Ejidala 5:8 - O Mikanda Ikola

⁸ Ki ku jimbulukile éʼsobha, kuila etu tua ile ku sengu ia Juda, ku inzu ia Nzambi iâ Ionéne, ene a mu i tunga ni matadi a makota; o miẋi ia maleka iá a i ta kiá ku thandu, o kikalakalu kia mu kuenda lusolo, ki kiia muene ku pholo bhu maku mâ.

Ejidala 5:8 ပူးပေါင်းရင်းမြစ်များ

Ejidala 2:1

Iá ene anʼa akuaʼxi, a bande mu ku tunda ku ubhika, kua iá a ambatele ku ixi iengi kuala Nabokodonozolo, sobha ia Babilónia, kiʼai-nâ kuenhoko, ku Babilónia, ia a vutukila mu Jeluzaleme ni mua Juda, muthu mu sanzala iê, muthu mu sanzala iê.

Ejidala 5:7

Mua mu bhela kisoneke kia majina moso, a u soneka, uambe kiki: Kutululuka kuoso ku kale kua sobha Ndala.

Ejidala 5:9

O ikulakaji-phe tua ebhula, tuexi kiki: Nanhi ua mi bhelakiu ngonge, ia ku tunga dingi inzu iii, ni kutungulula dingi kimbaka kiki?

Ejidala 6:10

Phala a bhakule jisata ja dizumba dia mbote kua Nzambi ia diulu, nda a sambele ue muenhu ua sobha ni ua tuana tuê.

Ejidala 6:4

Kitadi kioso kia kufuta ki tunda mʼonzo ia sobha.

Ejidala 7:23

Ima ioso kiá i a tendelela, kala kia tumu Nzambi ia diulu, a i bhange muene kienʼiókio phala o inzo ia Nzambi ia diulu; kuma, phalaʼhi ku kala njinda ia dikota ku thandu dia ixi ietu ni kuthandu dia sobha ietu ni ku thandu dia etu tu anʼê?

Nehemiia 11:3

O atumini a tundile mu jisengu, kuiza mu ku kala mu Jeluzaleme, enhá: Maji mu jisanzala ja Juda-phe kala muthu ua kexile mu ixi iê ia tambuile, mu ʼsanzala jâ, kífua akua Izalaiele, ni jinganga, akua Leví, ni ateki a menha ni aẋangi a jihuinhi, ni anʼakua mbèle ia Solomá:

Nehemiia 7:6

Iá ene anʼakua sengu, endele mu kikuka, ia a tombokele mʼubhika, a a kukile kuala Nabukodonozolo, sobha ia Babilónia; anga a vutukila mu Jeluzaleme ni mu Juda, hé aia kala muthu ni muthu mu sanzala iê.

Estere 1:1

Maka a bhita mu izuua ia Asuuelu, Asuuelu ió ua kexe mu tumina jinga tunde ku India katé mu Etiópia, o-xi iê ioso anga i kala ni hama ia sengu ni makuinhi aiadi ni sambuadi.

Estere 1:22

Kuma u tuma mikanda mu jisengu joso ja tokala mu utuminu uê, kala ua a tumikisa kisoneku mu letala ioso ia usonekenu uâ, kala muiji mu dimi dioso dia uzuelelu uâ, phala enhoso a tene ku i tanga ni ku a tongolokela, kuila: Diiala muene u tumina mʼonzo iê, muene u zuela kioso kia tokala. Ni kuila ue o hundu ienhiʼii a i tange ku mbandu joso phala isambuke, o mundu uoso a ivue.

Jisálamu 145:3

Jihova u kôla, ua tokala ku mu ximana kiavulu; o unéne uê kana muthu u tena ku u zubha ku u ijiia!

Daniiele 2:47

Sobha anga ukumbulula Daniiele, uixi: Kia kidi kiene, Nzambi ienu muene Nzambi ia jinzambi, muene Ngana ia jisobha; muene ue o mukua kutukulula ni kujingununa o ijinganu; mukonda o kijinganuʼiki eie ua ki lende muene o ku ki tetulula.

Daniiele 3:26

Nabukodonozolo bhenhobho, ubhiẋila bhu muelu ua kijiku kia túbhia tua muzukuta, anga u handekela, uzuela, uixi: Enu Sadalake, ni Mizake ni Abede-neko, jingunza ja Nzambi. Suke-ku, tundenu ku kanga, muize bhabha! Bhenhobho, ni Sadalke, ni Mizake, ni Abede-neko anga atunda mu kaxi ka túbhia.

Daniiele 4:2

Nga ki mono kuila kia ngi fuama muene o kufumanesa ijimbuete ni madiuanu oso a ngi kalakela Nzambi, Suke-ku.

Daniiele 6:26

Eme nga bhana ngonge, kuila, oso a tokala mu jixi ja usobha uami, ende ni kuteketa ni kuxila o Nzambi ia Daniiele; mbata muene o Nzambi ia muenhu u xialelà-ku, o utuminu uê kene ku u jima, o ungana uê ua kalʼê katé ku dizubhilu.

Matendelelu 10:17

Kuma o Jihova Nzambi ienu, muene o Nzambi ia jinzambi, muene Ngana ia jingana, muene Nzambi ngó Suke-ku, o uzonda uê uvula, ukuata uoma, ka moneka kathômbo kʼathu, ka xikina ku mu futila.

Matendelelu 32:31

Kuma o ditadi dia-êne, ka soka ni ʼTadi dietu-etu; o kiki ni jinguma jetu jene kia a tetulukila uâ.