Ejidala 3:11 - O Mikanda Ikola

¹¹ Anga a kuata ku di tambuijila mu kuimba, ni kuximana, ni kubhana fuma kua Jihova, ni kuzuela, exi: Muene ukôla, kuma jihenda jê ji nangenena ku thandu dia Izalaiele. Mundu uoso hé a kuata kutana ni ku dikola ni dízui dia suina, mu kuximana Jihova, mukonda dia ku ta madisesa ma inzo ia Jihova.

Ejidala 3:11 ပူးပေါင်းရင်းမြစ်များ

I Malunda 16:34

Sakidilenu Jihova, kuma muene mukua kubhanga mbote; mbata kulenduka kuê ki kuene kúbhua.

I Malunda 16:41

O Kua ene ku di-ta dingi Hemane, ni Jedutunu, ni ió oso a a solo dingi, a a tumbula ku majina mâ, phala kuximana Jihova, kuma o kulenduka kuê ki kuene kúbhua.

II Malunda 5:13

Ene há a tongesa muene mu kuxikila jikoloneta kumoxi, ni mu kuimba ue, embila mbimbi imoxi ngó i uivua, mu ku tumbula o mbote ni kuximana Jihova; o kioso ene kia zangula o mbimbi kumoxi ni jikoloneta ni jingoma ja ngòndo ni ima dingi ia mukuá ia kuxika o mimbu, ni kutumbula Jihova kuma mukua Mbote, mukonda o kulenduka kuê ki kuene kúbhua, inzu ioso muene iezala ni dituta, o inzu ia Jihova.

II Malunda 7:3

Ana oso a Izalaiele kia mono o túbhia ni unéne ua Jihova ua mu tuluka ku thandu dia inzu, a bhetamena jipholo bhoxi, ku mavu, hé a diunda, a ximana Jihova; mukonda mukua mbote, mbata o kulenduka kuê ki kuene kúbhua.

Nehemiia 12:24

A kexi-phe atumini mu akua Leví enhá: Hasabiia, Selabiia, ni Jesuua, monʼa Kadimiiele; anga o jiphange jâ a kala ku pholo iâ mu kuimba o diximanu ni kusakidila, kala kia tumine Davidi, o muthu ua Nzambi; anga a kala mu kudibhinganesa ni kuditambuijila mu kuimba.

Nehemiia 12:40

Bhenhobho o ibuka iene kiiadi kiâ ia jingimba eza anga emana mʼonzo ia Nzambi; eme uami, ni kaxaxi ka makota a jitata tuimana.

Jisálamu 100:5

Kuma Jihova muthu uambote; kulenduka kuê ki kuene kúbhua; o kukumbidila kuê ku xalela ku miji ioso.

Jisálamu 103:17

Maji o henda ia Jihova-phe, ku i tunda, ku i ia, ki iene thembu; ia xalela ku thandu dia akua uoma uê; o ku kumbidila kuê ni ku mululu ni ku mulaula.

Jisálamu 106:1

Haleluia! Sakidilenu Jihova; kuma muene mukua kubhanga mbote; mukonda o jihenda jê ki jene kúbhua.

Jisálamu 107:1

Ximanenu Jihova, o mbote iê iene mu bhanga; mukonda o jihenda jê ki jene kúbhua.

Jisálamu 118:1

Sakidilenu Jihova, kuma muene mukua mbote; mukonda jihenda jê ki jene kúbhua.

Jisálamu 131:1

U Jihova, muẋima uami ki uala ni izala, kana; ki ngala mu xikulula mesu ni katunda koso! Ki ngi di metena imbamba ia ngi tundu, mba ngi sota imbamba ia makota ki i ngi tokala!

Jisálamu 135:3

Ximanenu Jihova, kuma muene muthu uambote; imbenu diximanu dia dijina diê, kuma kima kiaiuka.

Jisálamu 47:1

Kuatenu jimbánda, enu mu mundu uoso; kolenu Nzambi ni dízui dia kikóue.

Jisálamu 47:5

Nzambi ua bande ni ku mu kola kikóue, Jihova uaii ni ku mu xikila koloneta.

Makatukilu 15:21

Midiiana anga u tambuijila, uixi: Imbidienu Jihova o kikóue kia undanda; kuma ni kabalu ni iú ua sambela-ku, ua a texi mu menha.

Izaía 12:6

Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Izaía 44:23

Enu, maúlu, imbenu ni ngalasa, mbata Jihova muene ua bhange kiki; tanenu-ku, enu mu ididi ia boloka, enu mu milundu te-nu nzongo ia kusanguluka; nʼenu ue mu mixitu, ni mixi ioso iene-mu; mbata Jihova ua kula Jakobo iú ua tambula fuma mu Izalaiele.

Izaía 6:3

Anga jikuata ku di tambuijila, kuila: Ukôla, Ukôla, Jihova dia Ilômbo Ieta! Oxi ioso iezala ni fuma ié!

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Ajeu 2:3

Nanhi muene mudienu, ua xala-ku, ua lembalala inzu ia dianga ni kijingu kiê? o kiki muala ku i mona kiebhi? Mu ku i sokesa ni ioio, iii mua i mono iedi kala ki kima ku mesu menu.

Zakadiia 4:7

Eie nanhi, mulundu ua dikota? Bhu pholo ia Zolobabele ua kà kituka-phe u kiphenza. Kuma muene ua kèza ni di tadi dia sukidila-ku dia thunge, ni ku mu tela o kikoue, kuila: Èue! Èue, tadi dienhʼidi!

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Luka 1:50

O henda iê ia kalé ku miji ni miji ku thandu dia iá oso a mu xila.

Josuué 6:10

Josuué anga uambela o kifuẋi, uixi: Enu ki nu dikole, mu di xibha muene hudí, né kizuelu kimoxi ki ki tunde mu kanu dienu, katé kizuua ki ngi mi ambela kukola; kiene kiua ki mu kola.

Josuué 6:16

Kia zubha kubhita lua kasambuadi kiá, kioso jinganga kiala kuxika jimbungu, Josuué uambela o kifuẋi, uixi: Kolenu! kuma mbonge Jihova ua mi bhakuila-iu kiá.

Josuué 6:5

Ki bhita-phe, kuila, o kioso ene kia xika ni dízui diasuina ku jimbungu ja ilumbe, ki muívua dízui dienhódio dia mbungu, kifuẋi kioso a kole nzòngo ionéne; mu mona-phe kuma lumbu lua mbonge lu di bhala, hé lu zeka bhoxi, kifuẋi kioso anga a bokuena kala muthu bhuoso bhua lulamena, bhua lungila o pholo iê, ka bhingi dingi ididi iengi ia kubokuena mu mbonge.