Ejidala 4:15 - O Mikanda Ikola

¹⁵ Nda u sote divulu dia malunda ma jitata jé, muenhomo-phe, i ua-nda kusanga-mu, sobha, ia-nda ku kuijidisa kuila mbonge ioio ia kuẋinuka tundé ukulu, iene mu ku bhekela uíndua ku jisobha ni jisengu, ni kuila mʼukulu mbonge ienhoio mua kexile muene kuximika; kiene kia bhangesele ku i sengulula, i ia bhuilè-ku kiá.

Ejidala 4:15 ပူးပေါင်းရင်းမြစ်များ

II Jisobha 24:20

Kienʼiki kia bhiti mukonda dia njinda ia Jihova ia kuatela Jeluzaleme ni Juda, katé kia a mono kuila ka fuama dingi bhu pholo ie, anga Zedekiia u ẋinukina sobha ia Babilónia.

II Jisobha 25:4

bhenhobho o mbanza a i bulu, o makuenze oso a ita, anga a lenga ni usuku mu njila ia lungu bhu dibhitu, bhu kaẋí ka imbaka iiadi bhua lulama ni kibakala kia itulu ia sobha, (sumbala akua Kaldeia a kondele o mbonge ioso mu kúlua na-iu) maji o sobha ua tundila mu njila ia dinhana

Ejidala 4:12

Tuma ku kʼijiia, eie sobha, kuila jijudé ja tundu kokué, a bande kunu ia a tu sange etu mu Jeluzaleme. O mbonge ioio ia usuéia ni kuẋinuka, ene a mu i tunga dingi, imbaka iê a mu i tungulula ue, ni madisesa mê, a mu ma iudika dingi.

Ejidala 4:14

Etu-phe, kuma tuene mu ku tambula futu kua sobha, o ku mu ehela ku mu katula ujitu ki tu tena, kiene kia tu bhekesa kutuma ku ku dimuna.

Ejidala 4:16

Etu-phe tua ku tangela-kiu muene ni kulomboloka kuoso, eie sobha, kuila: O mbonge ioio, se a i tunga dingi lua mukuá, o imbaka iê hé i vutuka dingi bhu kididi kiê bhu ia kexile, eie-phe, ku mbandu ia sámbua didi, dia kunu, dia ngiji ia Ufalate, kua-nda ku kala-ku dingi ni dikanda dié. Mahezu.

Nehemiia 2:19

Kia kivu Sambalate, mukua Holone, ni Tobiia, mukua mbele ku Amone, ni Ngeseme, mukua Alábia, a tu mona ulalu anga a tu bhanga kasekelelu, exi: Enu mua mu bhanga kima kiahi? Muandala mu kitukila sobha, kuambe?

Nehemiia 6:6

Mu mukanda muòsoneke, exi: Kia fumana muʼaxaxi ka athu a kʼivu, ni Jeseme ue ua ki zuela, kuma nʼeie ni akua Juda mua mu kana kubaluka, kiene ki mua mu tungila o kimbaka; exi ue dingi kuma eie uandala u di bhanga sobha iâ.

Estere 2:23

O kia zubha ku a tokuesa, a ki mona kuma kidi muene, ene oso kiiadi kiâ anga a a nhenga mu miẋi. Anga a ki soneka mu divulu dia malunda bhu pholo ia muenexi.