Ejidala 5:3 - O Mikanda Ikola

³ Mu kithangana kienʼiokio, a tukumuka nguvulu ia sámbua dia kunu dia honga ia Ufalate, Tatenai ni Setabozenai ni akua dingi, a endela, eza kua ene, hé a ebhula, exi: Nanhi ua mi bhela-kiu ngonge, ia ku tunga dingi inzu iii, ni kutungulula dingi kimbaka kiki?

Ejidala 5:3 ပူးပေါင်းရင်းမြစ်များ

Ejidala 1:3

Uoso kiá momuenu, ua zuama kua muene mu mundu uê uoso, iú uala ni Nzambi iê a bande ku Jeluzaleme, mbonge iala mua Juda, a tunge inzu ia Jihova, Nzambi ia Izalaiele, kuma muene, Nzambi, ua tunga mu Jeluzaleme.

Ejidala 4:12

Tuma ku kʼijiia, eie sobha, kuila jijudé ja tundu kokué, a bande kunu ia a tu sange etu mu Jeluzaleme. O mbonge ioio ia usuéia ni kuẋinuka, ene a mu i tunga dingi, imbaka iê a mu i tungulula ue, ni madisesa mê, a mu ma iudika dingi.

Ejidala 4:9

Bhenhobho Lehu, komanande, ni Sisai, musoneki, ene a soneka ni akua dingi akua kilunga kiâ, o jidinaíta, ni afuasakita, ni akua Tarpele, ni afuasita ni akua Heleke, ni akua Babilónia, ni akua Suzane, ni akua Daí ni akua Elame.

Ejidala 5:6

O mukanda uʼokatule ku mukanda ua soneka Tatenai, nguvulu ia sámbua kunu dia Ufalate, ni Setabozenai ni akuá dingi, afuasakita, a kexile ku sámbua dia kunu dia ngiji, ua tumikisa kua Sobha Ndala.

Ejidala 5:9

O ikulakaji-phe tua ebhula, tuexi kiki: Nanhi ua mi bhelakiu ngonge, ia ku tunga dingi inzu iii, ni kutungulula dingi kimbaka kiki?

Ejidala 6:13

Bhenhobho Tatenai, nguvulu ia Sámbua dia kunu dia Ufalate, ni Setebozenai ni akua kilunga kiê, ima ioso a i bhange muene lusolo, kala kiambe ngonge ia sobha Ndala.

Ejidala 6:6

Kala kiki-phe, eie Tatenai, nguvulu ia disámbua diodio dia Ufalate, ni Setabozenai ni akuá dingi, afuasakita, muala ku sámbua diodio dia ngiji, sondolokelenu dikanga.

Ejidala 7:21

Eme-muene-muène, sobha Artaxexe, nga bhana ngonge ku alundi a jimbongo ja sobha, ene oso ala ku sámbua diodio dia honga ia Ufalate, kuila: Ioso i mi bhinga nganga Ejidala, musoneki ua kitumu kia Nzambi ia diulu, a ki bhange lusolo,

Ajeu 1:1

Ku muvu ua kaiadi ua sobha Dário, bhu mbeji ia kasamanu, mu kizuua kia dianga ku mbeji, kueza dízui dia Ngana, mu ukunji ua polofeta Ajeu, kua Zolobabele, monʼa Selatiiele, nguvulu ia Judá, ni kua Josuué monʼa Jozadake, o nganga ia dikota, uixi:

Matesu 21:23

Kia zubha kubhixila mu Tembulu, jinganga ja makota ni adiakimi ku mundu eza, a mu sanga iu longa, exi: Eie ungana uahi u uala na-u phala kubhanga imbambʼiii? Ungana iú nanhi ua ku bhana-u?

Jipoxolo 4:7

O atumini kia zubha ku bhaka o jipoxolo bhu ʼaxaxe kâ, a ebhula, exi: Enu imʼ iíi, mua i bhange kiebhi? O kubhanga kiki, mua ki bhange ni kutena kuahi, mba mu dijina dia nanhi?