Ejidala 4:3 - O Mikanda Ikola

³ Bhenhobho-phe ni Zolobabele ni Jesuua ni amukuá dingi, o jitata ja mabhata ma Izalaiele, a a vutuila, exi: Ki ki fuama kuila ni enu ni etu tu tunga kumoxi o inzu ia Nzambi ietu; etuʼene muene, ubheka uetu, tua-nda ku i tungila Jihova, Nzambi ia Izalaiele, kala kia tuʼambela Silu, sobha ia Pélesa.

Ejidala 4:3 ပူးပေါင်းရင်းမြစ်များ

II Malunda 36:22

Maji-phe, o mu muvu ua dianga ua Silu sobha ia Pelesa (phala o kizuelu kia Jihova ni kitenene, kia tange ku dikanu dia Jelemiia), Jihova ua tonesa o nzumbi ia Silu, sobha ia Pelesa, muene iú ua bhitisa ni kuboka mu utuminu uê uoso, ni ku ki soneka muene, kuila.

Ejidala 1:1

Mu muvu ua dianga ua Silu, sobha ia Pélesa phala kizuelu kia Jihova ki tenene kia tange ku dikanu dia Jele miia, Jihova ua tonesa nzumbi ia Silu, sobha ia Pélesa, muene iú ua xikisa ngonge mu ixi ioso ia utuminu uê, ni ku ki soneka mu mikanda, kuila:

Ejidala 1:2

Silu, sobha ia Pélesa, uambe kiki: Jihova, Nzambi ia maúlu ua ngi bhana maútuminu moso mu ngongo, iú ua ngi tumu ku mu tungila inzu mu Jeluzaleme, mbonge iala mua Juda.

Ejidala 1:3

Uoso kiá momuenu, ua zuama kua muene mu mundu uê uoso, iú uala ni Nzambi iê a bande ku Jeluzaleme, mbonge iala mua Juda, a tunge inzu ia Jihova, Nzambi ia Izalaiele, kuma muene, Nzambi, ua tunga mu Jeluzaleme.

Ejidala 3:8

Kutula ku muvu ua kaiadi, ua kuiza kuâ ku inzu ia Nzambi, iala mu Jeluzaleme, ku mbeji ia kaiadi, Zolobabele monʼa Selatiiele, ni Jesuua monʼa Jozadake ni akuá dingi, jiphange jâ, jinganga ni jilevita akua muiji ua Levi, ni eneʼoso kiá a tundu ku ubhika eza mu Jeluzaleme, a mateka kikalakalu kia inzu ia Jihova, anga a sola ku jilevita akua muiji ua Levi, athu oso a tenesa kiá makuinhi a iadi a mivu mba a somboka-mu kiá, phala kuendesa kikalakalu kia onzo ia Jihova, kala kia fuama.

Nehemiia 2:20

Bhenhobho nga a kumbulula, ngixi: Nzambi ia diulu muene ua-nda ku tu kuatekesa; etu tu abhikʼê tu balumuka ngoho ni tu tungu; maji enu-phe mu Jeluzaleme kana-mu mbandu ienu, mba undundu, mba kima kiengi kia xa o Makulu.

Izaía 44:28

Anga ngi tanga Silu kuila: Muenhó kabhila kami, muene ua kà kumbidila o vondadi iami ioso ia ngi uabhela; ngambela ue Jeluzaleme ngixi: Tunga-soma; o Tembulu, ue, ngixi: Tunga dingi o madisesa mé!

Izaía 45:4

Mukonda dia henda ia selevende iami Jakobo, ni Izalaiele dia thungule iami, eme nga ku ixana muene eie mu dijina, eme nga ku luku dijina dia muiji, sumbala eie kua ngʼijiia.

Matesu 10:16

Talenu, nga mi tundisa kala mu jimbudi mua di lungu ni jimbinji. Muila-phe ni kudimuka kala mu jinhoka, ni kutobha kala mu mêmbe.

Nzuá 4:9

Muhatu ua mukua Samádia, uixi: Eie u Judé, ua-lu ngi bhinga kiebhi menha a kúnua, eme ngi mukua Samádia? (Muène ua zuela kiki, mukonda akua Judeia ni akua Samadia a di zemba.)

Jipoxolo 8:21

Eie mu Njimbu iii kuala-mu ni kibatu mba kididi, kuma o muẋima ué ki ua iukila kua Nzambi.