Ejidala 6:15 - O Mikanda Ikola

¹⁵ Inzu iii anga ibhua ku i tunga mu kizuua kia katatu kia mbeji ia Adale, ku muvu ua kasamanu ua utuminu ua sobha Ndala.

Ejidala 6:15 ပူးပေါင်းရင်းမြစ်များ

I Jisobha 8:63

Solomá ioso ia satela Ngana anga u i bhakula mu sata ia kutululuka, makuinhiʼaiadi a midi ni midid jiiadi ja ngombe ni hamʼa midi ni makuihʼaiadi a midi ia mbudi; kienhiki sobha ni ana oso a Izalaiele kia lumbila o inzo ia Jihova.

Ejidala 4:24

Kikalakalu kia inzu ia Jihova ia kexile mu Jeluzaleme anga kʼimana; hé ki nakina muene katé mu muvu ua kaiadi ua utuminu ua Ndala, sobha ia Pélesa.

Ejidala 5:16

Bhenhobho-phe, Sebazale muenʼió ueza, iu ua te o madisesa ma inzu ia Nzambi, iala mu Jeluzaleme; tundé kiá kienhókio, katé ni mu leluʼmu, iene-phe hanji ia mu tungʼii, kiluua ibhua.

Ejidala 9:9

Mukonda etu tu abhika, maji mu ubhika uetu, eie u Nzambi ietu, ku tu ehelela; inda ua zale jihenda jé ku thandu dietu, etu tua bongo kiadi bhu pholo ia jisobha ja Pélesa, mbé o ku tu bhana dingi muenhu phala kubalumuna dingi o inzu ia Nzambi ietu ni kutunga dingi jingùndu jê, mbé a tu bhane kimbaka kia ku kondamena.

Estere 3:13

Mikanda ienhiʼii anga a i sulula ni jiphanga ja koleiu katé mujisengu joso ja muenexi, exi: Mu seia, hé mu sengulula; mu buidisa jijudé joso, a kale minzangala, a kale adiakimi, a kale anʼauisu, a kale ahatu, kizuua kimoxi kia kuinhi ni kitatu, bhu mbeje ia kaiadi ku dikuinhi, iene mbeje ia Adale, o jinbongo jâ joso mu a bhûnda-ju.

Estere 3:7

Bhu mbeje ia kamoxi, iene mbeje ia Nisane, ku muvu ua kuinhi ni kaiadi ua Asuuelu kukala ku ungana, a kuata kuta Pudi, kifua kuta josorte bhu pholo ia Hamane izuua ioso, kuiza kizuua kiene, kuiza mbeje kiene, katé bhu mbeje ia kuinhi ni kaiadi iene mbeje ia Adale.

Estere 8:12

mu kizuua kiene kimoxi mu jisengu joso ja muenexi Asuuelu, o kizuua kia kuinhi ni kitatu, bhu mbeje ia kaiadi ku dikuinhi, iene o mbeje ia Adale.

Estere 9:1

Kutula bhu mbeje ia kaiadi ku dikuinhi, iene mbeje ia Adale, kizuua kiê kia kuinhi ni kitatu, kuzukama ku thembu ia zuela muenexi, ia tokala kukumbidila o ngonge iê ia xikisa, kizuua kienʼokio, jinguma ja jijudé a fikile kuma a-nda ku a tolola, manhi-phe ene-ku a-nda kukakuka, mukonda jijudé ene a-nda kutolola oso a a zembe.

Estere 9:15

Jijudé a tungu mu Suzana anga a di bhongolola dingi mu kizuua kia kuinhi ni kiuana, bhu mbeje ia Adale, anga a jibha dingi hama jitatu ja mala mu Suzana; maji jimbongo jâphe ka ji bhûndu, kana.

Estere 9:17

Kienhiki à ki bhanga mu kizuua kia kuinhi ni kitatu, bhu mbeje ia Adale; mu kizuua kia kuinhi ni kiuana anga a zumbuka, kizuua kiókio anga a ki bhanga ki kala kizuua kia kubhanga fesa ni kusanguluka.

Estere 9:19

Kiene kia bhangesa kuila o jijudé ku matutu, ku jisanzala ja kambe imbaka, mu kizuua kia kuinhi ni kiuana bhu mbeje ia Adale, kiene o kizuua kiâ kia kubhanga fesa ni kusanguluka, kizuua kiambote kia ku di tumikisa mákudia a subhuka ku fesa ni ku di tumikisa maujitu mudiâ.

Estere 9:21

phala ku a tendelela kuila kizuua kia kuinhi ni kiuana, bhu mbeje ia Adale, ni kizuua kiê kia kuinhi ni kitanu, a i kuate jinge mivu ioso,

Zakadiia 1:1

Bhu mbeji ia kanake, ku muvu ua kaiadi ua sobha Ndala, kizuelu kia Jihova kieza kua plofeta Zakadiia, monʼa Balakiia, monʼa Idu, kuila:

Zakadiia 1:16

Kala kiki, Jihova uambe, uixi: Jeluzaleme nga mu lungulukila dingi ni jihenda; o inzu iami a kà i tunga dingi muenhomo, o kuthandu dia Jeluzaleme à ka zeleka-ku kamukolo, kiene kia tange Jihova dia Ilombo Ieta.

Zakadiia 4:9

O maku a Zolobabele ene a te disesa dia inzu iii, makuʼê ene ue a-nda ku i zubhidisa, phala enu mu kʼijiie kuila Jihova dia Ilombo Ieta muêne-muene ua ngi tumu kokuenu.