Ejidala 3:12 - O Mikanda Ikola

¹² Sumbala kiene, maji jinganga ja vulu, ni jilevita, ni jitata ja mabhata, a kuka kiá, a mono inzo ia Jihova ia diangelèku, ki ia kexe ku madisesa mê, a didi ni ku ta muene jongololo, kia mono dingi iii ku mesu mâ; maji hanji muene, a vudile a kexi mu zangula mbimbi ni ku ta mitendu ia kusanguluka.

Ejidala 3:12 ပူးပေါင်းရင်းမြစ်များ

Ejidala 3:13

Katé kia bhonzele muene kutungula o mbimbi ia kusanguluka, ni mbimbi ia kudila kua kifuxi. Mbata o kifuxi kioso a kexile mu ku sanguluka ni mbimbi ia di leka, mazuí mâ anga aia muene ni kua evua ku makanga kinéne.

Jobe 8:7

Ditala dié dia dianga, ku tanga kidi, dia kexile diòfele, maji di sukidila-ku di kala diònene muene.

Jisálamu 126:6

Oso aia ku mábhia ni kudila, mu kuna mbutu ja iuka, edi kala a tale ngó hadi, hádia-phe eza ni kusanguluka, ambata o ita ia idima ia kutu.

Jisálamu 147:1

Ximanenu Jihova! kima kiambote o kuimba mù ximana Nzambi ietu; kiki-phe kia touala, kia fuama muene o kuximana.

Izaía 41:14

Ku kale-phe ni uoma, eie u kabamba ka Jakobo, eie u kakifuẋi ka Izalaiele; eme Jihova, ngi ku banda, kuma Mukudi ué, muene Suke-ku, Dilemba dia Izalaiele.

Izaía 60:22

Kamona kandenge, ua kà di-bhanga midi; o ua beta kutola u biluka kifuxi kionéne: Eme, ngi Jihova, bhu kumbi diê nga ka ki bhanga sé kufula.

Jelemiia 50:4

Jihova uixi: Mu izuuʼomo ni kithanganʼokio, anʼa Izalaiele a kʼèza, ni ene ni anʼa Juda kumoxi; mu kuiza kuâ, a kʼèla ia enda ia dila, mu kusota Jihova Nzambi iâ.

Ajeu 2:3

Nanhi muene mudienu, ua xala-ku, ua lembalala inzu ia dianga ni kijingu kiê? o kiki muala ku i mona kiebhi? Mu ku i sokesa ni ioio, iii mua i mono iedi kala ki kima ku mesu menu.

Zakadiia 4:10

Mukonda, nahi muene u sebulula o kizuua kia dimatekenu dia tuma tua tolo. Mbata enʼió a kà sanguluka mu ku mona o pulumu bhu lukuaku lua Zolobabele; o sambuadi dia mesu diodio, diene o sambuadi dia mesu a Jihova ene mu ku tonginina mu ngongo ioso.