Ejidala 4:24 - O Mikanda Ikola

²⁴ Kikalakalu kia inzu ia Jihova ia kexile mu Jeluzaleme anga kʼimana; hé ki nakina muene katé mu muvu ua kaiadi ua utuminu ua Ndala, sobha ia Pélesa.

Ejidala 4:24 ပူးပေါင်းရင်းမြစ်များ

Ejidala 3:8

Kutula ku muvu ua kaiadi, ua kuiza kuâ ku inzu ia Nzambi, iala mu Jeluzaleme, ku mbeji ia kaiadi, Zolobabele monʼa Selatiiele, ni Jesuua monʼa Jozadake ni akuá dingi, jiphange jâ, jinganga ni jilevita akua muiji ua Levi, ni eneʼoso kiá a tundu ku ubhika eza mu Jeluzaleme, a mateka kikalakalu kia inzu ia Jihova, anga a sola ku jilevita akua muiji ua Levi, athu oso a tenesa kiá makuinhi a iadi a mivu mba a somboka-mu kiá, phala kuendesa kikalakalu kia onzo ia Jihova, kala kia fuama.

Ejidala 4:23

Kuabhu-phe, kioso kiá o mukanda ua katula ku mukanda ua sobha Artaxexe kia u tange bhu pholo ia Lehu ni Sisai, musoneki, ni akua kilunga kiâ, ai ni makidi-kidi ku Jeluzaleme, ku jijudé, anga ni nguzu ioso a a fudisa kutunga.

Ejidala 4:5

Anga a futila jindaxi phala kuia ni ku a fudisa ioso ia mesena kubhanga izuua ioso, kioso Silu sobha ia Pélesa hanji iu ni muenhu, katé mu utuminu ua Ndala, sobha ue ia Pélesa.

Ejidala 5:1

Tala, jinganga ja Nzambi, Ajeu ni Zadiia, monʼa Idu, a zambuila jinga jijudé ja kexile mua Juda ni mu Jeluzaleme, mu dijina dia Nzambi ia Izalaiele, kuma Nzumbi iê ia kexile ni ene.

Ejidala 5:5

Né kienhokio-phe, mesu ma Nzambi ma kexile ku thandu dia ikulakaji ia Juda, katé ki ki ẋikinine ku a fudisa ku bhanga kikalakalu, katé kia bhixila maka eneʼá kua Ndala, anga muene u vutula kizuelu mu mukanda ku ima ienhiʼii.

Ejidala 6:1

Bhenhobho sobha Ndala ua bhana ngonge, anga a sota mu mabhakelu ma muenexi ua Babilónia, muoso mua bhaka jinga mikanda iòkulu ni umvuama ua jisobha ja Babilónia.

Ejidala 6:14

O ikulakaji ia jijudé, ia aiʼâ muene ni kutunga ni kuzediuila ku muzambu ua polofeta Ajeu ni Zakadiia monʼa Idu. Onzo anga a i tunga a i zubha kala kia tumu Izalaiele ni kia tumu ngonge ia Silu ni ia Ndala ni ia Artaxexe, sobha ia Pélesa.

Ejidala 6:15

Inzu iii anga ibhua ku i tunga mu kizuua kia katatu kia mbeji ia Adale, ku muvu ua kasamanu ua utuminu ua sobha Ndala.

Nehemiia 6:3

Eme-phe anga ngʼa tumikisa jiphunga, ngixi: Nga mu bhanga kikalakalu kia dikota, ki ngi tena ku kulumuka; ngi xia kiebhi o kikalakalu kiemana, eme hé ngʼiami mu kutakana ni enu?

Nehemiia 6:9

Mbata ene oso a kexi mu kusota ku tu kuatesa uoma, exi: Andu katulaku o maku mâ, anga kikalakalu a lémbua ku ki bhanga. Kiki-phe, eie u Nzambi, suinisa o maku mami.

Jobe 20:5

o kutana kua isuéia ki ku nange, o kusanguluka kua ati-a-ituxi kua kithangana ngoho kiofele?

Daniiele 11:2

Kiki-phe nga-nda ku ku jimbuila o kidi. Talesa, ku Pélesa hanji kua-nda ku di-bhinganesa jisobha jitatu, o ua kauana ua-nda kúvua ma-umvuama mʼònene, akuâ osoʼá ndenge. Mukonda dia jimbongo javulu ua kà funhisa akuâ oso, phala kubalukila utuminu ua Ngeléxia.

Daniiele 9:25

Eie tuma-phe ku kʼijiia: tunde bhu tubhukila o ngonge phala kubhetula dingi Jeluzaleme ni ku mu tunga, katé bhua kéjiia Mexiia, o Mʼona Ngana, bhuala sambuadi dia semana, ni makuinhi asamanu ni kiiadi kia jisemana; a kà tunga dingi o jinzunga ni imbaka, maji a kà ji tungila mu thembu ia hadi ni mbùnda.

Ajeu 1:1

Ku muvu ua kaiadi ua sobha Dário, bhu mbeji ia kasamanu, mu kizuua kia dianga ku mbeji, kueza dízui dia Ngana, mu ukunji ua polofeta Ajeu, kua Zolobabele, monʼa Selatiiele, nguvulu ia Judá, ni kua Josuué monʼa Jozadake, o nganga ia dikota, uixi:

Ajeu 1:15

Mu kizuua kia makuinhi a iadi ni iuana ku mbeji ia kasamanu, ku muvu ua kaiadi ua sobha Dário.

Ajeu 2:15

Kala kiki o miẋima ienu tenu-iu ku ima ienhiʼii, tunde kizuua kia lelu katé ku pholo, kiosuʼiki kiluua mu ta ditadi kuthandu dia ditadi ku Tembulu ia Ngana.

Ajeu 2:18

Lundenukiu ku miẋima ienu, nga mi diondo, tunde mu lelu katé ku pholo, tunde mu kizuua kia makuinhi aiadi ni uana, ku mbeji ia kʼavua, tunde mu kizuua ki mua mateka o Tembulu ia Ngana, tenu miẋima ienu mu kubanza ima ienhʼii.

Zakadiia 1:1

Bhu mbeji ia kanake, ku muvu ua kaiadi ua sobha Ndala, kizuelu kia Jihova kieza kua plofeta Zakadiia, monʼa Balakiia, monʼa Idu, kuila:

I Tesalonika 2:18

Mukonda dia kubhindamena ku mi sanga koko, mbé tu di mone dingi, eme Phaulu nga sotele kuia, maji ngi sota ngi tona, Satana-phe ua tu fudisa.