Ejidala 6:11 - O Mikanda Ikola

¹¹ Nga bhana dingi ngonge iamukuá iii, kuila: Uoso u lungulula o ngonge iii a fuomona muxi kʼonzo iê, anga a uʼimika ni a mu nhengeneka kuenhoko, o inzu iê ia kà kituka dixita.

Ejidala 6:11 ပူးပေါင်းရင်းမြစ်များ

II Jisobha 10:27

O kiteka kiene kia Bale ue a ki bulu, o inzu iê hé a i lundumuna anga a i kitula inzu ia dixidisilu katé mu kizuua kia lelu.

II Jisobha 9:37

O kimbi kia Jezabele kia kà kala mukuâ ni ditobe ku thandu dia mavu mu kiẋimbu kia mukáu ua Jizeleiele; kia kà bhonza ku muʼila, exi: Iú muene Jezabele.

Ejidala 7:26

Uoso-uoso u kamba kualuka kitumu kia Nzambi ié-eie, ni kitumu kia sobha, ua fuama ku mu jibha, mba ku mu tumikisa oxi ia dikanga ni ku mu balakala, mba ku mu tambula jimbongo joso jala na-ju, mba ku mu ta mʼonzo ia dikuikilu (mu kaleia). Mahezu.

Estere 5:4

Kuala Estere: Se kia ku uabhela ngana, u muenexi, lelu izé hanji ni Hamane ku fesa i nga ku bhangela.

Estere 7:10

Kienhiki anga a nhenga Hamane ku mukambu ua iudika muene phala kunhenga Moledekai. O kia zubha ku ki bhanga, njinda ia muenexi ia sosoloka kiua.

Daniiele 2:5

Sobha u kumbulula akua Kaldeia, uixi: Nzoji ia ngi lenge (ia ngi jimbi); enu-phe se mu kamba ku ngi lembalesaiu, anga mu i tanga dijimbuluilu diê, nga-nda ku mi sasujula, o mabhata menu ngi ma bhanga maxita.

Daniiele 3:29

Eme-phe ngi xikisa kiá ngonge, kuila, ku miji ioso-lolo, ni ifuẋi ni madimi, uoso u ẋongùena Nzambi ia Sadalake, ni Mizake, ni Abede-neko, a mu batujule ku iẋimbu-iẋimbu, o diembu diê a di bhange dixita dia uthôkua; mbata kana-ku Nzambi iengi u tena kukudila kala Iú.