Ejidala 6:16 - O Mikanda Ikola

¹⁶ O Anʼa Izalaiele, ni jinganga, ni jilevita ni amukuá dingi a tundu mu ubhika, anga a lumba inzu iii ia Nzambi ni kusanguluka kuoso.

Ejidala 6:16 ပူးပေါင်းရင်းမြစ်များ

I Jisobha 8:62

Bhenhobho sobha ni Izalaiele ioso a bhakula jisata ja kuluulula bhu pholo ia Ngana.

I Jisobha 8:63

Solomá ioso ia satela Ngana anga u i bhakula mu sata ia kutululuka, makuinhiʼaiadi a midi ni midid jiiadi ja ngombe ni hamʼa midi ni makuihʼaiadi a midi ia mbudi; kienhiki sobha ni ana oso a Izalaiele kia lumbila o inzo ia Jihova.

I Malunda 15:28

Kienhiki Izalaiele ioso anga a bandesa o álaka ia kikutu kia Jihova, ni kusanguluka kuoso, ni dízui dia jikoloneta, ni kuxika jimbungu ni jingoma ni isàka, mázui a mingeia ni tukoxi.

I Malunda 9:2

O akua Izalaiele ni jinganga ni akua Levi, ni aẋangi a jihuinhi ni ateki a menha, ene a dianga o kutunga mu ixi iâ ni mabhata mâ.

II Malunda 29:30

Bheneʼobho sobha Ezekiia, kumoxi ni makota, ambela o jilevita kuila Jihova a mu ximane ni izuelu ia Davidi ni Asafo, o muzambuidi. Anga a mu ximana muene ni kusanguluka kuoso, a bhetama, a mu bheza.

II Malunda 30:23

O kia di longesa o kionge kioso mudiâ kubhanga dingi sambuadi dia mukuá dia izuua, emununa dingi muene, ni kusanguluka kuoso, sambuadi dia mukuá dia izuua.

II Malunda 30:26

Mu Jeluzaleme anga mu kala kusanguluka kua vulu; kuma tundé mu izuua ia Solomá, monʼa Davidi, sobha ia Izalaiele, kima kala kiki kiluua a ki mona mu Jeluzaleme.

II Malunda 7:5

O Sobha Solomá anga u bhakula makuinhi aiadi ni kiiadi a midi ia sata ja jingombe, ni hama ni makuinhi aiadi a midi ia jimbudi; anga sobha ni kituxi kioso a lumba kienʼiki o inzu ia Nzambi.

Ejidala 4:1

Kioso jinguma ja Juda ni Bejamí kievu kuila a tundu ku ubhika ia a tunga Tembulu ia Jihova, Nzambi ia Izalaiele,

Ejidala 6:22

O fesa ia jimbolo jʼòsusu, anga a i bhanga mu sambuadi dia kizuua, ni kusanguluka, mbata Nzambi ua lungulula muẋima ua sobha ia Asídia iú ua u te ku mbandu iâ ene, phala ku a suinisa maku mu kikalakalu kia inzu ia Nzambi, muene Nzambi ia Izalaiele.

Nehemiia 12:27

O mu kulumbila imbaka anga a sota akua Levi a kexile mu ididi ioso, nda eze-nâ mu kulumbila o imbaka ni kusanguluka, ni kuximana, ni kuimba, ni kuxika tungoma, ni tukoxi, ni jimbánza.

Nehemiia 12:43

Mu kizuuʼokio anga a bhakula jisata ja makota, hé a kala ni kusanguluka; mukonda Nzambi ua a sangulukisile ni kusanguluka kua ndumba; katé ni ahatu ni anandenge a sanguluka, kia bhangesa kuila o kusanguluka kua Jeluzaleme a kuívua katé ni ku makanga.

Nehemiia 7:73

Anga o jinganga, ni akua Levi, ni alangidi a mielu, ni jingimba ni amoximu ku kifuxi, ni ateki a menha ni aẋangi a jihuinhi, ni Izalaiele ioso, hé a tunga mu sanzala jâ.

Nehemiia 8:10

Nehemiia u a tangela dingi, uixi: Ndenu, mua kà die ima ia nete, ni kúnua ima ia touala, anga akuenu a kambe kuiudika kima mua kà a tumikise ue kia kúdia: mbata kizuua kiki kia dikota kiolumbile kua Ngana ietu; uila kiki, ki mu disuuate, mukonda o kusanguluka kua Ngana, iene o nguzu ienu.

Jisálamu 122:1

Nga sanguluka kioso kia ngʼambela, exi: Tu bandienu ku onzo ia Jihova.

Daniiele 5:13

Anga a bokuesa-phe Daniiele bhu pholo ia muenexi. Muenexi anga u zuelesa Daniiele, uixi: Eʼmuene Daniiele iuná ua tokala ni anʼa kikuka kia tundile ku Juda, ejiie ni muenexi dia tatʼetu, ua a kukile ku Judeia?

Nzuá 10:22

Mu Jeluzaleme anga mu bhita Fesa ia Kuzelesa mu tembulu, bhu thembu ia kixibhu.

Matendelelu 12:7

Ima ienu ikôla bhene bhu mu i dila, bhu pholo ia Jihova Nzambi ienu, anga mu sanguluka mu ima ioso i mu tula o lukuaku luenu, nʼenu ni mabhata menu, mu ima ioso iejila mu dibesá dia Jihova Nzambi ienu.

Filipe 4:4

Enu-phe, sanguluka jingʼ enu mua Ngana. Ngi tona o ku ki zuela: Sangulukenu!