Ejidala 5:14 - O Mikanda Ikola

¹⁴ Katé ni itutu ia ulu ni phalata, ia inzu ia Nzambi, ia katuile Nabokodonozolo mu tembulu ia kexile mu Jeluzaleme, iu ua i tele mu tembulu ia Babilónia, sobha Silu-phe, ua i katula mu tembulu ia Babilónia, ia a i bhana ku muthu a muʼixana Sebazale, a mu tunguile ku kala nguvulu, kuala muene.

Ejidala 5:14 ပူးပေါင်းရင်းမြစ်များ

II Malunda 36:18

O itutu ioso ia inzu ia Nzambi, ni ia makota ni iòfele, ni jimbongo ja inzu ia Jihova, ni jimbongo ja dibhata dia sobha, ni ja ilamba iê, iene ioso ua i ambata, uai na-iu ku Babilónia.

II Malunda 36:7

O Nabukodonozolo anga uambata ue ni itutu imoxi-mu ia inzu ia Jihova, uia na-iu ku Babilónia anga u i tula mu Tembulu ié-muene ku Babilónia.

Ejidala 5:15

Anga u muʼambela, uexi: Tambula itutu iii, ndé, ka i beheke mu tembulu iala ku Jeluzaleme; hé uà kà bhangesa kuila inzu ia Nzambi a i tunga dingi bhu kididi kiê kiʼokulu.

Ejidala 5:16

Bhenhobho-phe, Sebazale muenʼió ueza, iu ua te o madisesa ma inzu ia Nzambi, iala mu Jeluzaleme; tundé kiá kienhókio, katé ni mu leluʼmu, iene-phe hanji ia mu tungʼii, kiluua ibhua.

Ejidala 6:5

Kua di te dingi: itutu ioso ia ulu ni phalata ia inzu ia Nzambi, iambatele Nabokodonozolo mu tembulu ia kexile mu Jeluzaleme, anga uia na-iu ku Babilónia, a-nda ku i vutula, phala iie ku tembulu iala mu Jeluzaleme, na i tule muene kitutu bhu kididi kiê, kitutu bhu kididi kiê; ni i kala dingi lua mukuá mʼonzo ia Nzambi.

Ejidala 7:27

Jihova, Nzambi ia jitata jetu a tane-ku! Ua lungulula muẋima ua sobha kala kiki! Phala ku kembesa inzu ia Jihova, ia kala mu Jeluzaleme;

Jisabhu 21:1

Muẋima ua sobha, bhu lukuaku lua Jihova, mukuâ ni milombo ia menha; kuoso kua solo muene, kuene kua u lungisa.

Jelemiia 52:19

Kabhitangu ka kilangidilu anga u zangula ue ni jikopho, ni ididi ia kuohela uasu ua dizumba, ni malonga a menha a pholo, ni jímbia, ni jikandiielu, ni jingutu, ni itutu ia kutela maji ni mvindangele; kutale ima ioso ia ulu mu ulu, uixi ia phalata mu phalata.

Ajeu 1:1

Ku muvu ua kaiadi ua sobha Dário, bhu mbeji ia kasamanu, mu kizuua kia dianga ku mbeji, kueza dízui dia Ngana, mu ukunji ua polofeta Ajeu, kua Zolobabele, monʼa Selatiiele, nguvulu ia Judá, ni kua Josuué monʼa Jozadake, o nganga ia dikota, uixi:

Ajeu 1:14

Jihova anga u phaphumuna o muẋima ua Zolobabele monʼa Selatiiele, nguvulu ia Juda, ni muẋima ua Josuué, monʼa Jozadake, nganga ia dikota, ni muẋima ua mundu uoso, anga eza a kalakala ku inzu ia Jihova dia Ifuẋi, Nzambi iâ.

Ajeu 2:2

Tangela Zolobabele, monʼa Selatiiele, nguvulu ia Juda, ni Josuué, monʼa Jozadake, nganga ia dikota, ni mundu uoso, kuila:

Ajeu 2:21

Ambela Zolobabele, nguvulu ia Judá kuila:

Jipoxolo 13:12

O nguvulu-phe kia mono kioso kia bhange, u xikana, kuma ua diuana o ulongelu ua Ngana.