Ejidala 6:10 - O Mikanda Ikola

¹⁰ Phala a bhakule jisata ja dizumba dia mbote kua Nzambi ia diulu, nda a sambele ue muenhu ua sobha ni ua tuana tuê.

Ejidala 6:10 ပူးပေါင်းရင်းမြစ်များ

Dimatekenu 8:21

Ngana anga uívua dizumba diambote; Ngana anga uamba ku muxima uê, uixi: Ki ngi tona dingi, ixi ku i ta mázui mukonda dia muthu, kuma ilunji ioso ia ixinganeku ia muthu, iaiibha tunde mu undenge uê; ki ngi tena dingi ue o kubuikisa mienhu ioso, kala ki nga bhangʼiki.

Ejidala 1:2

Silu, sobha ia Pélesa, uambe kiki: Jihova, Nzambi ia maúlu ua ngi bhana maútuminu moso mu ngongo, iú ua ngi tumu ku mu tungila inzu mu Jeluzaleme, mbonge iala mua Juda.

Ejidala 6:9

Ki mu kambe ue ku a bhana ioso ia bhindamena ku kizuua ni kizuua: Tungombe ni tumbudi tua ndumbe ni ilumbe, phala o jisata kua Nzambi ia diulu; ni tidiku, ni môngua, ni vinhu, ni maji, ima ioso kiá i bhindamena jinganga jala mu Jeluzaleme.

Ejidala 7:23

Ima ioso kiá i a tendelela, kala kia tumu Nzambi ia diulu, a i bhange muene kienʼiókio phala o inzo ia Nzambi ia diulu; kuma, phalaʼhi ku kala njinda ia dikota ku thandu dia ixi ietu ni kuthandu dia sobha ietu ni ku thandu dia etu tu anʼê?

Makatukilu 12:32

Ni jimbudi jenu ni jingombe ambatenu-ju, kala ki muambe, phala mu muangane; eme uami ngi sambedienu nda ngi kale ni kuzediua.

Jelemiia 29:7

Sotenu kutululuka kua mbonge mu nga mi balakala, sambelenu-iu kua Jihova; mbata mu ku tululuka kuê, enu ue mu kala ni kutululuka.

Daniiele 2:46

Bhenhobho sobha Nabukodonozolo u di takula hé u di-ṗhudika pholo bhoxi, anga u bheza Daniiele, u tuma ku mu satela mubhaku ua musa ni maji a mazumba.

Ijila 1:13

O midia-phe ni inama u i sukula hanji ni menha. O Nganga anga u i bhakula iene ioso ia muvimba, u i ohela ku kalatódio; kífua sata ia kuoha, ujitu ua kubhakula ni túbhia, ua dizumba diambote kua Jihova.

Ijila 1:9

Maji o midia-phe ni inama, u i sukula hanji ni menha. Nganga anga u i ohela ioso ku kalatódio, kuma sata ia kuoha, ujitu ua ku bhakula ni túbhia, ua dizumba diambote kua Jihova.

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.