Ejidala 3:10 - O Mikanda Ikola

¹⁰ Kioso akua kutunga kia te madisesa ma Tembulu ia Jihova, jinganga eza kiá a zuata, eza ue ni jikoloneta; o jilevita, anʼa Asafo eza ni jimbânza phala kuximana Jihova, kala kia xindi Davidi, sobha ia Izalaiele.

Ejidala 3:10 ပူးပေါင်းရင်းမြစ်များ

I Malunda 15:24

O Sebaniia, ni Jozafate, ni Natanele, ni Amasai, ni Zakadiia, ni Benaia, ni Eliiezele, o jinganga, a kala mu xika o jikoloneta ku pholo ia álaka ia Nzambi. O Obede-Edomo, ni Jehiia, ene akexile alangi a mielu ia álaka.

I Malunda 15:27

Davidi anga uia uazuata kizuatu kia linhu ia fina, kiene kimoxi ue ni akua Levi oso ambatele o álaka, ni akua kuimba; o Kenaniia muene o mutumini ua ió oso ambatele o álaka ni jingimba. Davidi ue uazuatele dingi ni kizuatu kia linhu a kixana efodi

I Malunda 16:37

Kienhiki, Azafu ni jiphange jê, anga Davidi u a xisa bhenhobho, bhu pholo ia álaka ia kitumu kia Jihova, mbé o kuia ni kubhanga jinga o ukunji bhu pholo ia álaka kala kia tokala mu kitendelelu kia fuama kubhanga o kizuua ni kizuua.

I Malunda 16:42

Kala kiki, ene-phe a kexile kiá kumoxi ni Jedutunu, ia akexile mu xika o jikoloneta ni tungoma, phala kuia ni kuivisa o ingolongondo ioso ia kuxika o jimujika ja mimbu ia kuimbila jinga Nzambi; maji o ana a Jedutunu-phe akexile mu langidila jinga bhu muelu ua dibhitu.

I Malunda 23:5

Kutunda dingi midi jiuana ja alangidi a mielu bhu mabhitu, ni midi jiuana phala kuximana jinga Jihova, ni ingolongondo ia kuxika mimbu i nga bhange eme-muène phala ku mu ximana jinga.

I Malunda 25:25

O kia kakuinhi ni nake kiakuata Hanani, ni anʼê ni jiphange jê, atena kuinhi ni kiiadi.

II Malunda 35:14

Anga a iudika kiua ioso ia tokalele ene ni jinganga; mukonda o jinganga, anʼa Alá, a landukile ni kubhakula jisata ja kubhakula ni túbhia kua Jihova ni maji a ibhaku, katé mu usuku. Kiene kia bhekesa kuila o jilevita a iudika phala ene ni jinganga, o anʼa Alá.

II Malunda 35:15

O jingimbidi anʼa Azafe, a kexile bhu ididi iâ, kala kia tumu o ngonge ia Davidi, ni ia Azafe, ni ia Hemane ni ia Jeditunu, o muzambuidi ua sobha, akua mabhitu ue kiòmuene, dibhitu ni dibhitu, ki ku bhingile muthu kusondoloka ku ukunji ue, mukonda o phange jâ, o jilevita, a kexile kiá mu ku a iudikila ioso ia bhingi phala ene.

II Malunda 5:12

Ni jilevita, ni akua kuimba ene oso, ni akuʼAzafe ni akua Hemane ni akua Jedutune, ni anʼâ ni jiphange jâ, a kembe ni izuatu ia linhu ia nzeta, (a kuata jingoma ja ngòndo ni tukoxi ni jimbànza, emanena ku mbandu ia thunda ia Kalatódio, ni ene kiá kumoxi ni hama ni makuinhi aiadi a jinganga a kala mu xika jikoloneta).

Ejidala 2:41

O jingimba: Anʼa Asafo, hama ni makuinhi a iadi ni nake.

Ejidala 5:16

Bhenhobho-phe, Sebazale muenʼió ueza, iu ua te o madisesa ma inzu ia Nzambi, iala mu Jeluzaleme; tundé kiá kienhókio, katé ni mu leluʼmu, iene-phe hanji ia mu tungʼii, kiluua ibhua.

Jisálamu 150:5

Mu ximanienu ni jingoma ja ngondo, mu ximanienu ni kuxika ku ji theia ni ku manuma.

Ajeu 2:15

Kala kiki o miẋima ienu tenu-iu ku ima ienhiʼii, tunde kizuua kia lelu katé ku pholo, kiosuʼiki kiluua mu ta ditadi kuthandu dia ditadi ku Tembulu ia Ngana.

Zakadiia 4:10

Mukonda, nahi muene u sebulula o kizuua kia dimatekenu dia tuma tua tolo. Mbata enʼió a kà sanguluka mu ku mona o pulumu bhu lukuaku lua Zolobabele; o sambuadi dia mesu diodio, diene o sambuadi dia mesu a Jihova ene mu ku tonginina mu ngongo ioso.

Zakadiia 4:6

Muene anga u kuata kuzuela, uixi: O kiki, kiene o kizuelu kia Jihova kua Zolobabele, kuila: Ki mu nguzu mba mu undanda, maji mu Nzumbi Iami, kiene kia tange Jihova dia Ilombo Ieta.

Zakadiia 4:7

Eie nanhi, mulundu ua dikota? Bhu pholo ia Zolobabele ua kà kituka-phe u kiphenza. Kuma muene ua kèza ni di tadi dia sukidila-ku dia thunge, ni ku mu tela o kikoue, kuila: Èue! Èue, tadi dienhʼidi!

Zakadiia 6:12

Hé u mu tangela, uixi: Jihova dia Ilombo Ieta, mu kuzuela, uambe kiki: Talesa-ze, muthu iú ua bhingi kuila jina diê, Thangu Luobhe; muene ua kà sabhuka bhu kididi kiê, anga ua kà tunga o Tembulu ia Jihova.

Zakadiia 7:3

Iá ebhula ku jinganga ja kexile mʼonzo ia Jihova dia Ifuẋi ni ku jipolofeta, exi: Manhi, tu dila jinga kienhiki, ni kujila, bhu mbeji ia katatu kala ki tuene kiá ku ki bhanga mu mivu iavulu?

I Samuuele 22:18

Muenexi anga u ambela Doueki, uixi: Bhixila eie, u kitukile jinganga. Doueki, mukua Edomo, anga u bhixila, u balukila jinganga, muene anga u jibha kizuua kienhokio makuinhi nake a muthu ni kitanu, ene oso jinganga a zuata efodi ia linho.