Ejidala 3:5 - O Mikanda Ikola

⁵ Kia zubha iii, kuiza sata ia izuua ioso, ni jisata ja mbeji ia thethama, ni jifesa ja mukuá dingi ja lumbila jinga Jihova mu ithangana ioso ia tokala; kala dingi ue ió oso eza ni mibhaku iâ mu kubhakuila Jihova kala kia a tumu mixima iâ.

Ejidala 3:5 ပူးပေါင်းရင်းမြစ်များ

II Malunda 31:14

O Kola, monʼa Jimina, o levita, mulangiʼa-bhitu ku mbandu ia mutundila-kumbi, muene a mu bhele o kutambula konda ia maujitu ma ku di fikixila, ma Nzambi, mbé o kuenda ni kuuana o maujitu ma Jihova ni ima i kôla kinéne.

Ejidala 3:6

Tundé mu kizuua kia dianga, kia mbeji ia kasambuadi, ki andeka ni kubhakula jisata kua Jihova; sumbale kienhokio-phe, kiluua ngó a ta madisesa ma tembulu ia Jihova.

Nehemiia 10:34

Tua te ue jisorte muʼaxaxi ka jinganga, akua Leví, ni mu kifuẋi, phala kuijiia oso a bhana o jihuinhi ja kubheka mʼonzo ia Nzambi ietu, ku jinzo ja jitata jetu, mu ithangana i a xindi, ku muvu ni muvu, ia kuohela ku kalatódio ka Jihova, Nzambi ietu, kala ki a ki soneka mu kitumu.

Jelemiia 33:18

Ni ku jinganga ue o jilevita, ki kuà kamba monʼa diiala uimana bhu pholo iami mu ku bhakula sata ia kuoha, nʼende ni kuoha mibhaku ia makúdia ni kubhakula ilumbu izuua ioso.

Ijila 1:2

Zuelesa anʼa Izalaiele, u a ambela kiki: Se muthu mudienu ua mesena kubhanga ujitu kua Jihova, ujitu u u katula ku ibhaku, ku jingombe mba ku jimbudi ni jihombo.

Ijila 1:3

Ujitu uê se u kala sata ia kuoha ia ngombe, a sole ia ndumbe, sé ngó unema; a i bheke muène mu vondadi iê, bhu muelu ua balaka ia kutakanena, phala a i ẋikine bhu pholo ia Jihova.

Ijila 23:2

Tangela anʼa Izalaiele, u a ambela, uixi: O izokola ia Jihova, ki mu iongeka jinga, ikale ionge ikôla. Munono-phe ua izokola iami, iú:

Dialuilu 28:14

O sata ia mákunua kaxaxi ka hine ka vinhu ku ngombe, mbandu ia katatu ia hine ku kilumbe kia mbudi, mbandu ia kauana ia hine ku mbudi ia muvu umoxi; sata iii, sata ia mbeji ia thethama, jimbeji joso ku muvu kiene.

Dialuilu 28:19

kikale-phe mu bhana ujitu ua kubhakula ni túbhia, sata ia kuoha i mu satela Jihova: Tungombe tuiadi tua ndumbe, kilumbe kimoxi kia mbudi, ni sambuadi dia tumbudi tua ndumbe, tua muvu umoxi, mu tu kuata tua kambe dixaka.

Dialuilu 28:27

Benhobho-phe kiá, mu bhana sata ia kuoha, ia dizumba diambote kua Jihova: Tungombe tuiadi tua ndumbe, kilumbe kimoxi kia mbudi, sambuadi dia tumbudi tua ndumbe, tua muvu umoxi;

Dialuilu 29:13

anga mu bhana sata ia kuoha, ujitu a u bhakula ni túbhia, u bhana dizumba diambote kua Jihova: Kuinhi niʼtatu dia tungombe tua ndumbe, ilumbe ia mbudi iiadi, kuinhi ni uana dia tumbudi tua ndumbe, tua muvu umoxi, ki tu moneka dixaka;

Dialuilu 29:2

anga mu bhakula sata ia kuoha, kuma dizumba diambote kua Jihova: Kangombe kamoxi ka ndumbe, kilumbe kimoxi kia mbudi, sambuadi dia tumbudi tua ndumbe, tua muvu umoxi, ki tu moneka dixaka:

Dialuilu 29:39

Ienhiʼii iene i mu satela jinga Jihova mu jifesa jenu ja mi xindi, o ia ku di hambelela enuʼenu iengi, ni ia kubhana mibhaku ia kudifikixila, ni sata jenu ja kuoha, ni jisata ja mákudia, ni jisata ja mákunua, ni jisata ja paze.

Dialuilu 29:8

maji-phe mu bhakula sata ia kuoha, ia Jihova, mu dizumba diambote: Kangombe kamoxi ka ndumbe, kilumbe kia mbudi, sambuadi dia tumbudi tua ndumbe, tua muvu umoxi; ki tu moneka dixaka; mu i kuata;

Matendelelu 12:17

O madijimu kana ku ma dila kubhata dienu: ni díjimu dia idima ienu, ni dia maluvu menu, ni dia maji menu, ni jiphande-kumbi ja jingombe jenu ni ja jimbudi jenu; katé ni ima i mua plometela ku hasa ioso i mua te, ni mibhaku ioso ia vondadi, ni maujitu ma ku di fikixila bhu lukuaku luenu;

Matendelelu 12:6

Bhene bhu muenda ni kubheka o jisata jenu ja kuoha, ni ibhaku ienu ioso ia kusatela Jihova, ni madijimu menu ni maujitu menu ma ku di fikixila bhu lukuaku luenu, ni jihasa jenu, ni mibhaku ienu ia vondadi, ni jiphande-kumbi ja jingombe jenu ni ja jimbudi jenu.