Ejidala 4:2 - O Mikanda Ikola

² A bhixila kua Zolobabele ni ku jitata ja mabhata, anga a a tangela, exi: Kala enu, etu ue tua mesena kusota Nzambi ienu; uila kiki, tuehedienu ku di bunda kumoxi ni enu mu kú tunga, mbata muene ue, Johova, Nzambi ienu, etu tua mu bhakuila kiá jisata, tundé mu izuua ia Asale-Hadone, sobha ia Asídia, ua tu bheka kunu.

Ejidala 4:2 ပူးပေါင်းရင်းမြစ်များ

Dimatekenu 10:11

O kutunda mʼoxi momo, uia mu Asídia, u tunga Ninive, ni Lebote-Ile, ni Khala.

II Jisobha 17:24

Sobha ia Asídia anga uiza ni athu engi ku Babele, ni ku Kuta, ni ku Hava, ni ku Hamate, ni ku Sefalavaime, iú ua a tumina kutunga mu jimbonge joso ja Samádia, bhu kididi kia anʼa Izalaiele a tungile-mu mʼukulu; athu engi iá a lundula Samádia, iá a tungu mu jimbonge jê joso, kuma ua di bhange undundu uâ.

II Jisobha 17:41

Kienhiki, o miji ienʼiii, iá a kexile mu kuila: Ku mbandʼuku a kala ni uoma ua Jihova, o ku mbandu ia mukuá iá a bhikila o mahamba mâ ma iteka ia kusonga. O anʼâ ue, ni alaúlʼâ, kiene kia bhanga jinga o jitata jâ, kiene kia mu bhanga ue ene, katé ni mu kizuua kia lelu.

II Jisobha 19:37

Anga ki bhita kuila, kioso muene kia fukama mʼonzo ia Nijiloke, o dihamba diê, o Andalameleke ni Salezele, anʼê-muène, a mu toma ni xibhata; ene-phe ia a lengela kʼoxi ia Alalate; o Ezaladone, dia monʼê, muene ua hingi o ungana bhu kididi kiê.

Ejidala 1:5

Bhenhobho jitata ja mabhata ma Juda ni Bejamí anga a balumuka, ni jinganga ni jilevita ni oso kiá a a tonesa o nzumbi moxi kuala Nzambi, phala ku banda mu kutunga inzu ia Jihova iala mu Jeluzaleme.

Ejidala 2:2

Eneʼâ, ia ejiia kumoxi ni Zolobabele, ni Jesuua, ni Nehemiia, ni Selaia, ni Dilaiia, ni Moledekai, ni Bilisane, ni Mixpale, ni Bikivai, ni Lehu, ni Bahana. Dialuilu dia athu mu ixi ia Izalaiele, dienhidi:

Ejidala 3:12

Sumbala kiene, maji jinganga ja vulu, ni jilevita, ni jitata ja mabhata, a kuka kiá, a mono inzo ia Jihova ia diangelèku, ki ia kexe ku madisesa mê, a didi ni ku ta muene jongololo, kia mono dingi iii ku mesu mâ; maji hanji muene, a vudile a kexi mu zangula mbimbi ni ku ta mitendu ia kusanguluka.

Ejidala 3:2

Jesuua, monʼa Jozadake, u balumuka ni phange jê, jinganga, ni Zolobabele monʼa Selatiiele, ni phange jê, anga a tunga Kalatódio ka Nzambi ia Izalaiele, phala ku thandu diê kubhakuilaku o jisata, kala kia ki soneka mu divulu dia kitumu kia Mozé, muthu ua Nzambi.

Nehemiia 9:32

O kiki-phe, eie u Nzambi ietu, eie u Nzambi Ionéne, Nzambi ia kutena, u kuatesa uoma, u bhaka o kikutu ni ufiiele uoso, hé ujiza ni kubhanga o mbote, kumone kutola o dilamba dioso lelu dia tu kuata etu, ni jisobha jetu, ni ilamba ietu, ni jinganga jetu, ni misesedi, ni jitata jetu, ni kifuxi kié kioso, tunde mu izuua ia jisobha ja Asídia, katé mu kizuua kia lelu.

Jisálamu 73:8

A bhanga kasekelu ku akuá; a kanena ku a bhanga ungungu; a zuela muene ni izala ioso.

Izaía 37:37

Kia bhingi-phe Senakedibe, sobha ia Asídia, ua lenge iú uaii, ua vutuka, anga u kala mu Ninive.

Izaía 37:38

Anga ki bhita-phe kuma, kia bokona iu ua fukama mʼonzo ia Nijiloke, o nzambi iê, Adalameleke ni Salezele dia anʼê-muène, a mu jibha ni xibhata; ene-phe hé alengela kʼoxi ia Alalate, o Ezaladone monʼê, anga uhinga bhu kididi kiê.

Hozeia 14:3

Asídia ki muene ua-nda ku tu bhulula; o ku jikabalu ue ki tua-nda kumondala-ku dingi; o kima kia bhange kuala makuʼetu, ki tua-nda ku ki tangela dingi, kuamba: Eie, eie kiá u Nzambi ietu; mukonda o monʼa kitungu, ua kambe tata ni mama, kiadi u ki bongela momué.

Ngalásia 2:4

Inda o phata iejilile ku jiphange ja makutu, ja bokuene ni kuzonza ni ku di dinga, anga a mesena ku mu saia. Mukonda ene a bokuene mu kulonda o ufolo uetu u tuene na-u mua Kristu Jezú, phala nʼ a tu bheke dingi ku ubhika.

II Timote 3:8

Mukuâ ni Jane ni Jambele a fudisile Mozé, enhá ue a fidisa o kidi. Athu a bolo ilunji, kuxikana a ku tokoka.