Ejidala 3:7 - O Mikanda Ikola

⁷ Hé a bhana-phe ue kitadi ku akua kubatula ni akua ufunu ua kusonga mabaia kumoxi ue, ni kúdia ni kúnua ni maji ku akua Sidone ni akua Tilu phala kututa ku Libano miẋi ia misédulu, kuijiia na-iu mu kalunga ku Jopa, mukonda kiene kia di kundu ni Silu, sobha ia Pélesa iu ua ehelela ku ki bhanga.

Ejidala 3:7 ပူးပေါင်းရင်းမြစ်များ

II Samuuele 5:11

Hilamu, sobha ia Tilu, anga u tuma jiphunga kua Davidi, ni miẋi ia misédulu, ni jikalupindelu ni jipedelelu, Davidi anga a mu tungila inzo.

I Jisobha 5:6

Eie-phe ambela akua mbèle ié, a ngi kokele o miẋi ia misédulu iala mu muxitu ua Libano. O akua mbèle iami a kà kala kumoxi ni akua mbèle ié, o ioso-phe eme i u ngi xinda kubhana phala futu ia ku futa akua mbele ié, iene i ngi ku bhana; mukonda eie uejiia kiambote kuila o muʼaxaxi ketu kanamu athu ejiia kubatula, kiambote o miẋi, kala akua Sidónho.

II Jisobha 12:10

O kioso ene kia mono kiá kuila o kitadi kia vulu kiala kiá mu mbaúlu, o musoneki ua sobha ni nganga ia dikota, a banda jinga phala ku kiʼalula ni ku ki ta mu jinzeke, kitadi kioso kia sanga jinga mʼonzo ia Jihova.

II Jisobha 12:13

Maji-phe ku kitadi kieneʼokio kia bheka jinga mu inzu ia Jihova, ka bhanga jinga-ku jikopho ja phalata, mba jingalufu, mba malonga a menhʼa pholo, mba jikoloneta, mba kitutu kioso-kioso kia ulu mba kitutu kia phalata phala mʼonzo ia Jihova.

II Malunda 34:10

O kitadi hé a ki bhana kua oso a kexile mu kutumina o kikalakalu, a tambuile konda ia inzu ia Jihova; o ene anga a ki bhana kua oso a kexile mu ku bhanga o kikalakalu, ió a kexile mu kukalakala ku onzo ia Jihova, phala ene a tene o ku i iukisa ni ku i tungulula dingi.

Ejidala 3:6

Tundé mu kizuua kia dianga, kia mbeji ia kasambuadi, ki andeka ni kubhakula jisata kua Jihova; sumbale kienhokio-phe, kiluua ngó a ta madisesa ma tembulu ia Jihova.

Izekiiele 27:17

Ni Juda ni ixi ia Izalaiele, a kexile ene kiabhu akua ku ku tela o uenji; o ene uâ o uenji ua-ta jinga nʼeie uenhú: Ni tiliku ia Minite, ni panaji, ni uiki, ni maji a kulunga, ni maji a dizumba.

Jona 1:3

Jona anga u balumuka phala kulengela ku Talxixi, mukonda dia Ngana; kia kulumuka ku Jope, u sanga-ku naviiu iala kuia ku Talxixi, u futa muômbo uê, anga u di longa momo phala kuia ku Talxixi mukonda dia kulenga pholo ia Ngana.

Jipoxolo 12:20

Helode muene-phe ua luualela kiavulu akua Tilu ni Sidonha. Ene anga a di kasa, eza kumoxi kibuka kia muvimba phala ku mu hindula. A dianga-phe ku kuata ukamba ni Balaxtu dikota dia mukalakadi ua sobha, ua tambula konda ia hâma iê. Anga aia kiua katé kua soba Helode, hé a mu dionda kuditambulula-nâ ku paze, mukonda o ku makudia, oxi iâ ia bhindumukina ku oxi ia sobha.

Jipoxolo 9:36

Kiki ku Jopa ku kala xibulu ia muhatu dijina diê Tabita. (Mu Ngeleku ku di lombolola ela: Kasexi). Muhatu iú ua vula jimbote ni jimola jene kubhanga mu kukuatekesa o jingadiama.

Jipoxolo 9:38

Kuma bhu Lida bhua zukama ni bhu Jopa, jixibulu ki evu kuila Phetele iú bhobho, a tuma-ku mala aiadi ku mu dionda, exi: Kana kulaleka! Zá lusolo kunu ku Jopa!

Jipoxolo 9:43

Mu kukala, Phetele anga u bhanga izuua iavulu mu Jopa, ku bhata dia Ximá muteki a ibha.