Ejidala 5:15 - O Mikanda Ikola

¹⁵ Anga u muʼambela, uexi: Tambula itutu iii, ndé, ka i beheke mu tembulu iala ku Jeluzaleme; hé uà kà bhangesa kuila inzu ia Nzambi a i tunga dingi bhu kididi kiê kiʼokulu.

Ejidala 5:15 ပူးပေါင်းရင်းမြစ်များ

Ejidala 1:2

Silu, sobha ia Pélesa, uambe kiki: Jihova, Nzambi ia maúlu ua ngi bhana maútuminu moso mu ngongo, iú ua ngi tumu ku mu tungila inzu mu Jeluzaleme, mbonge iala mua Juda.

Ejidala 3:3

Anga a xikika Kalatódio ku ibhuna iê (o ifikidilu iê), sumbala a kexile bhoxi dia uoma uavulu mukonda dia ku a zuididika kuala akua jixi mu jimbandu, Jihova hé a mu bhakuila muene jisata ku thandu diê mu kimene ni mu ngoloxi.

Ejidala 5:14

Katé ni itutu ia ulu ni phalata, ia inzu ia Nzambi, ia katuile Nabokodonozolo mu tembulu ia kexile mu Jeluzaleme, iu ua i tele mu tembulu ia Babilónia, sobha Silu-phe, ua i katula mu tembulu ia Babilónia, ia a i bhana ku muthu a muʼixana Sebazale, a mu tunguile ku kala nguvulu, kuala muene.

Ejidala 5:16

Bhenhobho-phe, Sebazale muenʼió ueza, iu ua te o madisesa ma inzu ia Nzambi, iala mu Jeluzaleme; tundé kiá kienhókio, katé ni mu leluʼmu, iene-phe hanji ia mu tungʼii, kiluua ibhua.

Ejidala 6:3

O sobha Silu, mu muvu uê ua dianga, ua bhana ngonge iii: Mu kuzuela ku inzu ia Nzambi mu Jeluzaleme, ia fuama ku i tunga phala kididi kia ku bhela jisata; o madisesa mê ma kola muene; o kitala kiê, makuinhi a samanu a kóvadu; o kuzanza kuê, makuinhi a samanu a kóvadu; ni mikalatata itatu ia matadi a makota, ni umoxi ua miẋi ia ubhe.