anga a iudika kiua ioso ia tokalele ene ni jinganga; mukonda o jinganga, anʼa Alá, a landukile ni kubhakula jisata ja kubhakula ni túbhia kua Jihova ni maji a ibhaku, katé mu usuku. Kiene kia bhekesa kuila o jilevita a iudika phala ene ni jinganga, o anʼa Alá.

II Malunda 35:15

O jingimbidi anʼa Azafe, a kexile bhu ididi iâ, kala kia tumu o ngonge ia Davidi, ni ia Azafe, ni ia Hemane ni ia Jeditunu, o muzambuidi ua sobha, akua mabhitu ue kiòmuene, dibhitu ni dibhitu, ki ku bhingile muthu kusondoloka ku ukunji ue, mukonda o phange jâ, o jilevita, a kexile kiá mu ku a iudikila ioso ia bhingi phala ene.

Makatukilu 12:21

Bhenhobho Mozé u tuma kuixana adiakimi oso a Izalaiele, u a ambela, uixi: Solenu kiá jimbudi, kioso ki mua di sokesa ku mabhata, kala dibhata ni mbudi iê, mu jibhe o Phasu.

Jihebeleu 7:27

Ka sokela ni jinganga ja makotʼojo. Ka bhingi kubhakula jisata izuua ioso, mu kusatela o ituxi iê-muène, ni ituxi ia mundu. Muène ua ki bhange ngó lumoxi, kuabhu, kia bhekele o sata ia mukutu uê muène.