Ejidala 4:12 - O Mikanda Ikola

¹² Tuma ku kʼijiia, eie sobha, kuila jijudé ja tundu kokué, a bande kunu ia a tu sange etu mu Jeluzaleme. O mbonge ioio ia usuéia ni kuẋinuka, ene a mu i tunga dingi, imbaka iê a mu i tungulula ue, ni madisesa mê, a mu ma iudika dingi.

Ejidala 4:12 ပူးပေါင်းရင်းမြစ်များ

II Jisobha 18:20

O ki ua mu ki tanga eie, (mu kanu dié ngoho), uixi: Nga sokobho o kuta kikutu ni kutena kúlua ita. Nanhi muene ua mu dielela kindala, phala eie ku ngi balukila?

II Jisobha 24:1

Mu izuua ia Nzouakí muene mua bande Nabukodonozolo, sobha ia Babilónia, mu kulua-nê, o Nzouakí hé u kala mivu itatu ku ubhika; o ki iabhu phe, ua hunduluka iú ua kitukila sobha ia Babilónia.

II Malunda 36:13

O kia di te-ku dingi, ua bhukumukina sobha Nabukodonozolo, ua mu lokesele kua Nzambi; maji ua thathamana o xingu iê; anga muẋima uê u huka kinéne katé ua lémbua o kudiela phala kulungulukila kua Jihova, Nzambi ia Izalaiele.

Ejidala 4:11

Maka a te mu mukanda ua sonekena sobha Artaxexe eneʼá: Abhikʼé, athu a tungu ku sámbua kunu dia honga ia Ufalate, bhu kithangana kia nganji.

Ejidala 4:15

Nda u sote divulu dia malunda ma jitata jé, muenhomo-phe, i ua-nda kusanga-mu, sobha, ia-nda ku kuijidisa kuila mbonge ioio ia kuẋinuka tundé ukulu, iene mu ku bhekela uíndua ku jisobha ni jisengu, ni kuila mʼukulu mbonge ienhoio mua kexile muene kuximika; kiene kia bhangesele ku i sengulula, i ia bhuilè-ku kiá.

Ejidala 4:19

Mu ku u tongololʼeme, nga tumu kusota mu mikanda ia malunda ma xahulu, kiene o mbonge ioio tunde ukulu. Ene a sota ia a sange kuila, mu ithangana iòkulu, mbonge ioio ia ximikina jinga o jisobha kuma muenhomo ene mu ku bhangela-mu usuéia ni ungumba ua kuẋinuka ni kubaluka.

Ejidala 5:3

Mu kithangana kienʼiokio, a tukumuka nguvulu ia sámbua dia kunu dia honga ia Ufalate, Tatenai ni Setabozenai ni akua dingi, a endela, eza kua ene, hé a ebhula, exi: Nanhi ua mi bhela-kiu ngonge, ia ku tunga dingi inzu iii, ni kutungulula dingi kimbaka kiki?

Ejidala 5:9

O ikulakaji-phe tua ebhula, tuexi kiki: Nanhi ua mi bhelakiu ngonge, ia ku tunga dingi inzu iii, ni kutungulula dingi kimbaka kiki?

Nehemiia 1:3

Anga ene a ngi tangela, exi; A xala koko, ku sengu, a kambele kuiza ku ubhika, ala mu hadi iavulu ni dilebhu; o kimbaka kia Jeluzaleme a ki bulu, o mabhitu mê a mʼoha mu túbhia.

Nehemiia 6:6

Mu mukanda muòsoneke, exi: Kia fumana muʼaxaxi ka athu a kʼivu, ni Jeseme ue ua ki zuela, kuma nʼeie ni akua Juda mua mu kana kubaluka, kiene ki mua mu tungila o kimbaka; exi ue dingi kuma eie uandala u di bhanga sobha iâ.

Estere 3:8

Hamane anga u ambela Asuuelu, uixi: Sai muiji a di muangena mu jisengu joso ja utuminu ua muenxi, kifua athu engi, kene ku di tuma ni akuaʼxi a tungu-nâ, o itumu ia muenexi ue kene ku i aiuka mukonda o utuminu uâ uengi; muenexi ka mu bhana kubhanduluka kua kima, né-mbe muene u a lendukila anga a kala moxiʼumu.

Jelemiia 52:3

Mukonda dia kienhiki-phe, anga ki bhita kuila, mukonda dia njinda ia Jihova ia kuatela Jeluzaleme ni Juda, Jihova ua a kaie bhu pholo iê; anga Zedekiia u lungulukila sobha ia Babilonha mu kuzoka-nê.

Daniiele 3:8

Anga mu kithangana kienhokio kutukuluka mala amoxi-mu, akua Kaldeia, anga a xitala o jijudé.

Daniiele 9:25

Eie tuma-phe ku kʼijiia: tunde bhu tubhukila o ngonge phala kubhetula dingi Jeluzaleme ni ku mu tunga, katé bhua kéjiia Mexiia, o Mʼona Ngana, bhuala sambuadi dia semana, ni makuinhi asamanu ni kiiadi kia jisemana; a kà tunga dingi o jinzunga ni imbaka, maji a kà ji tungila mu thembu ia hadi ni mbùnda.

Luka 13:34

Uaué, Jeluzaleme! Jeluzaleme tata! Ua bhingi o jipolofeta u ji jibha, o akunji Nzambi a ku tumikisa, eie u a bûba ni matadi! Lukuxi luosʼulu, lu ngandalele kubhongoloka o kifuẋi kia mundu uê uoso, kala ki bhanga o sanji tuana tuê moxiʼa mabhabha, enu-phe ki mu xikina!

Jipoxolo 24:5

Kuma o diialʼ idi tua mu ijiia, ua di fangana dibhebhu. Muène mukua kukitukisa o Jijudé mu ngongo ioso, muenʼiú kihuende mu kisoko kia akua Nazalé.

I Tesalonika 5:22

mu lenge jinge ioso i mua mono iaiibha.