Ejidala 4:22 - O Mikanda Ikola

²² Enu-phe di langienu, ima iii kana ku i kuatela usudi mba mu kala na-iu ni usonde; phala ki mu bhange kutondala mu ima ii, mbata o kuẋamuna kuvudilaʼhi kiki ku jisobha?

Ejidala 4:22 ပူးပေါင်းရင်းမြစ်များ

Ejidala 4:13

Kala kiki-phe, ijiia na-kiu dingi lua mukuá, eie sobha, kuila se o mbonge ioio a i tunga dingi muene lua mukuá, o imbaka iê ioso hé i vutuka bhu kididi kiê kia ukulu, ima ia tokala ku futa, ene ka-nda ku i futa dingi, ni madijimu ni mibhaku; mu ku bhanga kiki, a-nda ku tununa jimbongo ja jisobha.

Ejidala 4:21

Kindala-phe xikenu ngonge, phala mala ió ehe kutunga, o mbongeʼoio ki bhu kale muthu u i tunga; o kutungiua kuê kikale eme dingi ngi ki tanga.

Ejidala 4:23

Kuabhu-phe, kioso kiá o mukanda ua katula ku mukanda ua sobha Artaxexe kia u tange bhu pholo ia Lehu ni Sisai, musoneki, ni akua kilunga kiâ, ai ni makidi-kidi ku Jeluzaleme, ku jijudé, anga ni nguzu ioso a a fudisa kutunga.

Daniiele 6:2

O ku thandu dia enhá iú uatudika-ku ilâmba itatu, umoxi-ku Daniiele, phala mavunda oso enda ni kubhana jikonda kua enhá, phale sobha ka mu nganale.

Daniiele 6:3

Daniiele anga u di tungula, mu axaxi ka mavunda ni ilâmba; mukonda mua muene mua kexe muẋima uabeta ujitu; Sobha-phe hé ukala mu kuxinganeka ku mu xikika ku thandu dia utuminu uoso.